بفكر في الريو . رأيكم ايه ؟؟؟

[smalltoto10]

النتشه على كل السرعات؟؟

لا يباشا ديه بتيجي بعد فترة من التشغيل والقيادة داخل المدينة ومرة تيجي وعشره لا وشكلها تهييس

[mhkorayem]

اة فى صوت عندي بس بسيط جاي من الجمب اليمين للدركسيون حته فبره اما بتدوس عليها بتعمل صوت خفيف

بالنسبة لموضوع الفتيس انا لسه راجع من التوكيل وجربوها ومحصلتش معاهم اى نتشه او اى مشكلة وشافوها بالجهاز ونضفوا الحساسات والصراحة عملوا كل حاجه ف ساعتين وجربوا اكتر من 30 كيلو مشي ومحصلش معاهم حاجه ومعرفتش اقولهم ايه !!!

بس خلاصة القول ان الدواسة الكهربا الى ف الريو حساسة بزيادة وممكن اكون بطريقة سواقتي بلغبط العربية فى مشيها علشان كدا بعد فترة من مشواري بتعمل الحركة ديه معايا انا بس !!

طب اسوقها ازاي بالتحسيس ولا بالمهاوده هههههههههه

طيب الحمد لله ان الصوت عندك خفيف
أنا ساعات بحس الصوت خفيف وساعات بحس الصوت عالي وسخيف ومش قادر اعرف هو جاي من ايه
بخصوص الفتيس هيبان مع الوقت معاك لو كانت مشكله ولا مسأله تعود على حساسية دواسه البنزين بس ان شاء الله ميكونش فيها حاجه

[mhkorayem]

جبت خليجي ولا وكيل؟؟ وتنصحني اجيبها ولا اجيب سيراتوا توب لاين او كوبيه استعمال 2011

أنا جايب العربيه وكيل
وبخصوص راي فأعتقد مفيش فرق كبير بين الريو والسيراتو ككوالتي فاللي هيحدد الموضوع احتياجاتك يعني لو عندك اسره كبيره وعاوز عربيه كبيره او عاوز ماتور اعلى وفارق معاك التسارع بشكل كبير والعزم بشكل كبير يبقى السيراتو لو مش فارق معاك الكلام ده وسواقتك هاديه وتسرتك صغيره تبقى الريو ووفر فلوسك
بس أنا راي الشخصي لا دي ولا دي وشوف اللانسر الشارك أعتقد احسن منهم على الاقل مش هتسمع مزيكه حسب الله طول ما انت ماشي من التابلوه والابواب ودي للاسف سمه الكوري بشكل عام
متشتريش كوري غير لو كنت عاوز حاجه توفرلك في اسعار قطع الغيار وتكاليف الصيانه لكن لو ده مش فارق معاك يبقى بلاش

[Ahmender]

أنا جايب العربيه وكيل
وبخصوص راي فأعتقد مفيش فرق كبير بين الريو والسيراتو ككوالتي فاللي هيحدد الموضوع احتياجاتك يعني لو عندك اسره كبيره وعاوز عربيه كبيره او عاوز ماتور اعلى وفارق معاك التسارع بشكل كبير والعزم بشكل كبير يبقى السيراتو لو مش فارق معاك الكلام ده وسواقتك هاديه وتسرتك صغيره تبقى الريو ووفر فلوسك
بس أنا راي الشخصي لا دي ولا دي وشوف اللانسر الشارك أعتقد احسن منهم على الاقل مش هتسمع مزيكه حسب الله طول ما انت ماشي من التابلوه والابواب ودي للاسف سمه الكوري بشكل عام
متشتريش كوري غير لو كنت عاوز حاجه توفرلك في اسعار قطع الغيار وتكاليف الصيانه لكن لو ده مش فارق معاك يبقى بلاش

انا ركبت سيراتو قبل كده ماكانش فيها مزيكة حسب الله خالص :d وركبت اكتر من حاجه كوري ماكانش فيها اصوات. يمكن تابلوه حضرتك اللى فيه مشكلة.
وموضوع الفرق فى السعر فمفيش فرق.. يمكن الريو هتكون اغلى لانى هجيبها زيرو.. انما السيراتو كوبيه هجيبها استعمال 2011
الشارك كل ماسأل حد ماينصحنيش بيها خالص.. ومالقتش حاجه استعمال نضيفه وسعرها مقبول خالص. والجديدة غالية عليا. غير طبعا موضوع قطع الغيار خصوصا الاكسسوارات مهم جدا جدا.. انا موعود بكسر المرايات والاكصدامات بسبب اخطاء الغير

[Ahmender]

وعلى فكرة اسرتي صغيره .. والريو وسعها كويس جدا وكافي انا ركبتها فى التوكيل وهى واقفه.. لكن السحب والثبات مهم جدا.. فهل هى سحبها وحش؟. هل الشارك 1500 احسن منها؟.. وثباتها ونعومتها؟؟ اقل من السيراتو ولا افضل؟

[mhkorayem]

انا ركبت سيراتو قبل كده ماكانش فيها مزيكة حسب الله خالص :d وركبت اكتر من حاجه كوري ماكانش فيها اصوات. يمكن تابلوه حضرتك اللى فيه مشكلة.
وموضوع الفرق فى السعر فمفيش فرق.. يمكن الريو هتكون اغلى لانى هجيبها زيرو.. انما السيراتو كوبيه هجيبها استعمال 2011
الشارك كل ماسأل حد ماينصحنيش بيها خالص.. ومالقتش حاجه استعمال نضيفه وسعرها مقبول خالص. والجديدة غالية عليا. غير طبعا موضوع قطع الغيار خصوصا الاكسسوارات مهم جدا جدا.. انا موعود بكسر المرايات والاكصدامات بسبب اخطاء الغير

أنا عن نفسي جربت في الكوري حاجتين الهيونداي ماتريكس والكيا الريو
الماتريكس كان فيها اصوات من البلاستيك اللي ورا الدركسيون كان في البدايه صوت خفيف ومقبول وزاد اوي عند الـ 60.000 كم وكان مزعج بشكل كبير وراح لوحده بعد الـ 70.000 كم والحمد لله مظهرش تاني ده غير اصوات من عتد باب الراكب الامامي فضلت لحد الـ 145.000 كم لحد ما بالصدفه قابلت موضوع بيتكلم عن حل للموضوع ده عن طريق استخدام wd-40 ورشه على اقفال الابواب وفعلاً جربت ده والحمد لله راحت بس بعد ما كانت جننتني
لما حبيت اشتري كنت قكرت في الريو وبصراحه نظافه خامات تابلوه الريو والفرش طمنتني جداً اني مش هلاقي المشاكل دي لان فعلاً التابلوه بيديك احساس عالي بكفائه التقفيل لكن للاسف خاي ظني في النقطه دي بالتحديد لان لقيت الاصوات من التابلوه مزعجه بشكل كبير واللي عرفته بقى لما بدأت أدور في الموضوع ده أن المشكله دي عند ناس كتير من ملاك الريو ومش في مصر بس لأ دي كمان بره مصر فيها نفس المشكله وده أنا متاكد منه
مش عارف يقى السيراتو فيها الموضوع ده ولا لأ بس أنا بقى عندي شبه أقتناع ان دي مشكله في الكوري بشكل عام لانها حصلت معايا في الهيونداي والكيا
مش هقولك اني ندمان اني جبت الريو لانها بالنسبه ليا الانسب عشان أنا مش عاوز اجيب حاجه صيانتها مكلفه لكن لو كان موضوع اسعار قطع الغيار والصيانات ده مش فارق معايا كان هيبقى من الافضل اني اشتري حاجه تانيه زي الشارك او الياريس او الكورسا ومكنتش هشتري كوري بصراحه
بخصوص السحب هي معقوله اوي والـ 1400 cc مش خانقين العربيه والتكيف مش مؤثر عليها لان العربيه 107 خصان وده كويس اوي بس طبعاً ماتور السيراتو اعلى
بالنسبه للثبات مش هقدر افيدك اوي لاني مش غاوي السرعات العاليه بصراحه ومش بجري على سرعات عاليه عشان اقدر افيدك
بخصوص الشارك لو ببتكلم على شارك 1500 cc فبصراحه أنا معرفش عنها حاجه لكن الشارك الجديده الماتور الـ 1600 cc أنا مشفتش حد بيشتكي منها بصراحه لا في السحب ولا في الثبات يمكن اكبر شكوي يتبقى من ارتفاع اسعار قطع الغيار
وعموماً أنا تحت امرك في اي اسئله بخصوص الريو وبالنسبه للسيراتو الشباب بقى هيفيدوك اكتر
وانصحك تدخل قسم المتسوبيشي وتشوف راي ملاكها افضل هما اقدر على انهم يفيدوك فيها
وربنا يوفقك للافضل

[ahmedz310]

طب هي مشكلة اصوات التابلوه في الريو ظهرت معاك بعد كام كيلو ياكبير؟

[mhkorayem]

طب هي مشكلة اصوات التابلوه في الريو ظهرت معاك بعد كام كيلو ياكبير؟

من اول ما جبت العربيه

[chicomowafy]

بص يا باشا ان رايى ان الاوبترا والصنى بس 2015 افضل ويتقارنوا ببعض لكن الريو شايف ان سعرها مبالغ فيه بالنسبه لامكانيتها ومتدخلش فى فئه العربيات الكبيره الواسعه زى الاوبترا والصنى طبعا تقفيلها ممتاز بس الاوبترا الشكل القديم كورى بردو وتقفيل ممتاز والصنى اوبشن احسن بس تقفيل ردىء لحد ما اللى ملاحظه بقى ان ناس كتير اوى بتبيع الريو كسر زيرو ادخل على كونتكت كار وشوف كميه الريو الكسر عربيات مامشيتش 3000 الى 5000 كيلو بالكتير مش عارف ده عدم اقتناع من ملاكها بيها ولا ايه وانت ممكن تجيب كسر زيرو اوبشن اعلى بنفس السعر ده اما انا عن نفسى فكنت فى نفس حيرتك وبعد دراسات مستفيضه توكلت على الله وحجزت سوزوكى ارتيجا 7 راكب ووقدامى شهر او شهر ونص واستلم ولو ما صدقوش فى الميعاد يبقى صنى سوبر صالون ان شاء الله وربنا يوفقنا ويوفقك الى ما فيه الخير.

[mhkorayem]

بص يا باشا ان رايى ان الاوبترا والصنى بس 2015 افضل ويتقارنوا ببعض لكن الريو شايف ان سعرها مبالغ فيه بالنسبه لامكانيتها ومتدخلش فى فئه العربيات الكبيره الواسعه زى الاوبترا والصنى طبعا تقفيلها ممتاز بس الاوبترا الشكل القديم كورى بردو وتقفيل ممتاز والصنى اوبشن احسن بس تقفيل ردىء لحد ما اللى ملاحظه بقى ان ناس كتير اوى بتبيع الريو كسر زيرو ادخل على كونتكت كار وشوف كميه الريو الكسر عربيات مامشيتش 3000 الى 5000 كيلو بالكتير مش عارف ده عدم اقتناع من ملاكها بيها ولا ايه وانت ممكن تجيب كسر زيرو اوبشن اعلى بنفس السعر ده اما انا عن نفسى فكنت فى نفس حيرتك وبعد دراسات مستفيضه توكلت على الله وحجزت سوزوكى ارتيجا 7 راكب ووقدامى شهر او شهر ونص واستلم ولو ما صدقوش فى الميعاد يبقى صنى سوبر صالون ان شاء الله وربنا يوفقنا ويوفقك الى ما فيه الخير.

هي الاوبترا الشكل القديم ممكن اتفق معاك في انها عربيه كويسه جداً وممكن تكون افضل من الريو عيبها بس ان شكلها قدم اوي
لكن الصني الشكل الجديد لأ طبعاً الريو افضل منها بمراحل ممكن تدخل قسم نيسان وتشوف راي ملاكها فيها وتشوف الشكاوي بنفسك
الارتيجا عربيه سعرها ممتاز وقد تكون كويسه بس هي مغامره لانها عربيه لسه مش متجربه ومحدش يعرف مشاكلها هتكون ايه وحجم انتشارها وتوافر قطع الغيار هتكون عامله ازاي يعني من الاخر انت وحظك

[chicomowafy]

انا معاك ان سوزوكى ارتيجا مغامره بس هى مغامره محسوبه الى حد ما اولا لما تعرف ان فى حجوزات للعربيه ل 7 او 8 شهور قدام وان الاوفربرايس فى المعارض وصل ل 13000 جنيه نقدر نعرف حجم اهتمام الناس والاقبال الهائل عليها لدرجه ان فى ناس شغالين فى التوكيل بتاعها مودرن حاجزين بالعربيتين وده معناه ان العربيه حتنتشر كويس وبناء عليه حتتوافر قطع غيار ليها والوكيل طبعا ملزم بده على الاقل طول فتره الضمان .
ثانيا لما تشوف مواصفات وامكانيات العربيه والاوبشن اللى فيها تعرف انها تستحق المغامره والانتظار لان abs مثلا او الطاره المالتى او الجنوط الاسبور دى كماليات فيها وجودها فى الريو مثلا يكلفك اكتر من 13000 الف جنيه غير انها 7 راكب و1400 يعنى استهلاك بنزين معقول طبعا مش بحاول اقنعك بيها بس بنقلك تجربتى الشخصيه لانى بحثت كتير وشوفت كل العربيات اللى فى الفئه دى وسالت اصحابها وكلمت توكيلات واتنقاشت مع ناس كتير واتفرجت على فيديوهات ومنتديات كتير لحد ما حجزت الارتيجا لانى من الاخر شايف ان العربيات الكورى بقا مبالغ فى سعرها اوى ومش بتديك الكماليات اللى تحسسك انك راكب عربيه جديده زيرو الا لو دفعت حقها وفى النهايه ربنا يوفقك وييسرلك الاصلح ان شاء الله.

[mhkorayem]

انا معاك ان سوزوكى ارتيجا مغامره بس هى مغامره محسوبه الى حد ما اولا لما تعرف ان فى حجوزات للعربيه ل 7 او 8 شهور قدام وان الاوفربرايس فى المعارض وصل ل 13000 جنيه نقدر نعرف حجم اهتمام الناس والاقبال الهائل عليها لدرجه ان فى ناس شغالين فى التوكيل بتاعها مودرن حاجزين بالعربيتين وده معناه ان العربيه حتنتشر كويس وبناء عليه حتتوافر قطع غيار ليها والوكيل طبعا ملزم بده على الاقل طول فتره الضمان .
ثانيا لما تشوف مواصفات وامكانيات العربيه والاوبشن اللى فيها تعرف انها تستحق المغامره والانتظار لان abs مثلا او الطاره المالتى او الجنوط الاسبور دى كماليات فيها وجودها فى الريو مثلا يكلفك اكتر من 13000 الف جنيه غير انها 7 راكب و1400 يعنى استهلاك بنزين معقول طبعا مش بحاول اقنعك بيها بس بنقلك تجربتى الشخصيه لانى بحثت كتير وشوفت كل العربيات اللى فى الفئه دى وسالت اصحابها وكلمت توكيلات واتنقاشت مع ناس كتير واتفرجت على فيديوهات ومنتديات كتير لحد ما حجزت الارتيجا لانى من الاخر شايف ان العربيات الكورى بقا مبالغ فى سعرها اوى ومش بتديك الكماليات اللى تحسسك انك راكب عربيه جديده زيرو الا لو دفعت حقها وفى النهايه ربنا يوفقك وييسرلك الاصلح ان شاء الله.

أنا فعلاً متوقع نجاح للارتيجا بس يظل توقع لحد ما يتحقق بالفعل
عموماً تستلم ان شاء الله على خير وتعملنا تقرير بيها هنا وان شاء الله تبقى عند حسن ظنك