تقرير بالصور : جهاز tpms حرارة وضغط الاطارات الوايرلس

[عبدالله برعى]

TPMS(tire pressure mouintig system)1
اولا نوع الجهاز steel mate الموديل TP-3 واير لس بدون اى اسلاك نهائى ضمان 6 شهور
صناعة الجهاز تقريبا هونج كونج لانى ملقتش صنع فى ولقيت الكود بتاع هونج كونج
المواصفات \
1-وايرلس
2-عرض الحرارة لكل اطار على حده
3-عرض ضغط كل عجلة على حدة
4-انذار صوتى عند تخطى الرقم المحدد بمعنى بتحدد نقطة اعلى للضغط او الحرارة مثلا 40 PSI وعندها يعطى انذار او 50 PSI دا بيحد كما تريد وكذلك الحرارة ونفس الكلام على القيمة المنخفضة للضغط يعنى ممكن تظبطة على 25 او 20 PSI كما تريد
5-تحديد وحدة البار او PSI للضغط F او C للحرارة

(ودا من افضل الاجهزة بعد بحث طويل فى المنتديات الاجنبية لانة يوجد اجهزة الحساس بتاعها بيتحط من برة على البلف ةفية بطارية ممكن تتغير لكن الحساس معرض للسرقة)
[IMG][/IMG]

[IMG][/IMG]

الجهاز على الكاتالوج بتاعه فى اختام اعتماد ايزو 9001 معرفش دا دلالتة اية هل الجهاز حاصل على
الشهادات المختومة على المانيوال
مكونات الجهاز :

الشاشة \ بتركب على ولاعة السيارة مباشرة 2.5 بوصة بيعرض عليها حرارة كل اطار وضغطه وفيها صوت انذار عن تخطى القيم المحددة تكنسل الصوت بالضغط على اى زرار من اللى فى الخلف (يوجد 3 ازرار + و - وset)
[IMG][/IMG]

[IMG][/IMG]


الحساسات \4 حساسات بيركبو مكان البلف وفيهم بطارية داخلية الكاتالوج بيقول 3 سنين او 60 الف كم بس الراجل اللى اشتريت منة قاللى الحساسات بتتباع لو حدها
LF :LEFT FRONT امامى شمال
RF:RIGHT FRNT امامى يمين
LR :LEFT REAR خلفى شمال
RR RIGHT REAR خلفى يمين
[IMG][/IMG]

لازم كل واحد يركب مكانة علشان اللى ظاهر على الشاشة يبقى هو الفعلى

طريقة تركيبة فى الجنط
تفك المسمار التالى وهو (النكية)
حتى يكون الحساس حر الحركة وبعد التركيب تربطة تانى

[IMG][/IMG]

تفك الصوميل الموضحة قبل ما تركبة فى فتحة البلف
[IMG][/IMG]
ولكن احذ فى التركيب من ان لو الكاوتش اتخرم وروحت تصلحة تحذير ان اللافية بتاع الكاوتش يجى على الحساس لما ياجى يطلع الكوتش علشان يلحمة

[IMG][/IMG]

السعر 1,900 جنية التوفيقية مفيش غير محل واحد محلات قدرى دا بعد بحث طويل لانة محدش عندة خلفية بالجهاز
واى استفسار عيونى للاعضاء المحترمين
ودمتم للوطن والخير
سبحان الله وبحمده سبحان الله العظيم

[عبدالله برعى]

الجهاز يصلح لجميع السيارات

[saddam]

صديقي المواطن
شكرا للموضوع المميز والجميل والذي فعلا فيه فائدة ﻷعضاء المنتدى الكرام وشكرا لتزويدنا بآخر أخبار جديد السوق ومتحرمناش من كل جديد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[hamaka]

جهاز 100 / 100

[amgomaa]

مشكور الموضوع ده نازل اوبشن في السيراتو الجديده في امريكا شفته في منتدي اجنبي لعربيات كيا بس بيظهر تحزير في العداد فقط

[احمد المصرى]

جهاز فعال طبعا بس اعتقد سعره مبالغ فيه جدا

[Ahmed_Ramadan]

جهاز فعال طبعا بس اعتقد سعره مبالغ فيه جدا

+11111111111111

و معرض للسرقة كمان .. الحرامية عندنا مبيرحموش

[amrelsaqqa]

جميل بس ليه غالى اوى كدة !

[MITSUKERO]

جامد جدا بس غالي فحت

[john55]

الحلو ميكملش سعره غالي فعلا

[sas5]

الجهاز يصلح لجميع السيارات

اخى العزيز عبدالله
ربكنا يكرمك لتعاونك معنا.
اود ان اوضح شى اثناء بحثى على الانترنت كل سياره لها موديل مختلف طبعا انا مش عارف ليه
لكن بيتم السوال عن نوع السياره ومويل السياره وسنه الصنع فاكيد فيه اختلاف
لان اذا كان يمشى مع الجميع كان ممكن يركب على الاتوبيس والموتسيكل والنقل لانه كله عجل
ولكن هذا غير مضبوط

[khaabas]

موضوع 10 / 10

[adelghanem]

مشكور

[عبدالله برعى]

+11111111111111

و معرض للسرقة كمان .. الحرامية عندنا مبيرحموش

المعرض للسرقة اللى الحساسات بتاعتة بتركب على البلف من بره
ولكن دا الحساس من جوه والبلف بتاعه بلف عادى

[عبدالله برعى]

اخى العزيز عبدالله
ربكنا يكرمك لتعاونك معنا.
اود ان اوضح شى اثناء بحثى على الانترنت كل سياره لها موديل مختلف طبعا انا مش عارف ليه
لكن بيتم السوال عن نوع السياره ومويل السياره وسنه الصنع فاكيد فيه اختلاف
لان اذا كان يمشى مع الجميع كان ممكن يركب على الاتوبيس والموتسيكل والنقل لانه كله عجل
ولكن هذا غير مضبوط

معلومات مؤكدة لانى شغال فى شركة بترول لان موضوع الضغوط جزء مهم عندى فى الشغل
الجهاز يصلح لجميع السيارات والاوتوبيسات اعلى قيمة ضغط max p 55 psi
لان فكرة عمل الحساس بتعتمد على الضغط المحيط بية يعنى سيادتك لو نفخت اوى فى الحساس الجهاز حيقرا 1psi


بالنسبة للسعر اعتقد انة كويس من وجهة نظرى ولو اغلى من كدا كنت حشترية لانى عامل حادث بسبب الكوتشات