كيا بيكانتو

[sonybony]

لو اللى معاك الشكل الجديد 1250 سى سى تبقى جنزير
بص على جنب الموتور ناحية سير الدينامو لو سير الكاتينة كاوتش هتلاقى غطا فايبر فى الجنب اللى بيغطى على السير ..... الجنزير داخل الموتور نفسة ملوش غطا خارجى

لقد تأكدت سير الكاتينه شوفته دلوقتي ولقيته كاوتش وهي الشكل الجديد وخلي بالك لحسن تكمل الي عليه 150 الف واتأكد بنفسك تاني انا موديل 2012 مانيوال خليجي ولك خالص التحيه

[ENG\AHMED]

لقد تأكدت سير الكاتينه شوفته دلوقتي ولقيته كاوتش وهي الشكل الجديد وخلي بالك لحسن تكمل الي عليه 150 الف واتأكد بنفسك تاني انا موديل 2012 مانيوال خليجي ولك خالص التحيه

اللى اعرفة ان العربية بيركب عليها موتورين
1.0 ودة الكاتينة كاوتش
1.2 ودة كاتينة جنزير

ممكن صورة للموتور؟

[sonybony]

اللى اعرفة ان العربية بيركب عليها موتورين
1.0 ودة الكاتينة كاوتش
1.2 ودة كاتينة جنزير

ممكن صورة للموتور؟

الصوره سهله لكن الرفع علي الموقع معملتوش قبل كده لكن كده ولا كده انا شوفت الماتور انهارده وطلع كاوتش ولا اعتقد ان الالف سيسي نزلت مصر اساسا والكاتينه كاوتش للاسف لاني بفضل الجندير عشان بتنساه رغم اعترافي انه بيخل صوت الماتور خشن شويه بس عملي اكتر بكتير بس علي كل حال ده ميمنعش ان عربيتنا جميله ولا ايه :)

[KHALED AYMAN]

اولا تحيه ليك علي المشاركه الكافيه ده بس كان ليا تعليق بالنسبه لسير الكاتينه اللي اعرفه من الوكيل انه كاوتش مش جنزير وبصراحه يا ريت يكون جنزير لانه اريح وكان ليا استفسار عن بوابه التكييف تقصد تقفلها بايدك من وراه درج التابلوه لان التكييف اللي عندي تاتش مش مانيوال وربنا يباركلك فيها انشالله

العفو يا باشا ...
الوكيل فى الاول قالى كاوتش بس لما روحت هناك اتاكدت انه جنزير ...
انا قفلتها بأيدى من ورا درج التابلوه و قريب هقفل مدخل الهوا من بره لان جربته فى عربيه واحد صحبى و فرق كويس اووووى فى التكييف ...
معرفش عندك النظام ايه بس اعتقد مش هتلاقى المشكله دى عندك

منور ياباشا :)

الزراير عندى الزجاج وزرار قفل السنتر بس بينوروا , المرايات وضم المرايات لا

مش شايف 20 قليل على البوجبهات والفلاتر؟؟
بتحطلها زيت اية؟؟

متقلقش معايا من موضوع البنزين , مش هتطلع اكتر من الفوكاس مع بنزيننا التعبان

موضوع البوابة اكيد فى سبب انها متقفلش للاخر وخصوصا انها واير ممكن محتاجة تنضيف

موضوع الثبات حسب انت بتقارنها باية
يعنى مقارنة بالبيكانتو القديمة او الصنى القديمة او اللانوس حاسسها اثبت .. وكدة ولا كدة هى city car مش محتاج منها اكتر من سهولة الحركة والمناورة والحجم اللى يتركن فى اى حتة

العربية دى ناقصها توطى سنة وجنوط 15 زى برة وشوية عزل صوت زيادة وتبقى من الاخر

البوجيهات و الفلاتر ده كلام التوكيل انا برده شايفه قليل ...انا شغال برا التوكيل و بصراحه بغير بمزاجى يعنى بفك الحاجه و اشوفها محتاجه تغيير ولا لا ...
البوابه لاحظتها فى كذا عربيه و عندى الواير بيبقى على اخره بس البوابه مش مقفوله كويس و بتدخل الروايح الى برا ...
الثبات انا لو تسالنى انا شايفها ثابته كويس بس هى تقلق فى النطه الى ورا ...غير كده العربيه راكزه فى مكانها كويس ..انا وصلت بيها لحد 190 ...نقطه ضعفها الهوا ..
بالنسبه لموضوع التوطيه ..جربت اقص السوست ...مكنتش حلوه ...لانها بقت "بتطز" فاهمنى ؟
الجنوط ال 15 جربتها بردو و مفرقتش كتير ...بس شكلهم حلو اوى عليها ...
الخطوه الى جايه انى هجيب السوست السبور ...
عزل الصوت ده فعلا رخم شويه فيها ...وانا بقلب فى الفيكترا بتاعى لقيت فى عزل تحت الكنبه الخلفيه ...زى لباد الكبوت كده بفكر اعمله فى البيكانتو ..

اه صحيح لو عندك العربيه فيها الكاسيت الاصلى متركبش زينون لان الفلاشه هتفصل و تشتغل و هتلاقى عداد السرعه بيعلى مع كل ترعيشه ... :) انا حتى الان موصلتش لحل فى النقطه دى ...لو وصلت هبقى اقولك لو انت حابب تركب زينون ...

[sonybony]

العفو يا باشا ...
الوكيل فى الاول قالى كاوتش بس لما روحت هناك اتاكدت انه جنزير ...
انا قفلتها بأيدى من ورا درج التابلوه و قريب هقفل مدخل الهوا من بره لان جربته فى عربيه واحد صحبى و فرق كويس اووووى فى التكييف ...
معرفش عندك النظام ايه بس اعتقد مش هتلاقى المشكله دى عندك


البوجيهات و الفلاتر ده كلام التوكيل انا برده شايفه قليل ...انا شغال برا التوكيل و بصراحه بغير بمزاجى يعنى بفك الحاجه و اشوفها محتاجه تغيير ولا لا ...
البوابه لاحظتها فى كذا عربيه و عندى الواير بيبقى على اخره بس البوابه مش مقفوله كويس و بتدخل الروايح الى برا ...
الثبات انا لو تسالنى انا شايفها ثابته كويس بس هى تقلق فى النطه الى ورا ...غير كده العربيه راكزه فى مكانها كويس ..انا وصلت بيها لحد 190 ...نقطه ضعفها الهوا ..
بالنسبه لموضوع التوطيه ..جربت اقص السوست ...مكنتش حلوه ...لانها بقت "بتطز" فاهمنى ؟
الجنوط ال 15 جربتها بردو و مفرقتش كتير ...بس شكلهم حلو اوى عليها ...
الخطوه الى جايه انى هجيب السوست السبور ...
عزل الصوت ده فعلا رخم شويه فيها ...وانا بقلب فى الفيكترا بتاعى لقيت فى عزل تحت الكنبه الخلفيه ...زى لباد الكبوت كده بفكر اعمله فى البيكانتو ..

اه صحيح لو عندك العربيه فيها الكاسيت الاصلى متركبش زينون لان الفلاشه هتفصل و تشتغل و هتلاقى عداد السرعه بيعلى مع كل ترعيشه ... :) انا حتى الان موصلتش لحل فى النقطه دى ...لو وصلت هبقى اقولك لو انت حابب تركب زينون ...

كل التحيه ليك وانا راجعت البوابه ولقيتها بتفتح وتقفل كويس مع زر التكييف والحمدلله وبالنسبه لسير الكاتينه ذكرت قبل كده انه عندي كاوتش ويمكن تكون نازله بالسيرين بمعني يركب ده او ده والله اعلم وبالنسبه للعزل هو ممكن تركبلها عزل كامل يعني الارضيات والسقف عند حد بتاع فرش كويس زي جينز كار بيشكروا فيه هنا لكن ايه البوابه الخارجيه للتكييف ده مكانها فين وهتقفلها بايه ؟ ومتبقاش تجيب بيها 190 تاني يا مفتري وربنا يستر طريقك

[KHALED AYMAN]

كل التحيه ليك وانا راجعت البوابه ولقيتها بتفتح وتقفل كويس مع زر التكييف والحمدلله وبالنسبه لسير الكاتينه ذكرت قبل كده انه عندي كاوتش ويمكن تكون نازله بالسيرين بمعني يركب ده او ده والله اعلم وبالنسبه للعزل هو ممكن تركبلها عزل كامل يعني الارضيات والسقف عند حد بتاع فرش كويس زي جينز كار بيشكروا فيه هنا لكن ايه البوابه الخارجيه للتكييف ده مكانها فين وهتقفلها بايه ؟ ومتبقاش تجيب بيها 190 تاني يا مفتري وربنا يستر طريقك

190 دى كانت للتجربه و اصلا العربيه مش سهل ابدا توصل بيها تانى ...الطبيعى بتاعها 170 175
السير بصراحه انا كده احترت ...
انا كنت فى ابو رواش و قالولى جنزير
و كلمتهم سالت عن صيانه ال 60 الف قبل كده و قولتلهم فيها سير كاتينه قالولى لا اصله جنزير هيتغير على 150 الف !
الفتحه الخارجيه بتاع التكييف دى من تحت التوربيدو برا ...هبقى اصورها و اوريهالك ...قافلينها بقطعه كارتون على شكلها بالظبط :)

[sonybony]

190 دى كانت للتجربه و اصلا العربيه مش سهل ابدا توصل بيها تانى ...الطبيعى بتاعها 170 175
السير بصراحه انا كده احترت ...
انا كنت فى ابو رواش و قالولى جنزير
و كلمتهم سالت عن صيانه ال 60 الف قبل كده و قولتلهم فيها سير كاتينه قالولى لا اصله جنزير هيتغير على 150 الف !
الفتحه الخارجيه بتاع التكييف دى من تحت التوربيدو برا ...هبقى اصورها و اوريهالك ...قافلينها بقطعه كارتون على شكلها بالظبط :)

لا حيره ولا حاجه انت شوفته بنفسك لقيته ايه وكمان انا كمان كنت سأل الوكيل وقالي كاوتش عموما راجع تاني للاطمئنان وقولي وانا في انتظار الصور انشالله والكرتونه :)

[ENG\AHMED]

العفو يا باشا ...
الوكيل فى الاول قالى كاوتش بس لما روحت هناك اتاكدت انه جنزير ...
انا قفلتها بأيدى من ورا درج التابلوه و قريب هقفل مدخل الهوا من بره لان جربته فى عربيه واحد صحبى و فرق كويس اووووى فى التكييف ...
معرفش عندك النظام ايه بس اعتقد مش هتلاقى المشكله دى عندك


البوجيهات و الفلاتر ده كلام التوكيل انا برده شايفه قليل ...انا شغال برا التوكيل و بصراحه بغير بمزاجى يعنى بفك الحاجه و اشوفها محتاجه تغيير ولا لا ...
البوابه لاحظتها فى كذا عربيه و عندى الواير بيبقى على اخره بس البوابه مش مقفوله كويس و بتدخل الروايح الى برا ...
الثبات انا لو تسالنى انا شايفها ثابته كويس بس هى تقلق فى النطه الى ورا ...غير كده العربيه راكزه فى مكانها كويس ..انا وصلت بيها لحد 190 ...نقطه ضعفها الهوا ..
بالنسبه لموضوع التوطيه ..جربت اقص السوست ...مكنتش حلوه ...لانها بقت "بتطز" فاهمنى ؟
الجنوط ال 15 جربتها بردو و مفرقتش كتير ...بس شكلهم حلو اوى عليها ...
الخطوه الى جايه انى هجيب السوست السبور ...
عزل الصوت ده فعلا رخم شويه فيها ...وانا بقلب فى الفيكترا بتاعى لقيت فى عزل تحت الكنبه الخلفيه ...زى لباد الكبوت كده بفكر اعمله فى البيكانتو ..

اه صحيح لو عندك العربيه فيها الكاسيت الاصلى متركبش زينون لان الفلاشه هتفصل و تشتغل و هتلاقى عداد السرعه بيعلى مع كل ترعيشه ... :) انا حتى الان موصلتش لحل فى النقطه دى ...لو وصلت هبقى اقولك لو انت حابب تركب زينون ...

موضوع قص السوست ده لو علمتة فى اى عربية هتعمل ككده ... حوار ملوش لزمة
ركب عفشة سبور احسن

لو عايز تعزلها صح فك الكراسى وفرش الارضية واعزل العربية بالكامل والعتب واعزل الابواب كمان .... موضوع وش شوية وخصوصا انك هتفك الصالون كله تقريبا.... سألت فى التوكي على موضوع العزل ولا يعرفوا عنه حاجة

موضوع الزينون مفكرتش فيه بصراحة ... فكرت اركبة فى الفوكاس وبعدين طنشت .... بس كويس انك قولتلى علشان ابقى عارف

حد شاف منظر السماعات ايه؟؟ ... انا عندى الكاسيت الاصلى بتاعها built in بس حاسس الصوت مش اد كده وحاسس ان السبب السماعات وبالذات السماعات الامامية اللى فى التابلوة دى

[ENG\AHMED]

كل التحيه ليك وانا راجعت البوابه ولقيتها بتفتح وتقفل كويس مع زر التكييف والحمدلله وبالنسبه لسير الكاتينه ذكرت قبل كده انه عندي كاوتش ويمكن تكون نازله بالسيرين بمعني يركب ده او ده والله اعلم وبالنسبه للعزل هو ممكن تركبلها عزل كامل يعني الارضيات والسقف عند حد بتاع فرش كويس زي جينز كار بيشكروا فيه هنا لكن ايه البوابه الخارجيه للتكييف ده مكانها فين وهتقفلها بايه ؟ ومتبقاش تجيب بيها 190 تاني يا مفتري وربنا يستر طريقك

سير الكاتينة جنزير .. انا مش عارف ازاى عندك كاوتش
سواء كاتينة او جنزير بيبقى حسب الديزاين ومينفعش يتبدلوا
ممكن تصورلى جنب الموتور عندك؟؟

[ENG\AHMED]

190 دى كانت للتجربه و اصلا العربيه مش سهل ابدا توصل بيها تانى ...الطبيعى بتاعها 170 175
السير بصراحه انا كده احترت ...
انا كنت فى ابو رواش و قالولى جنزير
و كلمتهم سالت عن صيانه ال 60 الف قبل كده و قولتلهم فيها سير كاتينه قالولى لا اصله جنزير هيتغير على 150 الف !
الفتحه الخارجيه بتاع التكييف دى من تحت التوربيدو برا ...هبقى اصورها و اوريهالك ...قافلينها بقطعه كارتون على شكلها بالظبط :)

انت تقصد بوابة ال recirculation؟؟
وايه الداخلية والخارجية هى بوابة واحدة تدخل هوا من بره او تعيد تدوير اللى جوا

[KHALED AYMAN]

موضوع قص السوست ده لو علمتة فى اى عربية هتعمل ككده ... حوار ملوش لزمة
ركب عفشة سبور احسن

لو عايز تعزلها صح فك الكراسى وفرش الارضية واعزل العربية بالكامل والعتب واعزل الابواب كمان .... موضوع وش شوية وخصوصا انك هتفك الصالون كله تقريبا.... سألت فى التوكي على موضوع العزل ولا يعرفوا عنه حاجة

موضوع الزينون مفكرتش فيه بصراحة ... فكرت اركبة فى الفوكاس وبعدين طنشت .... بس كويس انك قولتلى علشان ابقى عارف

حد شاف منظر السماعات ايه؟؟ ... انا عندى الكاسيت الاصلى بتاعها built in بس حاسس الصوت مش اد كده وحاسس ان السبب السماعات وبالذات السماعات الامامية اللى فى التابلوة دى

خرج صوت الكاسيت ضعيف ... انا ركبت جي ام و سماعتين و بازوكا ... السماعات بتاعها صغيره اووووووي مش كبيره زي الكوفر بتاعها
التوكيل عايش في عالم تاني في كل حاجه
السوست السبور ب 1600 جنيه

[sonybony]

سير الكاتينة جنزير .. انا مش عارف ازاى عندك كاوتش
سواء كاتينة او جنزير بيبقى حسب الديزاين ومينفعش يتبدلوا
ممكن تصورلى جنب الموتور عندك؟؟

عندي فعلا كاوتش والمشكله مش في التصوير لكن في رفعها :(

[sonybony]

خرج صوت الكاسيت ضعيف ... انا ركبت جي ام و سماعتين و بازوكا ... السماعات بتاعها صغيره اووووووي مش كبيره زي الكوفر بتاعها
التوكيل عايش في عالم تاني في كل حاجه
السوست السبور ب 1600 جنيه

افهم من كده انك غيرت الكاسيت كمان لان خرجه ضعيف ويا تري شوفت سماعات الطابلوه وفكتهم ازاي وياتري ممكن يتركبوا مكانهم حجم اكبر شويه وياتري عرفت نرع الكاسيت اللي راكب فيها ولا ايه ولك التحيه

[KHALED AYMAN]

افهم من كده انك غيرت الكاسيت كمان لان خرجه ضعيف ويا تري شوفت سماعات الطابلوه وفكتهم ازاي وياتري ممكن يتركبوا مكانهم حجم اكبر شويه وياتري عرفت نرع الكاسيت اللي راكب فيها ولا ايه ولك التحيه

لا مغيرتش الكاسيت ..انا ركبت الجى ام عشان يحسن من قوه خرج الصوت و من جودته شويه ..طبعا الصوت عندى دلوقتى حلو جدا جدا جدا مقارنه بالوضع الاصلى ..لكن لو مثلا حطيت كاسيت بيونيير هلاقى الصوت اتحسن اكتر بنسبه 70% بس انا مش هغير الكاسيت الاصلى لان عندى الكاسيت الاصلى و شكله حلو مع التابلوه ...و خلى بالك الكاسيت الدى فى دى الى بيتباع ليها صوته برده زى الاصلى مش حلو ...
السماعات الى فى التابلوه واحد صحبى الى فكهم فى عربيتى عشان كان عاوز يغيرهم بسماعات اكبر لكن منفعش طبقا لكلامه ...


بالمناسبه موضوع الزينون انا وصلت لسبب مشكلته مع الفلاشه ...الشرح طوييييييييييل ملخصه ان الزينون مع العربيه دى مش هينفع غير باستخدام اى حاجه ما عدا الفلاشه ..او لمبه الزينون تكون القاعده بتاعها فيبر مش معدن ...او الزينون يتشال :) و انا فعلا عملت كده شيلته و جيبت لمبتين المانى قوتهم عالى شويه و ركبت كتاوت على النور العادى بتاعها و خليت النور الواطى ميفصلش لما اشغل العالى و النور بقى ممتاز جدا جدا جدا و احسن من الزينون :)

[ENG\AHMED]

لا مغيرتش الكاسيت ..انا ركبت الجى ام عشان يحسن من قوه خرج الصوت و من جودته شويه ..طبعا الصوت عندى دلوقتى حلو جدا جدا جدا مقارنه بالوضع الاصلى ..لكن لو مثلا حطيت كاسيت بيونيير هلاقى الصوت اتحسن اكتر بنسبه 70% بس انا مش هغير الكاسيت الاصلى لان عندى الكاسيت الاصلى و شكله حلو مع التابلوه ...و خلى بالك الكاسيت الدى فى دى الى بيتباع ليها صوته برده زى الاصلى مش حلو ...
السماعات الى فى التابلوه واحد صحبى الى فكهم فى عربيتى عشان كان عاوز يغيرهم بسماعات اكبر لكن منفعش طبقا لكلامه ...


بالمناسبه موضوع الزينون انا وصلت لسبب مشكلته مع الفلاشه ...الشرح طوييييييييييل ملخصه ان الزينون مع العربيه دى مش هينفع غير باستخدام اى حاجه ما عدا الفلاشه ..او لمبه الزينون تكون القاعده بتاعها فيبر مش معدن ...او الزينون يتشال :) و انا فعلا عملت كده شيلته و جيبت لمبتين المانى قوتهم عالى شويه و ركبت كتاوت على النور العادى بتاعها و خليت النور الواطى ميفصلش لما اشغل العالى و النور بقى ممتاز جدا جدا جدا و احسن من الزينون :)

انا عندى الاصلى
اعتقد المشكلة فى السماعات - وخصوصا التابلوة - اكتر منها الكاسيت ضعيف