كيا بيكانتو

[sonybony]

استهلاك البنزين عامل كام ؟؟
وصوت الكاوتش ايه رايكم فيه؟؟

بتعمل في التفويله حوالي 420 كيلو وصوت الكاوتش عالي شويه بس خاضع لنوع الطريق وانا انشاله ناوي اعلي سمك الكاوتش عشان المطبات الجميله انشاله

[ENG\AHMED]

بتعمل في التفويله حوالي 420 كيلو وصوت الكاوتش عالي شويه بس خاضع لنوع الطريق وانا انشاله ناوي اعلي سمك الكاوتش عشان المطبات الجميله انشاله

لو عليت الكاوتش قراية عداد السرعة هتفرق
انا برضوا حاسس ان صوت الكاوتش عالى

[sonybony]

لو عليت الكاوتش قراية عداد السرعة هتفرق
انا برضوا حاسس ان صوت الكاوتش عالى

هعلي المقاس عشان اتقي شر البالونات هنعمل ايه بس الطرق المصريه ليها كاوتش مخصوص :) هو اللي راكب 60 هخليه 65 ولا اعتقد هتفرق كثير في قرايه العداد ويا سلام لو لقيت المقاس ده فرد كونتيننتال يبقي حلو جدا

[ENG\AHMED]

هعلي المقاس عشان اتقي شر البالونات هنعمل ايه بس الطرق المصريه ليها كاوتش مخصوص :) هو اللي راكب 60 هخليه 65 ولا اعتقد هتفرق كثير في قرايه العداد ويا سلام لو لقيت المقاس ده فرد كونتيننتال يبقي حلو جدا

موضوع البلالين راجع لنوع الكاوتش والجنط مش المقاس وبس
والاهم انك تخلى بالك من النقر والحفر

[Maghraby1987]

ايه يا بشمهندس احمد ده يعني من فيكترا بي لفورد فوكاس و في الاخر ترسي علي بيكانتو :)
ربنا يباركلك فيها و يكفيك شرها

[man_22]

اهوه زميل بيكانتاوي جديد مبروك عليك العربيه وبالنسبه للسماعات فك الكاسيت عشان يركبهم ولغيت السماعات الاورجنال ولا ايه وياتري وصلهم علي السلك القديم للسماعات الاصليه ولا ايه حاكم انا مش جايلي قلب حد يفك الكاسيت الاصلي وبالنسبه للتزييق ممكن يكون تشحيم والله اعلم وربنا يديك خيرها انشالله

انا عارف انها صعبة انك تفك الكاسيت بس هيا مش فارقة كتير علشان الواط بتاع الكاسيت مش قوى ذى ماانت فاكر انا عايز اركب حاجة زى اللينك ده اتفرج على مواصفاته وقولى رايك
KIA Morning Picanto Car Android DVD 3G GPS Navi Navigation Radio Free Camera

[man_22]

لو عليت الكاوتش قراية عداد السرعة هتفرق
انا برضوا حاسس ان صوت الكاوتش عالى

الكاوتش مالوش صوت ولاحاجة التزم زى المقاس اللى فى القايم يعنى 3 اشخاص يبقى المقاس قدام 33 والخلفى 31 اما لو هتحمل 5 افراد والشنطة يبقى كله 36

[ENG\AHMED]

الكاوتش مالوش صوت ولاحاجة التزم زى المقاس اللى فى القايم يعنى 3 اشخاص يبقى المقاس قدام 33 والخلفى 31 اما لو هتحمل 5 افراد والشنطة يبقى كله 36

ضغط الكاوتش انا ظابطة زى الكتالوج
موضوع ظبط الكاوتش عندى منه هسهس بسبب الجنوط فى الفوكاس لدرجة انى جايب مقاس لضغط الكاوتش عشان اشترى دماغى من قرف بتوع الكاوتش

[man_22]

سيبها على الله بس خد بالك من النقر وخليك جنين عليها انا عارف احساسك لان كان معايا باسات ومع اقل نقرة بللاين تحس ان الكوتش بقى حامل

[KHALED AYMAN]

انتو عندكو الكاوتش الكومهو ؟؟ انا غيرته و ركبت نيكسين ...صوته انتم بكتييييييييييييير و فرامله احسن من الكومهو
التزييق الي بييجي من ورا غالبا من كالون الشنطه ...القطعتين الفيبر الي اللوك بينزل بينهم. ..حط عليهم شحم الصوت هيروح ..انا عندي جبت شاكوش ووسعتها :) الصوت راح للابد :)
حد جرب يخلي النور الواطي ميفصلش مع العالي ؟ انا عملتها و النور بقي تحفه

[KHALED AYMAN]

الكاسيت الاندرويد صوته زي الاصلي بالظبط كل فايدته ان شكله حلو انما كصوت تعبان
انا قريب هجيب زيرو باور ع الكاسيت الاصلي :) هيظبط الدنيا اوي

[sonybony]

انا عارف انها صعبة انك تفك الكاسيت بس هيا مش فارقة كتير علشان الواط بتاع الكاسيت مش قوى ذى ماانت فاكر انا عايز اركب حاجة زى اللينك ده اتفرج على مواصفاته وقولى رايك
kia morning picanto car android dvd 3g gps navi navigation radio free camera

ظريف جدا لكن اول ما يعيبه انه صيني مش ماركه معينه لها اسم وعلي الرغم من شاشته وشياكته لكن انا شايف ان الاصلي بتاع العربيه اشيك كشكل لكن كأمكانيات الصيني يكسب اكيد

[sonybony]

سيبها على الله بس خد بالك من النقر وخليك جنين عليها انا عارف احساسك لان كان معايا باسات ومع اقل نقرة بللاين تحس ان الكوتش بقى حامل

انا بقي خدت حفره حلوه عملتلي بالونتين حلوين :)

[svneleven]

الصراحة ما صدقت لقيت موضوع عن البيكانتو الجديدة. أنا لسه مستلم امبارح خليجي أوتو ما فيهاش كاسيت أساسا. جنوط اسبور 14 و مرايات كهريا ضم و فوانيس شبورة. و طبعا 4 زجاج كهربا. مش عارف فيها انذار و الا لأ. المهم عاوز نصايح منكو عشان اجيب كاسيت محترم و كاميرا بشاشة و طبعا عاوز الكاسيت يشغل أفلام علي الشاشة. مش عارف كمان ايه نظام السماعات. أظن فيها اتنين في التابلوة فقط. و مركبين انذار نوعه ايه يا جماعة. و يا ريت لو مكان محترم في الهرم يعمل الفيلم ده كله. بفكر أروح شارع المطبعة فيه ناس كتير.

[sonybony]

الصراحة ما صدقت لقيت موضوع عن البيكانتو الجديدة. أنا لسه مستلم امبارح خليجي أوتو ما فيهاش كاسيت أساسا. جنوط اسبور 14 و مرايات كهريا ضم و فوانيس شبورة. و طبعا 4 زجاج كهربا. مش عارف فيها انذار و الا لأ. المهم عاوز نصايح منكو عشان اجيب كاسيت محترم و كاميرا بشاشة و طبعا عاوز الكاسيت يشغل أفلام علي الشاشة. مش عارف كمان ايه نظام السماعات. أظن فيها اتنين في التابلوة فقط. و مركبين انذار نوعه ايه يا جماعة. و يا ريت لو مكان محترم في الهرم يعمل الفيلم ده كله. بفكر أروح شارع المطبعة فيه ناس كتير.

مبروك علي العربيه وربنا يديك خيرها ويكفيك شرها ويا تري اللون ايه وخليجي مفيهاش كاسيت ده بقي التوفير جامد في مصر لكن للسماعات هتلاقي فيه اثنين كمان في الباب الخلفي بيبقي صوتهم ضعيف شويه وبالنسبه للكاسيت فيه انواعكثيره بس انا مش هقدر افيدك في ده بس هيه مش محتاجه غير منك لفه حلوه وارخص مكان هتلاقي فيه التوفيقيه وبالنسبه للانذار هيه فيها انذار اللي هوه مع الكلاكس بس هوه مش عملي بس احسن من مفيش وممكن تجربه لو قفلت العربيه بالريموت وفتحت الباب من الداخل هتلاقيها زمرت واخيرا الف مبروك وحاول تستعمل زيت ليكوي مولي ممتاز او فالفولين برده ممتاز