مساعدة من حضراتكم لانني في حيرة جدا

[M.ABDEEN]

السلام عليكم
مش عارف ابتدي منيين بس الفكرة لازقة في الدماغ ومش عارف اشيلها طبعا انا معاي سيراتو 2008 والعربية معايا زي الفل بس بقى الصحاب على التفكيير على الشيطان ماثريين على الواحد انه يبيع العربية ويعيش السن الشبابي حاجة سبور على فاميه على فتحة سقف على جديد المهم الاراء بتقول بيع والبديل سيراتو كوبيه 2011 مثلا او 13 بس قلقان من المستعمل ومتردد وناس تانيه ريو هاتشباك خليجي الجديدة بس 1400 سي سي وقلقان من الخليجي علشان الضمان وناس تانية خالص قالت النترا كوبيه وبصراحة السيراتو الجديدة تحفة الهاي لاين والتوب بس السعر مبالغ فيه فمش عارف اعمل ايه ياريت تساعدوني لاني في حيرة شديدة جدا جدا وشكرا

[Eng_hatemfathy]

عربيتك عدى عليها 5 سنين تقريبا واى عربية كورى فى الفئة دى بيبقى اول 5 سنين بيعتبروا سن الشباب وبعد كده بتبدأ اعراض الاقبال على الشيخوخة زى الضغط وكدا فعربيتك بالتأكيد هتبدأ تحتاج حاجات زى كاوتش قواعد وبعض قطع الغيار التانية اللى عمرها بيكون حوالين ال خمس سنين
فانا رأييى انك تفكر فى البيع ولكن بعد ان تستقر على نوع ثم على عربية معينة وتعربن عليها وسهل قوى انك تبيع سيراتو وانت واقف لو نزلت عن سعر السوق الف ولا اتنين بس فى سبيل انك تبيع وقتى وتشترى الى انت عايزه
دد النوع الاول ثم ابحث ولما تلاقى العربية اللى ترضيك وتكون بالكتير موديل سنتين ورا ابقى بيع

[akmm]

عربيتك عدى عليها 5 سنين تقريبا واى عربية كورى فى الفئة دى بيبقى اول 5 سنين بيعتبروا سن الشباب وبعد كده بتبدأ اعراض الاقبال على الشيخوخة زى الضغط وكدا فعربيتك بالتأكيد هتبدأ تحتاج حاجات زى كاوتش قواعد وبعض قطع الغيار التانية اللى عمرها بيكون حوالين ال خمس سنين
فانا رأييى انك تفكر فى البيع ولكن بعد ان تستقر على نوع ثم على عربية معينة وتعربن عليها وسهل قوى انك تبيع سيراتو وانت واقف لو نزلت عن سعر السوق الف ولا اتنين بس فى سبيل انك تبيع وقتى وتشترى الى انت عايزه
دد النوع الاول ثم ابحث ولما تلاقى العربية اللى ترضيك وتكون بالكتير موديل سنتين ورا ابقى بيع

راى ... سديد

[M.ABDEEN]

شكرا يا جماعة قوي ورائيكم تمام بس انتوا متديتونييش ترشيح لحاجة من اللي قولتها برده اجيب ايه ياعني برده ....محتار جدا جدا

[ابو ليلى]

انا مع راى المهندس حاتم
هتجيب ايه .. دى تتوقف على معاك كام وطبعا الاحسن يكون زيرو تاخد خيرها بأذن الله
الشيب اللى معاك مطلوبة اوعى تبيعها بخسارة او علشان مستعجل

[M.ABDEEN]

شكرا ابو ليلى ماقولت لحضراتكم البدائل بس النقاش انه
سيراتو كوبيه بيتقال مستعمل لازم يبقى مضمون ودي انا مش ضامنها لاني خارج من ماتريكس للمدام ولبست في الحيط منها خسرت كتير في 5 شهور
ريو هاتشباك بيتقاللي حد ينزل من 1600 ل 1400 واللي عاجبني منها الخليجي ومقلق من الضمان
النترا كوبيه اتقال مش منتشرة وخالييك في العادية بس حاسس ان الكيا عموما كتقفيل وخامات افضل من الهيوانداي
السيراتو الجديدة جامدة بس السعر اوفر قوي في عربية كوري

عموما طولت عليكم بس لو انت ولا انت مكاني هتعمل ايه

[احمد المصرى]

معلش انا بس هختلف معاكم شويه انت عايز تبيع علشان انت عايز تركب عربيه حديثه ولا علشان صحابك وعلى فكره كلنا مرينا بالتجربه دى مش انت لوحدك بس لو هتغير علشان صحابك يبق كدا انت غلط لو عايز تغير علشان عايز تركب حاجه احدث وكدا يبق اوك مفيش مشكله بس انت راكب عربيه انت عارفها كويس ومربيها على ايدك يعنى لما تجيب جيب عربيه يا ام زيرو يا ام كسر زيرو علشان تحس انك راكب عربيه


تعالى نفكر بشكل عملى انت عربيه مثلا هتجيب 75 الف انا بقول مقلا مش بقول ان سعرها كدا لانى معرفش سعرها كام اساسا بس مثلا 75 الف واى عربيه تانيه هتكون فى رنج 150 الف يعنى انت محتاج على الاقل 75 الف كمان

[M.ABDEEN]

استاذ احمد اشكرك جدا وفعلا انا مش هغير علشان صحاب الصحاب دورهم ظهر لما فكرة البيع اتوجدت وكلام حضرتك صح 100 في 100 وفعلا الواحد خلاص عايز يغيير وطبعا الاسعار في السوق جديد ومستعمل بقيت في العلالي واكيد الواحد هيزود بناء على اللي موجود .... الخلاصة انت لو مكاني برده هتعمل ايه ؟

[Eng_hatemfathy]

محدش مكان حضرتك انت عارف ميزانيتك سقفها كام وهيا اللى هتحكم على اختيارك يعنى لو هتعرف تدفع 160 الف يبقى فكر فى هوندا 2011كسر زيرو او فكر فى استرا موديل 2013 كسر زيرو او فكر فى النترا 2013هاى لاين كسر زيرو وطبعا الموديل بيرجع كل لما بتعلى الفئة
الميزانية رقم واحد
رقم 2 هل انت تفاضل الالنوع على حساب الزيرو ام العكس يعنى تركب كروز جديد ولا انك تركب اوكتافيا مستعمل
انا واحد من الناس كده والمرة اللى فكرت اشترى فيها مستعمل بعد حادثة الشارك طلعت عينى وغيرت رأييى فى خلال 10 ايام بسبب اللى شفته فى الغش وفى الورق المضروب

[M.ABDEEN]

باشمهندس حاتم اشكرك بشدة .... مش عارف المستعمل برده يقلق الواحد خصوصا انا ليا تجربة في غاية السوء مع العلم ان واحد قاللي لو العربية خرجت من الاجنص مش هتعرف ايه اللي اتعمل فيها

[Eng_hatemfathy]

باشمهندس حاتم اشكرك بشدة .... مش عارف المستعمل برده يقلق الواحد خصوصا انا ليا تجربة في غاية السوء مع العلم ان واحد قاللي لو العربية خرجت من الاجنص مش هتعرف ايه اللي اتعمل فيها

وانت الصدق فى ايامنا دى لو خرجت بره المصنع منتش عارف اتعمل فيها ايه واظن موضوع العربيات اللى بتترش فى بافريا دى اكبر دليل وشكاوى الاعضاء من بلال موتورز الاسكندرية وغيره من المعارض والعربيات اللى بتشوفها فى الحرفيين بتترش من غير نمر اكبر دليل
انا كتبت على المنتدى انى قبل الكروز دخلت فى قصة فلونس وكنت خلاص بخلص فى عربية المفروض انها رشت باب ولقطت باب تانى حتى تلقيط زبالة وطلعت مغيرة رفرفين واكصدام وردياتير ولحسن الحظ انها غيرت فى التوكيل فده متسجل عندهم وانا واحد صاحبى هناك جابلى الكلام ده من الكمبيوتر والراجل اللى بيبيعها لصاحبه اتصدم واعتذر ولغى البيعة
الله اعلم كان فيها ايه تانى متصلح بره التوكيل مع ان العربية كان معمول لها تقرير من مركز خدمة معتمد فى الرحاب ومقلوش الكلام ده

[beshoyyy]

هات ياباني او الماني

[ابو ليلى]

اسف على التاخير .... لو مكانك اخلى العربية سنة كمان معايا سعرها هينزل 3 كمان
اشترى زيرو سيراتو او النترا سعرهم هينزل على الاقل 10 فى خلال سنة ....
كمان علشان المنافسة بقت جامدة معاهم من موديلات تانية
انتظر معرض فورميلا على شهر 3 فى جديد هينزل واتفرج بنفسك

[M.ABDEEN]

شكرا ابو ليلى وفعلا راي حضرتك فيه صواب وفكرة حلوة وربنا بس يسهل والاسعار تنزل شوية علشان في استهبال في الاسعار والوكلاء والتجار بيلزقوها في الدولار والجمارك ....تسلم يا باشا

[Eng_hatemfathy]

اشك انه فى اسعار هتنزل
مفيش سبب واحد لخفض الاسعار
يعنى الدولار فى الصاعد
مفيش انتاج محلى محترم
مفيش اتفاقيات تجارة مشتركة
مفيش تغيير فى التعريفات الجمركية ومش متوقعة خاصة فى ظل الانهيار الاقتصادى
فايه هيخلى العربيات ترخص او اى حاجه ترخص
قارنوا السعار فى خلال الشهرين الماضيين هتلاقوا كل مساحيق الغسيل والزيةت والالبان غليت
انا بحتفظ دايما بايصال كارفور ةساعات بقعد اقا رن الاسعار واستغرب واضرب كف بكف واقول لا حول ولا قوة الا بالله