أخبار الكيا سبورتاج وعفشتها اية فى المطبات ؟

[حسن عبد الحليم]

السلام عليكم ورحمة الله ،،،


الحقيقة انا عضو جديد ودي اولى موضوعاتى .. وان شاء الله ماتكونش الاخيرة :)


انا كنت داخل المنتدى بعمل مقارنة بين الكيا سبورتاج وبين الهيونداي ix35
واهم حاجة عندي المرونة والنعومة في المطبات لانى عندى انزلاق غضروفي
والجميع بيخوفنى من العربيات العالية عموما وتأثيرها على الضهر في المطبات

محتاج اعرف الرأى عن تجربة ..

مع العلم انى معايا النترا 2008 والصراحة ماتعبتنيش في صيانة ولا قطع غيار
وكانت زي الفل .. بس بهدلتني لنها واطية جدا هههههههههههههه

انا كنت حاطط المقارنة اكبر من كدة معاهم القشقاي والسوبارو اكس فايف
وكمان الداستر كانت عجباني جدا جدا بس للاسف مفيش منها الا مانيوال
وانا تعب طهري مأثر على رجلى وماينفعنيش المانيوال

اما القشقاي فأصغرهم وانا عائلتي بسم الله ماشاء اله كبيرة ومحتاج عربية 5افراد مستريحين
اما السوبارو فواحد صاحبي لسه جايبها وبيشكر فيها .. والجميع مجمع انها محترمة ولكن لابد ان
تكون على قدر رفاهيتها بمعنى ممكن تتعب في التوكيل - قطعالغيار - اى حاجة لازم في التوكيل
ودة صديقى قالهالى مش عارف يركب شاشة دي في دي الا فى التوكيل عشان كهربتها مش اى حد يشتغل فيها

المهم استقريت وحصرت المقارنة فى الاي اكس والسبورتاج

منتظر ردكم أكرمك الله لانى مستعجل عشان عاوز اخلص قبل معاد تجديد العربية اللى معايا :)

[محمد بدر]

علشان متحترش اكثر من كده لازم تجرب العربية بنفسك

[kazamodia]

عمرك ما هتلاقي زي التويوتا في النعومة

[kokowasfy]

معروف العربيات العالية ناشفة بس على رئى الاعضاء جرب بنفسك و شوف وربنا يقدم الى فية الخير

[abohend]

ألماني أو فرنساوي

متشوف حاجة ألماني أو فنساوي ستيشن و سيبك من الsuv
طبعا شكلهم مش هيبقى حلو زي الsuv بس هتوفي إحتياجاتك الضرورية (نعومة عشان ظهرك-أوتو-كبيرة عشان عيلتك)