اخر الاخبار من التوكيل

[M.ABDEEN]

النهاردة كلمت واحد حبيبي شغال في التوكيل في ابو رواش وسالته عن اخر الاخبار
السيراتو الكوبيه لسه مجتش ومش موجودة زي ما قييل قبل كده ....مش عارف قلتله ده الناس ماكدة قاللي والله مش موجودة
السيراتو الهاتش باك وصلت وفي منها عربيتين للعرض واحدة بيسيك والتانية هاي لاين ولسه السعر متحديتش
السول نفس كلام الهاتش باك برده ....
المهم قلتله اي جديد بالنسبة لاي حاجة سواء الموديلات او الاسعار ياريت تفيدني

[Hosam_Optrawy]

شكرا على الاخبار ياباشا

يعنى السول وصلت بس لسه ماتسعرتش ولا لسه ماجتش اصلا

[M.ABDEEN]

حسام بيك ....السول عربيتين واحدة بيسيك والتانيه هاي لاين ولسه برده متسعريتش ..

العجيبة بقى يعني ايه متسعريتش يعني هما جابوهم ولسه هيشفوا اقبال الناس ايه وبعدين يديها سعر ....بصراحة حاجة غريبة طيب وافرض ان واحد قرر يشتري هيقولوا ايه ؟؟؟؟؟ ...مش لاقي حد يجاوب ولا حتى صاحبي اللي في التوكيل برده جاوبني

[Hosam_Optrawy]

حسام بيك ....السول عربيتين واحدة بيسيك والتانيه هاي لاين ولسه برده متسعريتش ..

العجيبة بقى يعني ايه متسعريتش يعني هما جابوهم ولسه هيشفوا اقبال الناس ايه وبعدين يديها سعر ....بصراحة حاجة غريبة طيب وافرض ان واحد قرر يشتري هيقولوا ايه ؟؟؟؟؟ ...مش لاقي حد يجاوب ولا حتى صاحبي اللي في التوكيل برده جاوبني

هو دا حالنا للأسف , التسعير ماشى عشوائى حسب المزاج

ممكن كمان يكونوا مستنيين يشوفوا الدولار هايوصل لفين

[ابو ليلى]

انت ليك ناس من ورانا ولا ايه فى التوكيل
هو فعلا كده الدولار ويجمع فلوس الحجز ويبعت يجب شحنة من الواضح ان مفيش سيولة
او ممكن منتظر يشوف ماركة تانية منافسة لنفس الموديل سعرها يكون ايه والاقبال عليها

[M.ABDEEN]

ابو ليلى صباح الفل ياباشا .....
هو واحد صاحبي وجدع ومحترم هناك في قسم الحسابات بس رجولة وبيحب يساعد فجيه على بالي قلت ارجعله الراجل وانا معاه على الموبيل نزللي لصحابه في المبيعات وكنت سامع اللي بيقولوه .....
بس بصراحة حاجة تنرفز انا احنا برده لينا سياسة في البيع والتروييج للسلعة غير البني ادميييين...وبعدين هي السيراتو السيدان الجديدة انتشرت قوي علشان يجيبوا الهاتش باك .......

[Hosam_Optrawy]

كيا سيراتو كوبيه وكيا سول الشكل الجديد في معرض أوتوماك – فورميولا 2014 - NileMotors