مساعده فى كيا سيراتو 2014 خليجى

[wabdalla]

السلام عليكم يا اهل المنتدى الكرام, انا الحمد لله اشتريت سيراتو 2014 خليجى والحمد لله العربيه زى الفل ... مشكلتى ان العربيه اللى قبله (نيو النترا) اتسرقت منى من تحت البيت بمنتهى السهوله, البياع فى المعرض قالى ان العربيه فيها ايمبولايزر لكن انا مش مصدق ده ... وخايف التجربه المريره بتاعة الالنترا اللى ربنا ما يوريها لحد :( :( تتكرر معايا ارجو من اهل الخير والخبره الافاده ممكن اركبلها انذار من اللى بيفصل طرمبة البنزين فين او لو فى اقتراح تانى اكون شاكر ... وجزاكم الله كل خير

[Hosam_Optrawy]

الف مبروك ربنا يباركلك فيها

مبدأيا تقدر تتأكد من وجود الإيموبليزر من اللمبه اللى بتنور فى التابلوه اول ما تدور



وإن شاء الله يفيدك باقى الزملاء بخصوص الإنذار

[kazamodia]

شوف حجم المفتاح بتاع العربية اذا كان كبير فاحتمال كبير يكون فيها ايموبلايزر
اا كان المفتاح صغير وشكلة عادي زي مفاتييح العربيات القديمة اذا مافيهاش
وللتأكد اكتر اعمل نسخة عند اي حد بتاع مفاتيح وجرب تدورها وشوف
ومش شرط حاجة تنور في التابلوه لان عندي لانسر فيها ايموبلايزر ومفيش حاجة بتنور في التابلوه

[abohend]

فعلا مش دايما في لمبة
لكن المعلومة أكيد مكتوبة فالسيرفيس مانيوال
و حجم المفتاخ كمان بيأكد إذا كان فيها و لا ﻷ

[hatahet]

انا ليا واحد قريبى عامل مفتاح فصل لطرمبة البنزين و بعد مايركن بيفصل المفتاح و بالتالى العربيه مش هتدور لو عمل ايه و هو مركب المفتاح فى مكان مخفى صعب اى حد يوصله
بس انا معرفش بيتعمل فين الموضوع دا

[sonybony]

الله يصبرك بما حدث لك وهي تجربه فعلا مريره ممكن تعمل عند كهربائي نظيف زرار فصل لكهرباء العربيه في مكان مخفي بالسياره ويكون الكهربائي بعيد عن منطقتك تماما وربنا يسترها معانا ومعاك انشالله

[Maged93]

انا معايا سيراتو 2014 وكيل وكنت خايف انها ميكونش فيها ايموبلايز وطلع فيها بس زياده امان ركبت انذار وفصل لطرمبه البنزين وركبتش السينسور بتاعن انك تخبط العربيه تعمل صوت ووصلت الانذار علي الكلاكس بحيث ان صوته احسن من السرينه واعلي ومبروووك عليك العربيه الجديده وربنايعطيك خيرها ويكفيك شرها

[esam_ayad]

أولا :ربنا يعوضك أحسن من العربيه اللي اتسرقت دي ان شاء الله.
ثانيا : ألف مبروك علي العربيه الجميله دي.
ثالثا : أعتقد ان المفروض في لمبة بتنور عندك في شاشة العدادات زي ما زميلنا استاذ حسام قالك. وهنا في الكويت لازقين استيكر شفاف علي الزجاج الجانبي ومكتوب عليه" نظام كيا ضد السرقه"
رابعا : حضرتك بعد ماجربت الإلنترا والسيراتو.ممكن حضرتك تقولنا الفرق بينهم ايه كركوبه وعفشه وتسارع واحساس بالعربيه كمجمل؟؟؟؟
وأيضا هل حضرتك ماخفتش من قصة عدم توافر قطع غيار السيراتو بره التوكيل علشان العربيه ماإنتشرتش جااامد زي القديمه؟؟؟؟
وأسف علي الأسئله

[esam_ayad]

أولا :ربنا يعوضك أحسن من العربيه اللي اتسرقت دي ان شاء الله.
ثانيا : ألف مبروك علي العربيه الجميله دي.
ثالثا : أعتقد ان المفروض في لمبة بتنور عندك في شاشة العدادات زي ما زميلنا استاذ حسام قالك. وهنا في الكويت لازقين استيكر شفاف علي الزجاج الجانبي ومكتوب عليه" نظام كيا ضد السرقه"
رابعا : حضرتك بعد ماجربت الإلنترا والسيراتو.ممكن حضرتك تقولنا الفرق بينهم ايه كركوبه وعفشه وتسارع واحساس بالعربيه كمجمل؟؟؟؟
وأيضا هل حضرتك ماخفتش من قصة عدم توافر قطع غيار السيراتو بره التوكيل علشان العربيه ماإنتشرتش جااامد زي القديمه؟؟؟؟
وأسف علي الأسئله

في انتظار الرد

[wabdalla]

في انتظار الرد

انا اسف فى التأخير فى الرد, بص يا باشا هو الحقيقة مفيش لمبة فى التابلوه بتاعت الايموبلايز لكن انا كده كده هاركب ان شاء الله الجهاز اللى بيفصل الكهربا عن طرمبة البنزين.. انا عندى على الزجاج استيكر بتاع السكيورتى سيستم بس ده مبيشتغلش غير مع الابواب والشنطه (ودى نفس مشكلة الالنترا) يعنى مفيش سنسور صدمات

بالنسبه لتقييم العربيه مقارنة باللانترا الشكل الجديد بما انى ركبت قبلها الالنترا انا شايف ان السيراتو تكسب بفرق اهداف كبيييير .. عفشة السيراتو افضل بكتير لانى تقريباً حافظ المطبات اللى فى شوارعنا نقره نقره والاحساس بالمطبات فى السيراتو فى منتهى السلاسه والنعومه وبيتهيألى انهم تلافو فى الشكل الجديد للسيراتو كل مشاكل عفشة الشكل القديم,,, الموتور ناعم جداً والتسارع ممتاز ,,, دواخل العربيه مبهره ومريحه للعين وتديك احساس بالفخامه ,,, العربيه اللى معايا فيها 2 ايرباج, ABS , طارة مالتى فانكشن , بلوتوث , خمس جنوط اسبور 16 (الجنط اشيك بكتير جداً من جنط الالنترا ) , مفتاح شيفت لوك , تابلوه مجهز بفتحة تبريد , فوج لايت , ..... والملفت فيها انى لما فولت التانك (55لتر) الكومبيوتر ادانى رانج 632 كلم بالتانك !!! وده هايل الالنترا لما كانت بتفول كان الكومبيوتر بيدنى متوسط 410 كم ....... الخلاصه العربيه افضل كتير جداً جداً من الالنترا

تحياتى لحضرتك ولكل اللى علق على الموضوع

[esam_ayad]

انا اسف فى التأخير فى الرد, بص يا باشا هو الحقيقة مفيش لمبة فى التابلوه بتاعت الايموبلايز لكن انا كده كده هاركب ان شاء الله الجهاز اللى بيفصل الكهربا عن طرمبة البنزين.. انا عندى على الزجاج استيكر بتاع السكيورتى سيستم بس ده مبيشتغلش غير مع الابواب والشنطه (ودى نفس مشكلة الالنترا) :copy of majd(4): يعنى مفيش سنسور صدمات
بالنسبه لتقييم العربيه مقارنة باللانترا الشكل الجديد بما انى ركبت قبلها الالنترا انا شايف ان السيراتو تكسب بفرق اهداف كبيييير .. عفشة السيراتو افضل بكتير لانى تقريباً حافظ المطبات اللى فى شوارعنا نقره نقره والاحساس بالمطبات فى السيراتو فى منتهى السلاسه والنعومه وبيتهيألى انهم تلافو فى الشكل الجديد للسيراتو كل مشاكل عفشة الشكل القديم,,, الموتور ناعم جداً والتسارع ممتاز ,,, دواخل العربيه مبهره ومريحه للعين وتديك احساس بالفخامه ,,, العربيه اللى معايا فيها 2 ايرباج, abs , طارة مالتى فانكشن , بلوتوث , خمس جنوط اسبور 16 (الجنط اشيك بكتير جداً من جنط الالنترا ) , مفتاح شيفت لوك , تابلوه مجهز بفتحة تبريد , فوج لايت , ..... والملفت فيها انى لما فولت التانك (55لتر) الكومبيوتر ادانى رانج 632 كلم بالتانك !!! وده هايل الالنترا لما كانت بتفول كان الكومبيوتر بيدنى متوسط 410 كم ....... الخلاصه العربيه افضل كتير جداً جداً من الالنترا

تحياتى لحضرتك ولكل اللى علق على الموضوع

شكرا لحضرك علي ردك؟؟
ومعلش عندي سؤال أخير :
السؤال ده في حد من الأعضاء سألهولي لما عملت تجربه قياده للعربيه وماعرفتش أرد عليه لأني ماعرفتش أجربه:
هل عزل العربيه كويس وانت ماشي علي سرعه عاليه ولا لأ وهل بتسمع صوت الكاوتش زي مابيحصل في الالنترا ولا لأ؟؟؟؟؟
وأسف علي أسئلتي الكتيييييييييره

[wabdalla]

شكرا لحضرك علي ردك؟؟
ومعلش عندي سؤال أخير :
السؤال ده في حد من الأعضاء سألهولي لما عملت تجربه قياده للعربيه وماعرفتش أرد عليه لأني ماعرفتش أجربه:
هل عزل العربيه كويس وانت ماشي علي سرعه عاليه ولا لأ وهل بتسمع صوت الكاوتش زي مابيحصل في الالنترا ولا لأ؟؟؟؟؟
وأسف علي أسئلتي الكتيييييييييره

للأسف انا لسه مجربتهاش على سرعات عاليه, لكن فى السرعات العادية وداخل المدينه العزل فوق الممتاز وبرضه افضل من الالنترا, بصراحه العربيه تضرب الالنترا بالجزمه

[hugan]

عايز تتاكد من الايمبلويزر موجود او مش موجود
اعمل مفتاح عموله عند اي حد بتاع مفاتيح ب10 جنيه
لو العربيه اشتغلت بالمفتاح العموله
يبقي مافيهاش ايمبلويزر