طلب تسعيير سيراتو ....ارجوكم ساعدوني

[M.ABDEEN]

السلام عليكم
معليش كنت عايز من حضراتكم تساعدوني في تسعيير عربيتي السيراتو موديل 2008 ترخيص 28/12/2008 فبريكة بره وجوه بالكامل فيها خدشيين بس واحد في الاكصدام قدام والتاني في الجنب وعداد 58 الف كيلو والصيانات كلها في التوكيل وفي السبع ...ستيبترونيك وتم تركيب سبويلر رياصي فيها فوجات وتم تركيب سينسور بارك خلفي ونواكل داخلي وخارجي بالكامل كوري اصلي مش صيني وصالون ممتاز بفرش جلد وتم تركيب جنوط سبور اندونيسي مقاس 16 بكاوتش جديد وعريض مقاس 205/55 هاي سبييد مع الاحتفاظ اصلا بالجنوط وااكاوتش السابق مقاس 15 والحالة العامة للعربية ممتازة والرخصة تنتهي كمان 11 شهر ونص ....
المهم يعني الحمد لله الاستعمال راقي وياريت تقوللي تسوى قد ايه تقريبا وشكرا

[amgomaa]

فيه موضوع فى قسم بيع السيارات اسمه تسعير السيارات المستعملة الجزء الخامس ا/ شريف وهبه حط مواصفات عربيتك فيه وهو ان شاء الله يرد عليك

Sent from my GT-S5282 using Forum Runner

[M.ABDEEN]

شكرا يا باشا على المساعدة

[amnpop]

السلام عليكم
معليش كنت عايز من حضراتكم تساعدوني في تسعيير عربيتي السيراتو موديل 2008 ترخيص 28/12/2008 فبريكة بره وجوه بالكامل فيها خدشيين بس واحد في الاكصدام قدام والتاني في الجنب وعداد 58 الف كيلو والصيانات كلها في التوكيل وفي السبع ...ستيبترونيك وتم تركيب سبويلر رياصي فيها فوجات وتم تركيب سينسور بارك خلفي ونواكل داخلي وخارجي بالكامل كوري اصلي مش صيني وصالون ممتاز بفرش جلد وتم تركيب جنوط سبور اندونيسي مقاس 16 بكاوتش جديد وعريض مقاس 205/55 هاي سبييد مع الاحتفاظ اصلا بالجنوط وااكاوتش السابق مقاس 15 والحالة العامة للعربية ممتازة والرخصة تنتهي كمان 11 شهر ونص ....
المهم يعني الحمد لله الاستعمال راقي وياريت تقوللي تسوى قد ايه تقريبا وشكرا

شوف حضرتك تمنها كام في السوق و انا ممكن اشتريها من حضرتك
انا و الله زقت من التجار اللي في السوق و مش لاقي عربيه نضيفه

[raedegypt]

عوامل التسعير كثيره
1- الموديل- اتوماتيك ولاعادى
2-كم كليو متر ماشيه
3-فابريكه ولا لاء
4-موديل عليه اقبال فى السوق ام ضعيف
5-اللون
6-سعر الزيرو للسيارات موديل السنه بصفه عامه

[M.ABDEEN]

شكرا يا جماعة .... عموما هو واحد صديق واخ عايز يشتريها مني من حوالي 8 شهور والفكرة مكنيتش في دماغي لغاية ما كان بيكلمني امبارح وعرف المهم فضل يضغط عليا المهم انا مش عارف اقوله ايه ومبحبيش الاحراج في المواضيع دي خالص المهم قاللي اركن كل ده على جنب واعتبرني واحد عادي بيشتري المهم بعد مهاترات على شوية حلفانات على مجاملات على ضغط جامد منه طلع من لساني 85 الف ....
المهم قاللي العربية تستاهل بس مفيش واجب كده يعني وهو ده الاخر ...مقفلتش الباب بس مش عارف التمن ده كويس ولا مبالغ فيه ولا المفروض تبقى اقل وهو هيموت وياخدها لانه عارف تاريخها كويس والحمد لله العربية زي الفل ومش محتاجة اي مصروف نهائي فقلتله اديني فرصة افكر وقلت ارجع لحضراتكم فياريت تفيدوني للاهمية وشكرا

[J A G U A R]

85 الف كويس عليها

[ابو ليلى]

برضه مصمم تبيع .... هتحلف بيها العربية دى
السعر مناسب جدا جدا توكل على الله
بس هى مش المفروض تكون موديل 2009 على اساس ان الترخيص فى اخر يومين من 2008

[M.ABDEEN]

شكرا جاكور باشا ....
وائل بيه شكرا يا ريس بس خلاص الفكرة عشيشت جدا وكده ولا كده هبيع حتى لو مش دلوقتي يبقى بعدين رغم ان العربية دي مخذلتنييش في حاجة سواء عطل او شد وجري او سفر ....بس خلاص بقى حان وقت التغيير .....
المهم يعني ان السعر كده كويس وانا مش مغللي عليه لانه يعز عليا جدا بس برده العربية نظيفة وانا مش عايز اخسر

[ابو ليلى]

يبقى على بركة الله واللى فيه الخير يقدمه ربنا
لو عاوز بالتحديد السعر يبقى مفيش غير خبيرنا شريف وهبة فى الموضوع ده

[M.ABDEEN]

كتبت والله في الموضوع اللي عامله بس لسه محديش رد عليا ...
وائل بيه متعرفش برده اي اخبار عن السيراتو الكوبيه الجديدة

[ابو ليلى]

ا / شريف بيرد باليل وانا لو شفته هقله
بالنسبة للكوبية انا قريت انها نازلة فى المعرض على شهر 3 وابقى تابع الصفحة بتاعة كيا على الفيس
شكلك مستعجل ليه كده البيع والشرا فى نفس الوقت هيجبرك على اتخاذ قرار متسرع