مقابلة كيا - هيواندى يوم 14/2/2014 ... اوعى تفوتك

[ابو ليلى]

كان نفسي اجي والله واتشرف بحضراتكم والاعضاء المحترمين في المنتدي وكمان كنت اشارك الناس اللي كانت عاوزه تجرب متانه وثبات العربيه بس المشكله اني عندي سفر للسعوديه يوم ٧-٢ وكان نفسب اقابلكم واتعرف بيكم بس خير ان شاء الله متعوضه

والله احنا اللى نفسنا نتشرف بحضرتك ومتابع موضوعك وجزاك الله خير بردك على الاعضاء واطمن المقابلات جاية كتير بأذن الله

حبيبى يا أبو ليلى وحشنى جدا جدا
أخيرا أخير
انا نفسى اشوفكوا والله نفسى فى مقابلة والناس كلها مشتاقة ليوم يخرجنا من الضغط إللى احنا فيه
حبيبى يا أبو سمرة والله فكرة رائعة و اختيار المكان رائع وان شاء الله التوقيت يكون مناسب للجميع
وياريت يكون بعد صلاة الجمعة والناس تصلى فى مساجد قريبة من المكان علشان اعتقد فيه ناس هتبقى من خارج القاهرة كثير المرة دية
واسمح لى حبايبنا بتوع قسم نيسان إللى كانوا بيفتكرونى فى اجتماعتهم دائما ياريت يشرفونا
وحبايب قلبى الأعضاء الجدد وخاصتا مالكى الغالية السبورتاج والمقبلين على امتلاكها الجدد والدائمين على الإتصال بى ياريت نشفهم فى المقابله دية
علشان معظمهم من خارج القاهرة ودي فرصة كويسة واخص بالذكر مع حفظ الألقاب / حسن عبدالحليم يارب يكون استقر على سبورتاج أو ix35 وابن دمياط أحمد عطا يارب يكون رجع من نيجيريا وأشرف محمد و حبايب قلبى محمد من طنطا و محمد سيد بورسعيد هشام من السويس
وأعذرونى لو نسيت حد من حبابيبنا والله كانت الإتصالات كثير الفترة دية والواحد دماغه مبقتش حاضرة
وانا متوقع ان المقابله دية هتكسر الدنيا
وفقكم الله

حبيبى حبيبى ...انت اللى وحشنى اكتر وربنا يكرم والمقابلة تتم على خير
وربنا يجيزك خيرا على مساعدتك للاعضاء

مقابلة سعيدة ان شاء الله :)

سعيدة مين .... انت جى جى اعمل حسابك من دلوقتى ومش هقبل باى عذر

[SYD]

حبيبي يا ابو ليلي وم/ سمير الشهاوي
ربنا يارب يكرم واقدر اجي المقابلة
كل سنة وكلكم طيبين

تحياتي للجميع

[محمد بدر]

فين النمور يارجاله
انا متوقع بعد طول غياب النور هتدخل تكسر الدنيا ولازم ده يحصل ان شاء الله

[moha4tec]

السلام عليكم
جمعه مباركه و مقابله عظيمه ان شاء الله .
و اتشرف بحضور المقابله الفريده من نوعها بين قسمى كيا و هيونداى .
و على راى المثل زورونا كل سنه مره هههههههههه .
وحشتونا جدا جدا و يا رب نتقابل على خير و يكون حال البلد فى استقرار .

[dr.sherif]

بسم الله الرحمن الرحيم

بعد السلام عليكم جميعا

اتشرف جداا جداا جداا بالحضور ومقابلة والتعرف على كل الناس المحترمين اللى كان ليهم الفضل الكبير بعد ربنا سبحانة وتعالى فى اختيارى لسيارتى .... وبشكر كل واحد مبخلش عليا برأية فى هذا

وسأسعى جاهدا لحضور هذا الملتقى المبارك العظيم وأتمنا أن تقبلونى صديق لكم جميعا

وأنا ان شاء الله سوف أحضر من مدينة المحلة الكبرى
وأتمنى التواصل مع أحد من اللأصدقاء المحترمين لتسهيل معرفة كيفية الوصول للمكان

وشكرا لكم جميعا

[Samir Elshahawy]

فين النمور يارجاله
انا متوقع بعد طول غياب النور هتدخل تكسر الدنيا ولازم ده يحصل ان شاء الله

و لا النمور و لا النجوم
شكلها هاتبقي مقابلة للمنسقين فقط

[م. حاتم السباعي]

ايه الحكاية نيسان ملهاش نفس وﻻ ايه في ليلتكم الكوري دي

[ابو ليلى]

دخلنا فى الوقت الجد وشايف ان فى ناس مكسلة لسة ..
المقابلة بأذن الله فى ميعادها الجمعة اللى جايا فى انتظار باقى نمور كيا القدامى والاعضاء الجدد ...
محتاجين نغير جو ونتعرف عليكم وتاكدو انكم هتضيفو ارقام اصدقاء محترمين الى موبيلتكم

ايه الحكاية نيسان ملهاش نفس وﻻ ايه في ليلتكم الكوري دي

نيسان حبيبنا من زمان وانت طبعا اساسى بأذن الله زى ما بتعودنا كل مرة

[Ahmed.Essam]

يارب اقدر اجي المقابلة دي ان شاء الله :)
ولو مجتش بردو تكون مقابلة سعيدة بإذن الله :)
بس هل هيكون في تواصل مع الحاضرين للمقابلة قبلها ولا لا ؟
وهل بقا لازم اكون لوحدي ولا ممكن واحد صاحبي ييجي معايا ولازم اكون راجل كبرة ذات قيمة زي حضراتكوا كده ولا بتقبلوا بالشباب عادي عشان مابقاش في موقف محرج ها انا بقول اهو

[ابو ليلى]

يارب اقدر اجي المقابلة دي ان شاء الله :)
ولو مجتش بردو تكون مقابلة سعيدة بإذن الله :)
بس هل هيكون في تواصل مع الحاضرين للمقابلة قبلها ولا لا ؟
وهل بقا لازم اكون لوحدي ولا ممكن واحد صاحبي ييجي معايا ولازم اكون راجل كبرة ذات قيمة زي حضراتكوا كده :0002014a: ولا بتقبلوا بالشباب عادي عشان مابقاش في موقف محرج ها انا بقول اهو :oc_sun1[1]:

ان شاء الله تيجى وتشرفنا وكلنا شباب على فكرة وصحابك هما اصحابنا تنورنا بأذن الله

[ابو ليلى]

ياريت يا جماعة اصدقائى اللى قالو جايين ياكدو الحضور مرة تانية
اللى اكد حضور لحد الان

احمد الكسار AHMED1718
محمد مصطفى moha4tec
ياسر الصياد yasserelsayad
احمد السويدى
بلاش كسل الله يكرمكم اخطف ساعة نشوفك ونكمن عليك وروح تانى

[AHMED1718]

هتتقابلو الساعة كام يابو ليلي

[محمد بدر]

اصدقائي وحبايبي
والله ولظروف خارجة عن إرادتي أعتذر عن حضوري لظروف عمل طارئه والله انا بأعتذر وكلي أسف وأعتذار خاص لحبيب قلبي ابو ليلي وصديقي العزيز الشهاوي
وربنا يجمعنا علي خير في أقرب فرصة إن شاء الله

[ابو ليلى]

هتتقابلو الساعة كام يابو ليلي

بعد الصلاة بأذن الله يعنى ابتداء من الساعة 2

[ابو ليلى]

اصدقائي وحبايبي
والله ولظروف خارجة عن إرادتي أعتذر عن حضوري لظروف عمل طارئه والله انا بأعتذر وكلي أسف وأعتذار خاص لحبيب قلبي ابو ليلي وصديقي العزيز الشهاوي
وربنا يجمعنا علي خير في أقرب فرصة إن شاء الله

باذن الله تتعوض ونتقابل على خير مرة تانية وزى ما قلنا ظبط نفسك بقى على معرض فورميلا