الى خبراء كيا : بعت سيراتو 2012 مانيوال وحشترى اوتوماتيك 2010

[عبدالله برعى]

الحمد لله بعت السيراتو 2012 مانيوال بــ 95
ومعروض عليا سيارة سيراتو 2010 اوتو ستبترونيك مخبوطة قدام مغيرا 2 رفرف قدام وصدر قدام وفوانيس امامى وعايزا نص عمرة للموتور ورشة كلة ماعدا سقف

كلمة خبراء السيراتو فى السعر كام ؟؟؟؟؟

[Ahmed_Adham]

وايه اللي يجبرك على العك ده بقى تنزل من 2012 فابريقه ل 2010 مخبوطه من قدام؟ شوف 2012 اوتو وتبقى طلعت لحاجه أعلى.

[AhmedBoshnak]

باشا ابعد عن العربية دى خالص وشوف عربية سليمة

[J A G U A R]

بلاش منها عربيتك كانت احسن ...

[M.ABDEEN]

مش عارف اقوللك ايه بصراحة ......ارجع لصوابك معقول اللي هتعمله ده

[saddam]

صديقي المواطن
كل فوله وليها كيال ولو حتحط في جيبك فرق 22 ألف جنيه خدها غير كده سيبك منها قولا واحدا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
أما نصيحتي الحقيقية فهي إنك تخرج بره السيراتو الشكل القديم وتجرب غيرها

[Deshahcoka]

ايه يعم ده !!! عمر موتور ليه يعني كان بيطلع بيها الصومال ! فكك في 2010 نضيف كتير يا باشا

[amgomaa]

انت بتتكلم بجد ولا بتهزر يعنى انت بعت عربيه فابريكه علشان تجيب عربيه عايزة عمرة موتورمتغير كذا و كذا لا والف لا طبعا شوف حاجه نضيفة و مش شرط سيراتو

Sent from my GT-S5282 using Forum Runner

[عبدالله برعى]

شكرا بكل من ساهم فى الرد على الموضوع
ولكن سبب البيع يرجع الى اسباب شخصية لازم ابيعها
ومعايا 65 الف
وسعر المعروضة عليا ال 2010 بــــــ 73 الف

ايش رايكم بعد السعر دا

[احمد المصرى]

بلاش منها خالص 2010 ب 73 يعنى طالع عين ايوها بلاش منها خالص بجد دى عامله حادثه محترمه وهطلع عينك

[saddam]

صديقي المواطن
مش فاهم أنا إصرارك الغريب على العربية السيراتو وكنت أتمنى تغير لحاجة تانية وتكلمنا في اﻷسباب كتير جدا لكن إنت لسه شباب بس عندك شوية عند وبما إنك حبيبنا مش عايزين نزعلك على العموم العربية دي خلص فيها على 68 ألف بس بشرط لازم تنقل ملكية فورا وتفحص العربية في المرور متقولش مثلا إن لسه رخصتها سارية وأمشي بعقد بيع عشان لو عدت من الفحص يبقه تمام ﻷنه متضمنش عربية زي دي جايز مغيرة نص جايز كانت مسروقة جايز كانت في مكاتب إيجار عامة مفيش حاجة مش ليها حل وتظبيط ما دمت مصر على العربية دي وممكن تخسر بتاع 400 جنيه وديها التوكيل عندك يديك حالة الفتيس والعربية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[عبدالله برعى]

صديقي المواطن
مش فاهم أنا إصرارك الغريب على العربية السيراتو وكنت أتمنى تغير لحاجة تانية وتكلمنا في اﻷسباب كتير جدا لكن إنت لسه شباب بس عندك شوية عند وبما إنك حبيبنا مش عايزين نزعلك على العموم العربية دي خلص فيها على 68 ألف بس بشرط لازم تنقل ملكية فورا وتفحص العربية في المرور متقولش مثلا إن لسه رخصتها سارية وأمشي بعقد بيع عشان لو عدت من الفحص يبقه تمام ﻷنه متضمنش عربية زي دي جايز مغيرة نص جايز كانت مسروقة جايز كانت في مكاتب إيجار عامة مفيش حاجة مش ليها حل وتظبيط ما دمت مصر على العربية دي وممكن تخسر بتاع 400 جنيه وديها التوكيل عندك يديك حالة الفتيس والعربية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا على الرد والافادة ذ صدام بيه ولــــــــــــكن ,,,,

تصميمى على السيراتو لانى مرتحلها نفسيا وفهمتها بنسبة 90 %ومش لاقى فى فئتها احسن منها من ناحية
الشكل او قطع الغيار او الصيانات لانها قعدت معايا سنتين ونص
وعامة لما حنقل من سيراتو حرورح لفئة البيجو 508 على طول غير كدا كلة محصل بعضه
وشكرا للاخوة المشاركين والمساعدين بحروفهم التى تنير الطريق للناس المتعثرين

[moha4tec]

صلى صلاة استخاره و ربنا هيرزقك بكل خير

[bmya]

استاذ عبدالله العربيه شكلها متشنيره وكتير عليها ٧٣ والسعر ده ممكن تجيب صني مثلا

[S O P H O S]

هتتعب نفسك ليه ؟