مساعدة بخصوص سيراتو

[M.ABDEEN]

السلام عليكم
انا بعت عربيتي والحمد لله وناوي على الجديد فحيران في 3 او اربع حاجات المهم السيراتو على راسهم طبعا فهل حد يعرف معارض او ممكن يقوللي الاقي سيراتو 2013 بس الشكل الجديد ....ستوك مش مستعمل او كسر زيرو بس الفئة اللي هيا هاي لاين او اللي بجنوط وفتحة لاني شوفت عند ريان مفييش والقرش لسه مرديش عليا وياريت برده الاسعار لو حد يعرف ويبقى كتر خيركوا ومتبخلووش عليا

[M.ABDEEN]

ايه يا رجالة حد يقول اي حاجة حتى ارفعوا معنوياتي

[Mohamed Mousta]

ممكن تشوف عند المصريه الى قبل كليه البنات و شارع نبيل الوقاد,عندهم عرض من الكيا كبيير و فيه كمان ستوب للسيارات فى شارع مصطفى النحاس و انت بتلف ال U-Turn بتاع عباس العقاد و فيه معرض قبل النادى الاهلى مدينه نصر عند مؤمن كان عاندو 2013 الشكل الجديد بس دا من فتره

[M.ABDEEN]

شكرا يا باشا على مساعدتك

[spidars]

عند الطارق في مول العرب

[shifoo68]

السلام عليكم
انا بعت عربيتي والحمد لله وناوي على الجديد فحيران في 3 او اربع حاجات المهم السيراتو على راسهم طبعا فهل حد يعرف معارض او ممكن يقوللي الاقي سيراتو 2013 بس الشكل الجديد ....ستوك مش مستعمل او كسر زيرو بس الفئة اللي هيا هاي لاين او اللي بجنوط وفتحة لاني شوفت عند ريان مفييش والقرش لسه مرديش عليا وياريت برده الاسعار لو حد يعرف ويبقى كتر خيركوا ومتبخلووش عليا

الوكيل 2013 هاى لاين لون نبيتى فقط جنط 17 177000 فرع روكسى

[spidars]

بس عند الطارق كل الفئات وكيل

[M.ABDEEN]

الوكيل 2013 هاى لاين لون نبيتى فقط جنط 17 177000 فرع روكسى

شكرا يا باشا بس اللي عرفته ان نفس الكاتيجوري ده و 2014 ب 179 الف جنيه

[Mohamed Mousta]

شكرا يا باشا بس اللي عرفته ان نفس الكاتيجوري ده و 2014 ب 179 الف جنيه

لو الفرق بين 2013 و 2014 قليل هات 2014 علشان 2013 واقفه على الارض بقالها كتير ممكن سنه و انتاج الكاوتش اكيد أقدم دا غير أن ممكن تكون كانت فى العرض مثلا و أكيد فرق الموديل بيفرق فى السعر قدام يعنى مثلا سيراتو 2011 أغلى من سيراتو 2010 نفس الفئه و الحاله و لو الفرق فى السعر كبير ممكن سعتها تتنازل لانها مش هتكون فرقه لاكن 177000 و 179000 هات 2014 طبعا

[M.ABDEEN]

لو الفرق بين 2013 و 2014 قليل هات 2014 علشان 2013 واقفه على الارض بقالها كتير ممكن سنه و انتاج الكاوتش اكيد أقدم دا غير أن ممكن تكون كانت فى العرض مثلا و أكيد فرق الموديل بيفرق فى السعر قدام يعنى مثلا سيراتو 2011 أغلى من سيراتو 2010 نفس الفئه و الحاله و لو الفرق فى السعر كبير ممكن سعتها تتنازل لانها مش هتكون فرقه لاكن 177000 و 179000 هات 2014 طبعا

كلامك صح فعلا وهو ده اللي انا اقصده

[Mohamed Mousta]

ونصيحه وأنت بتستلم العربيه (خاصه من القرش أو سمير ريان)خد سمكرى معاك يكون بيفهم فى الرش و الرش المسروق و الورنيش و الكلام دا و فلى العربيه قبل ماتدفع جنيه لانك لو دفعت وطلع فيها حاجه فلوسك ممكن مترجعش وممكن تدخل فى مشاكل ووجع دماغ وحصلت معايا و مع واحد صاحبى بيغشوا فى الزيرو

[شريف السيد]

2014 اعلى فئة خليجى 165000 والضمان سنتين 2000 جنية

[M.ABDEEN]

ربنا يستر والله حتى المعارض الكبيرة كمان بقى منها قلق وهنروح بعيد ليه ده التوكيل كمان الواحد يقلق منه ...ومبقاش في حاجة مضمونة فعلا

[Dr . Mohamed]

2014 اعلى فئة خليجى 165000 والضمان سنتين 2000 جنية

ممكن تقولى اسم المعرض

و هل الضمان بييجى مع العربية يعنى المعرض اللى بيضيف الضمان و لا بعد ما اخد العربية أعملها ضمان ؟؟

[spidars]

ممكن تقولى اسم المعرض

و هل الضمان بييجى مع العربية يعنى المعرض اللى بيضيف الضمان و لا بعد ما اخد العربية أعملها ضمان ؟؟

يعم متخدش بالمسميات مش اعلي فئه ولا حاجه ودي شكلها عند القرش صح علشان اعلي حاجه في الخليجي 194 الف وعند الليثي او عند سمير ريان