محدش مهتم بالبيكانتو

[youssefmustang]

اليومين دول محدش مهتم بالبيكانتو مافيش اخبار عنها ولا اى حاجة حتى اصحاب البيكانتو حاسس انهم بطلو يخشو المنتدى ياريت تطمنونا عليكم وعلى البيكانتو كل فترة ما تقطعوش الاخبار عن البيكانتو زى ما الريو كدا مافيش اخبار عنها خالص فى النتدى الا بسيط

[shery103]

ليه بس مالها البيكانتو دى زى الفل ، و انا كمان لسه هنزل تقييم البيكانتو بتاعتى ، بس مستنية اكمل اول 1000

[youssefmustang]

ياريت يا shery عشان انا مستنى اى معلومة عنها او اى كلمة عشان خلاص حجيبها بأذن الله تعالى
اخوكى يوسف

[shery103]

لأ متقلقش توكل على الله و جيبها عربية هايلة بجد
و ان شاء الله التقييم بتاعى قريبا

و طبعا اقرا المواضيع اللى هنا فى القسم هتفيدك جدا و هتعرفك كل الحاجات اللى عايز تعرفها قبل ما تشترى

[youssefmustang]

هى اللى معاكى فول اوبشن ولا هاف اوبشن

[shery103]

هاف اوبشن مانيوال رمادى

[youssefmustang]

شكرا shery

[MomoMedo]

شيرييييييي انا زيك لسة مكملتش 1000 كيلو
دلواتي حوالي 500
عايز اسألك على حاجة
لما ال rpm بيوصل اتنين ونص كدة والسرعة 70 مثلا لما بشيل رجلي من دواسة البنزين بحس بزنة كدة او حاسس كأن الدواسة بتحك في حاجة
الحكاية دي عند كل الناس ولا انا بس عشان اقولهم عليها في الصيانة؟؟؟

[youssefmustang]

اوباااااااا ليه كده بس يا ميدو من اول 500 كيلو هنبتدى فى مشاكل ليه
وكمان اللى اعرفه ان العربية لما بتلين سرعتك ما تزيدش عن 60 كيلو

[shery103]

لأ مش بتعمل معايا زنة خالص لانى على طول لما باخد سرعتى و الطريق فاضى الصبح بشيل رجلى شوية من على البنزين عشان اريح

و على فكرة اعتقد التليين متزيدش على 80 ، اصل 60 دى هتكرهنى فى العربية

و ربنا يخلص اول 1000 دول بقه :D انا النهاردة مكملة 570

[MomoMedo]

لا يا يوسف 60 ايه بس حرام عليك دة انا ممكن يحصلي حاجة
بس انا مش بعدي 90 بيها حاليا يعني
ربنا يستر بأى
والله مدايق اوي من موضوع الزنة دة دة لسة جديدة خالص

[youssefmustang]

بس كده مايحصلش حاجة للمتور انا اعرف ناس بتقول ان العربية لو زودة عن 70 فى التللين ممكن حاجة تبوظ فى الموتور وفى ناس بتقول انا كل الجديد من اول 2005 جاهز من غير تللين للجرى وسواء كده او كده انا عايز اعرف ايه اللى يحصل لو انا بلين ومشيت على 150 او 160 ؟؟

[MomoMedo]

هو في الكتالوج كاتبين متمشيش على سرعات عالية
والار بي ام يكون بين اتنين و اربعة\
وتغير سرعتك كل شوية
مش كاتبين غير كدة

في حاجة كمان
انا معنديش اي حاجة تثبت ان في ضمان ياجماعة؟؟؟؟؟؟؟؟

[youssefmustang]

في حاجة كمان
انا معنديش اي حاجة تثبت ان في ضمان ياجماعة؟؟؟؟؟؟؟؟

يعنى ايه مافيش ضمان انت مش جايبها من توكيل محمد نصير Eit او موزع معتمد
ولاايه

[maro333]

ياريت لو حد يعرف أخبار عن بيكانتو 2009 ... أصل أنا عايزه أشترىو فيه قدامى واحده 2008 هاف أوبشن ممكن يعمل عليها تخفيض بسيط . بس مش عارفه أستنى بعد العيد هاتنزل 2009 ولا مش هاتنزل دلوقتى أصلاً وهايبقى في إختلاف فى الشكل أو السعر أو الأمكانيات و لا هى هى... ياريت لو حد يعرف ياريت يساعدنى و يقولى .. أنا محتاجه أعرف حتى رأيكوا علشان لو هاشتري 2008 ألحق أشتريها................ أرجو الرد لأنى أثق فى رأيكو ....