انصحونى لو سمحتم....اجيب الكرينز الجديده ولا ﻻ

[dr_afify238]

السلام عليكم .....عاوز بس استفسار من الناس الى جابت الكارينز 2014 الجديده .....لانى ناوى اجيبها بصراحه العربيه خرافه ....بس كنت بسال عن السحب بتاعها اخباره ايه ...وموضوع ان الاستبن ده تحت العربيه فى مشكله ولا لا......يعنى نصايحكوا بقى اتكل على الله ....ولا بلاش ..... وكمان انا هجيب الفءه الاولى اوتوماتك ممكن اركب لها جنت ...وكمان بقى احسن لون فيها ايه......وشكرا جدا

[برنس الليالي]

انا مشفتاش إلا ثلت مرات تقريباً وشايفها جميلة جداً كعربية واسعة وعائلية وشيك بمعنى الكلمة وليها تقييم جميل بردو في الـreviews

انا شايف انها متتعيبش وبمجرد رأي اجمل لون عليها الفضي

[dr_afify238]

يعنى شوفتها فعلا كتير فى الشارع

[برنس الليالي]

بتاع 3-4 مرات مش متذكر بالظبط بس شوف نسبة ارتياحك انت كعربية عائلية بشكل شيك اوي واوبشنز حلو

[Dr_Moustafa]

العربيه صفقه ناجحه

اشترى الخليجى ، سعر أقل ومميزات اكتر

ومبروك مقدما

[faelgaber]

أنا معايا الفءه الثانية وكيل بعد سيراتو ٢٠١٠
جبتها بعد دراسه كامله للسوق تعتبر افضل عربيه في حدود من١٨٠-٢٠٠الف

[memo823000]

انا لا انصح بيها ابدا لان عفشتها واطيه جدا جدا جدا

[Hazem Osman]

الصراحة العربية عجبانى جدا وعائلية وعملية بامتياز
ياريت اﻻخوة مﻻك العربية هنا فى المنتدى يوضحولنا اكتر وخاصة موضوع اﻻرتفاع والسحب...اكتر تعليقين سمعتهم عليها

[dr_afify238]

الى بيقول العفشه واطيه عن تجربه يا باشا

[برنس الليالي]

الصراحة العربية عجبانى جدا وعائلية وعملية بامتياز
ياريت اﻻخوة مﻻك العربية هنا فى المنتدى يوضحولنا اكتر وخاصة موضوع اﻻرتفاع والسحب...اكتر تعليقين سمعتهم عليها

ارتفاع العربية 15 مم والارتفاع دا معقول اوي, الكورولا الجديدة ارتفاعها 12 مم ومحدش اشتكى

[houseiny]

انا لا انصح بيها ابدا لان عفشتها واطيه جدا جدا جدا

مع احترامي الكامل لحضرتك ولرأيك اللي وجب علينا احترامه ، ولكني امتلك السيارة ، وهي ليست واطية بالمرة ، هي ارتفاعها كويس جداً ، مضايقنيش حتى الان في ولا مطب ، وده لان المساعدين والسوست ماسكة نفسها جداً مبتهبطش زي الهيونداي مثلاً ودي بيخليها تبقى مرتفعة ، حضرتك دي الخلوص بتاعها بعد التحميل 14.6 مم وده كويس ، الكورولا ارتفاعها 12 مم وماشية محدش اشتكى منها

[hugan]

ماحققتش نفس نجاح وانتشار الموديل السابق
المشكله ان مفيش غير الكارينز
والجراند تريوس فئه 7مقاعد
لو محتاجها للغرض السابق توكل علي الله

[Dr_Moustafa]

ماحققتش نفس نجاح وانتشار الموديل السابق
المشكله ان مفيش غير الكارينز
والجراند تريوس فئه 7مقاعد
لو محتاجها للغرض السابق توكل علي الله

فعلا لم تحقق انتشار زى الموديل السابق

وده علشان الوكيل طمع بعد نجاح الموديل السابق
ونزل الموديل الجديد بسعر مبالغ فيه جدا

طبعا لم تجد الاقبال المتوقع

[برنس الليالي]

العربة تعتبر لسا مخادتش وقتها ودلوقتي فئة الـ200 الف فيها حاجات محترمة وواسعة غير الكارينز الجديدة تخلي الواحد يحتار ويمكن دا سبب لعدم انتشارها في المدة دي

- انا من رأيي انك متستناش حد يشتريها عشان تشتريها انت توكل على الله والعربية حديثة وشكل جميل جداً وملفتة ... في امان الله

[Hazem Osman]

عفوا هو ينفع يتحكم عليها من دلوقتى انها محققتش انتشار!!!!