محتار فى استهلاك بنزين الكارينز

[Sherif Khalifa]

السلام عليكم

كنت محتاج اعرف استهلاك الكارينز فى البنزين اد اية ؟!

- سعة تنك البنزين اد اية ؟؟؟
- انا بعمل 340 كم و المؤشر بيكون على العلامة الى قبل الاخيرة فى العادى و السفر بيكون نفس المكان و انا عامل 370 كم
و بعد كدة فولت 36 لتر
يعنى كدى بمعدل 10.2 لتر لكل 100 كم فى السفر و وسط البلد
دا طبيعى ؟؟؟

[houseiny]

ده هو ده قمة الطبيعي مع الكارينز ، اسال مجرب يا باشا

[spidars]

نعم هو ده الطبيعي انا كنت مصدوم زي حضرتك بس بمقابل القعده والوسع والراحه مش مشكله انا كنت ناوي ابيها للسبب ده ورجعت في كلامي وهركبلاها اكصدامات نيكل لان العربيات دي هي الي تنفع في ام البلد دي بكصدامتها النيكل

[Ahmed_Adham]

عندي 10 لتر لل 100 كيلو استخدام مختلط فعلا ومعنديش مشكله في كده عشان فعلا الموتور ضعيف شويه على وزن العربيه. خد بالك من حاجه ان النص اللي تحت من المؤشر فيه لترات أكتر من النص الأول منه.

[Sherif Khalifa]

شكرا يا جماعة طمنتونى