هجيب كيا سيراتو 2014 ان شاء الله

[Islam Zaki]

ان شاء الله هنزل بكرة اجيب السيراتو بس مش عارف الفئة الاولي و لا التانية في الاوتوماتيك هل الفرق بين الفئة الأولي و الثانية تستاهل الفلوس 12000 الف ياريت الخبرة نا يقولولي علشان انا مليش اي خبرات و دي اول عربية ليا زيرو و مستني الردود انهاردة علشان زي ماقلتلكم اني ان شاء الله هنزل بكرة و شكرا

[Dr . Mohamed]

http://www.kia.com.eg/ar/vehicles/cerato/

اتفرج على الفئات و شوف الفرق

[ayam7]

الفئة الثانية فى الاتوماتيك تزيد عن الاولى
جنط 16 وواحد إيرباج للسائق وإمكانية التحكم فى إرتفاع كرسى السائق ونور للقراءة ومكان لحفظ النظارة وتحكم فى السى دى من عجلة القيادة

[Islam Zaki]

الفئة الثانية فى الاتوماتيك تزيد عن الاولى
جنط 16 وواحد إيرباج للسائق وإمكانية التحكم فى إرتفاع كرسى السائق ونور للقراءة ومكان لحفظ النظارة وتحكم فى السى دى من عجلة القيادة

انا عارف الفروقات اللي بين الفئات بس زي مقلتلكوا انا مليش في العربيات و دي اول عربية ليا فهل الفروقات دي تستاهل فرق الفلوس

[ayam7]

حسب تقديرك الشخصى وإستخدامك يا أستاذ إسلام يعنى اهم حاجة فى المميزات بين الاتنين الجنط والايرباج لو مش مهمين فى الوقت الحالى يبقى وفر الفلوس مع ان الوقتى مهم اوووى ان العربية يبقى فيها ايرباج وكمان abs اساسى

[hugan]

انا زيك ماليش قي فروقات الاوبشن

بس حضرتك هاتدفع مبلغ محترم
لازم تدرس الامر جيدا
قبل الشراء
ماينفعش قبلها ب24 ساعه تسال تشتري ايه

عموما بالنسبه لي شخصيا
يكفيني من العربيه
4 زجاج وتكييف وباور وشنطه وتنك كهرباء ووحدات رفع
وايمبلويزر وفاميه خلفي مثبت علي الرخصه

[Ahmed_Adham]

متتنازلش عن الايرباج أبدا وياريت واحده كمان للراكب الامامي مش السواق بس.

[saint2011]

فى رأيى الشخصى أقل موديل يتركب فى العربية دى هو ex fo غير كده متركبش 2 أير باج + abs وجنوط ومرايات ضم ومش هقولك sx عشان دى بقى حكايه تانية خالص وربنا يوفقك للصالح

[J A G U A R]

لو مش فارق معاك abs و airbag يبقى خليك فى الفئه الاولى .. غير كده يبقى الفئه التانيه

[Islam Zaki]

انا رحت امبارح توكيل كيا و لاقيت اختلاف في الاسعار ex 151 ألف و ex fo 161 ألف و sx كانت 168 ألف و انا ان شاء الله هجيب ex fo أو sx ربنا يسهل و اشوف اللي هيكون متوفر و اللون اللي موجود

[شريف السيد]

اية مواصفات sx اللى ب 168

[amgomaa]

انا رحت امبارح توكيل كيا و لاقيت اختلاف في الاسعار ex 151 ألف و ex fo 161 ألف و sx كانت 168 ألف و انا ان شاء الله هجيب ex fo أو sx ربنا يسهل و اشوف اللي هيكون متوفر و اللون اللي موجود

هى sx الوكيل عملوا عليها تخفيض تاني لانها كانت ب 178 ولا دي فئه جديدة من غير فتحه سقف ومفتاح بصمة

Sent from my GT-S5282 using Forum Runner

[Islam Zaki]

هى sx الوكيل عملوا عليها تخفيض تاني لانها كانت ب 178 ولا دي فئه جديدة من غير فتحه سقف ومفتاح بصمة

Sent from my GT-S5282 using Forum Runner

اه هي فئة sx تمنها 168 و الفرق بينها و بين الفئة اللي بـ 178 فتحة سقف و مفتاح ذكي و لمض عند مقابض الابواب بس غير كدة زي بعض

[Islam Zaki]

هل في اي نصايح تنصحوني بيها و انا رايح اجيب العربية انهاردة ان شاء الله زي ما قلتلكوا انا يعتبر معنديش خبرة في السيارات

[amgomaa]

هل في اي نصايح تنصحوني بيها و انا رايح اجيب العربية انهاردة ان شاء الله زي ما قلتلكوا انا يعتبر معنديش خبرة في السيارات

شيل اللزق الأبيض اللي علي العربيه فى المعرض واتاكد ان مفيش لون متغير راجع علي كل الأنوار التكييف والعدة وفيها عمود الشد والجنط نفس النوع الطفايه والولاعه و2 مفتاح

Sent from my GT-S5282 using Forum Runner