نتيجه زيارتى لسماره العفشجى

[احمد المصرى]

السلام عليكم


كان عندى مشكله فى العربيه انها بتحدف شمال لما اخلى الدركسيون فى وضعه الطبيعى فكنت فاكر انه عيب زوايا ورحت لسماره العفشجى ودى اول مره اتعامل معاه بصراحه رحت قلتله عايز اظبط زوايا وفعلا حط العربيه على جهاز ظبط الزوايا وقالى العربيه تمام مش محتاجه ظبط زوايا هيا كدا تمام وقلتله على الحتفه قالى دا تظبيط دركسيون مش زوايا وفعلا ظبط الدركسيون وجربنا العربيه لقنيها تمام بس كان فى صوت ترنيع من الجانب الامامى يمين ورجعنا للورشه وظبط شويه حجات وجرب العربيه قالى دا عيب مساعد ناشف بس مش محتاج يتغير حاليا ممكن تمشى بيه شويه كمان عادى


وبعد لما مشيت من عنده لقيت العربيه بتحدف يمين بدل شمال تقريبا لما كشف على المساعد عمل حاجه كان المفروض يزبط الدركسيون تانى والله اعلم


تقيمى لسماره عفشه 9 من 10 اولا شكله امين جدا اخد منى مصنعيه 40 جنيه مش عارف كتير ولا معقول بس اعتقد انه كويس


المشكله ال زعلتنى انى لقيت الحدفه لسه موجوده وعكست كمان



رحت لمركز بريدج استون ال فى الحصرى ظبتلى الطاره والحمد لله حاليا كويسه جداااااااااااااااااااااااااااا



جهاز الترصيص عند سماره حاسس انه مش تمام بمعنى انه قديم شويه عكس ال موجود فى بريدج استون تقريبا احدث منه بكتير


الترصيص عند سماره ترصيص بالمودسيكل عكس بريدج استون جهاز


بخصوص جهاز ظبط الزوايا عند سماره ركب الجهاز على العجلتين الامامى فقط وراح مركب حبل من العجله الامامى مين لحد العجله الخلفيه يمين وبعد كدا الحبل ماشى للعجله الخلفيه شمال لحد العجله الاماميه شمال وركبه فى جهاز الزوايا بتاع العجله الشمال الاماميه ودى اول مره فى حياتى اشوف كدا ومش عارف دا صح ولا غلط


اخيرا سالت على المساعدين الاصلى عند دارجيت لقيتهم ب 950 جنيه وكلمت المواردى قالى عندى نوع يابانى ب 650 ومرتاش يقولى اى اسعار تانيه فى التليفون وقعد يستهبل وقالى الشبكه مش كويسه عكس تارجيبت بيقول اسعار عادى فى التليفون

[Sherif Khalifa]

هوا دا ورشة عفشة ولا زوايا ؟؟
مكانة فين بظبط لوسمحت انا محتاج حد عفشة ضارورى

[egyptiandiver]

الحمد لله أنا اشتريت طقم 4 مساعدين إتحاد أوروبي ماركت منرو - غاز، من هشام لهيطة، موزع معتمد من غبور المستورد للمنرو في مصر و ادني ضمان سنة، في شارع زكي - وسط البلد ب-900 جنيه من حوالي اسبوعين، ربنا كريم.

[hugan]

الاجهزه القديمه في الزوايا
في رائي بتظبط افضل من الليزر

[Sherif Khalifa]

حد يعبرنى

[hugan]

حد يعبرنى

بتاع زوايا

[ابو ليلى]

احمد انت تقصد سمارة اللى عندنا فى فيصل فى الطوابق ؟

[AHMED12345678]

الحمد لله أنا اشتريت طقم 4 مساعدين إتحاد أوروبي ماركت منرو - غاز، من هشام لهيطة، موزع معتمد من غبور المستورد للمنرو في مصر و ادني ضمان سنة، في شارع زكي - وسط البلد ب-900 جنيه من حوالي اسبوعين، ربنا كريم.

هو جاب المساعدين بتوع السيراتو
انا كنت غيرت المساعدين الاماميين من حوالى شهري ونصف تقريبا
وكلمته علشان اسأل على سعر المساعدين المونرو فرد عليا واحد قالى انهم لسة موصلوش وقدامهم من اسبوعين لشهر
فجبت اتنين kyp يابانى وسعرهم 650 جنية فكدة سعر المونرو حلو خصوصا ان معاهم ضمان سنه
بس المساعد المونرو صناعه اية
انا قريت حضرتك كاتب صناعه اوروبى
بس حضرتك ملقيتش مكتوب على العلبة البلد تحديدا
وكمان انا اعرف ان الغاز بيكون ناشف والعربية اصلا مش محتاجة نشوفية
واذا حضرتك ركبتهم ياريت تقولنا اخبار العفشة اية دلوقتى وهل نعمت ولا نشفت عن الاول ولا مفرقتش
لانى بصراحة لما ركبت المساعدين اليابانى الجداد العربية عفشتها نعمت عن الاول بكتير

[احمد المصرى]

هوا دا ورشة عفشة ولا زوايا ؟؟
مكانة فين بظبط لوسمحت انا محتاج حد عفشة ضارورى

هو عفشه وزوايا كمان مكانه فى شارع فيصل لو تعرف محطه الطوابق يوجد 3 شوارع الاول شارع الصفا والمروه هتدخل فيه رابع شارع شمال مش تانى شارع رابع شارع شمال هتلاقى صيدليه الصفا والمروه الحديثه على ناصيه الشارع هتدخل فى الشارع دا حوالى 150 متر هتلاقى سماره بتاع العفشه بس خلى بالك لان قبليه بشويه سامى بتاع العفشه برضوا بس المقصود سماره ال هو الثانى وانت داخل الشارع

الحمد لله أنا اشتريت طقم 4 مساعدين إتحاد أوروبي ماركت منرو - غاز، من هشام لهيطة، موزع معتمد من غبور المستورد للمنرو في مصر و ادني ضمان سنة، في شارع زكي - وسط البلد ب-900 جنيه من حوالي اسبوعين، ربنا كريم.

انا كلمت الواردانى قالى ان السيراتو ملهاش مونرو وقالى ان فى نوع يابانى بس 650 جنيه ولما كلت دارجيت فى فيصل قالى الاصلى ب 950 جنيه

الاجهزه القديمه في الزوايا
في رائي بتظبط افضل من الليزر

اختلف معاك فى الراى يا باشا وعلى ما اعتقد ان الجهاز ال موجود فى بريدج استون اكتوبر افضل بكثير من الجهاز ال عنده

حد يعبرنى

اسف والله لتاخير الردود

بتاع زوايا

وعفشه

احمد انت تقصد سمارة اللى عندنا فى فيصل فى الطوابق ؟

بالظبط يا كبير شخص محترم وشكله امين جدا بس اول تجربه معاه مكنتش 100 % بالنسبه ليا بس انسان محترم وامين وفاهم

هو جاب المساعدين بتوع السيراتو
انا كنت غيرت المساعدين الاماميين من حوالى شهري ونصف تقريبا
وكلمته علشان اسأل على سعر المساعدين المونرو فرد عليا واحد قالى انهم لسة موصلوش وقدامهم من اسبوعين لشهر
فجبت اتنين kyp يابانى وسعرهم 650 جنية فكدة سعر المونرو حلو خصوصا ان معاهم ضمان سنه

دا ال قالى عليه المواردى لما كلمته ومكنش عايش يقول اسعار فى التليفون اكنها حرام لو اتكلم فى التليفون

بس المساعد المونرو صناعه اية
انا قريت حضرتك كاتب صناعه اوروبى
بس حضرتك ملقيتش مكتوب على العلبة البلد تحديدا
وكمان انا اعرف ان الغاز بيكون ناشف والعربية اصلا مش محتاجة نشوفية
واذا حضرتك ركبتهم ياريت تقولنا اخبار العفشة اية دلوقتى وهل نعمت ولا نشفت عن الاول ولا مفرقتش
لانى بصراحة لما ركبت المساعدين اليابانى الجداد العربية عفشتها نعمت عن الاول بكتير

اى مساعد جديد هيكون اكيد انعم من القديم لانه لسه جديد بعلبته يا باشا

[ابو ليلى]

سمارة انا اتعملت معاه فى عربيتى القديمة لفترة طويلة وزى ما انت بتقول هو شخصية محترمة
وامين لاقصى درجة ولكن يا صديقى معندوش اى امكانيات للعربيات الحديثة حتى جهاز ظبط الزواية
زى ما انت مشفت كده ...ده انت عقبال ما تخرج من الشارع يكون ظبط الزواية باظ تانى من الحفر
عدت منك المرة دى

[احمد المصرى]

سمارة انا اتعملت معاه فى عربيتى القديمة لفترة طويلة وزى ما انت بتقول هو شخصية محترمة
وامين لاقصى درجة ولكن يا صديقى معندوش اى امكانيات للعربيات الحديثة حتى جهاز ظبط الزواية
زى ما انت مشفت كده ...ده انت عقبال ما تخرج من الشارع يكون ظبط الزواية باظ تانى من الحفر
عدت منك المرة دى

يا صديقى انا بقالى سنين عايز اتعامل مع عفشجى امين ومش لاقى والله فلما قريت عن سماره عفشه فى المنتدى قلت اجربه وفعلا الراجل امين ذى ما انت قلت ومحترم جدا بس موضوع الزوايا والترصيص الاجهزه بقالها مليون سنه اعتقد انه هيكون ممتاز لو هتغير حاجه او هتربط عفشه غير كدا مش محتاج تروحله واى مركز كويس ذى بردج استون مثلا هيكون افضل منه مليون مره


الشارع بتاعه مش مكسر لا لما كنت عنده كان الشارع فيه مايه كمان متخيل يعنى لازم تغسل العربيه كمان هههههههههههههههههههههههه