سؤال فى الكيا ريو 2013

[ahmed mohareb]

معايا كيا ريو 2013 وكيل الفئه التانيه عملت بيها6000 كم ملاحظ فيها على السرعات فوق 120 باسمع صوت صفاره من ناحية الجنب اليمين مش عارف دا عفشه ولا ايه عايز رائيكم وخبراتكم

[ابو ليلى]

عندى احتمالات بس مش عاوز افتى
بدل وكيل يبقى من الاحسن تروح مركز الصيانة وليك صيانة مجانية على 5000 ك

[mostafaenany]

عندى نفس الصوت بس فى الشمال وروحت التوكيل مرتين وجربوا العربية وقالوا مش سامعين حاجة و العربية زى الفل
بس هروح تانى ان شاء الله لما افضى وهديهم فوق دماغهم

[ah-elgendy]

اخبار استهلاك البنزين معاك ايه ؟

[ahmed mohareb]

بالنسبه لصيانة ال5000 بتبدأ بعد اول 10000 دا من سؤال التوكيل نفسه

[ahmed mohareb]

ا.مصطفى بتسمع الاصوات دى من بعد كام كيلو وبتسمعها على سرعة ايه
وقولى ناوى تعمل ايه فى التوكيل
وشكرا

[ahmed mohareb]

استهلاك البنزين 10لتر لكل 100كم متوسط
انا شايف انه كتير
واغلبه على الطرق السريعه

[mostafaenany]

ا.مصطفى بتسمع الاصوات دى من بعد كام كيلو وبتسمعها على سرعة ايه
وقولى ناوى تعمل ايه فى التوكيل
وشكرا

الصوت ظهر قبل ال ١٠٠٠٠ بشوية روحت التوكيل اول مرة وخرجت زى ماهى وقعدت من ٩:٣٠ ل ٢ وكان عندى شغل فا مشيت كلمتهم وقولت العربية زى ما هى و شوطت فى اللى بيكلمنى نظرا للهدوء المستفذ
المهم روحت تانى قعدت من ٨:٣٠ ل ٢ والعربية بصوا عليها بعد خناقة وفى ٢ طلعوا جربوا بعد ما العربية اتركنت طول اليوم خرجت اجرب زى ما هى رجعت اتخانقت مع المهندس اللى استلم العربية خرج معايا واحد يجرب قالى انا مش سامع حاجة وللاسف كان عندى شغل ومعرفتش اتأخر واصلا الساعة كانت ٤ بس انا ناوى اروح تانى وتالت لحد ما تتصلح ويبطلوا برود الاعصاب دة..

[ah-elgendy]

استهلاك البنزين 10لتر لكل 100كم متوسط
انا شايف انه كتير
واغلبه على الطرق السريعه

هى ليه الريو كده مع انها 1400 سى سى استهلاك عالى وديه غير اكتر حاجه كرهتنى فى العربيه انها من قدام اكبر فى العرض من الخلف مخالى شكلها غير متناسك ده بالنسبه ليا غير السيراتو خااالص

[Ahmad Samir]

معايا كيا ريو 2013 وكيل الفئه التانيه عملت بيها6000 كم ملاحظ فيها على السرعات فوق 120 باسمع صوت صفاره من ناحية الجنب اليمين مش عارف دا عفشه ولا ايه عايز رائيكم وخبراتكم

عندي نفس الصوت ورحت توكيلين , ابو رواش و السبع محدش عرف حاجه وقلبت النت ملقيتش غير ناس أجانب عايزه تعرف ايه ده ومحدش رد عليهم, انا الصوت مجنني وعاملي قلق وبيروح لو شغلت التكييف بس فى ناس بتقول مش بيروح مع التكييف زي عندي, وفي واحد أجنبي على النت كاتب انه غير سير وطرمبه ميه وكذا حاجه تانيه والصوت لسه موجود!!

شوف الفيديوهات دي , ده نفس اللي عندي بالزبط , انا كنت مسجله صوت على الموبايل بس مش لاقي وقت احطه على النت

2012 KIA Rio: Belt Noise? Bearing Noise?? - YouTube

2012 Kia Rio: Noise (after belt replacement) - YouTube

[moe gawad]

روح قبل التوكيل مركز صيانه بره خليه يكشفلك عليها بس. و ماتعملش شغل عنده علشان الضمان. اعرف الصوت بس حاى منين علشان تعرف تتكلم معاهم صح فاهمنى