مقارنة مبسطة للنيو سيراتو الخليجى فى مصر - اسعار ومواصفات

[said.d.y]

السلام عليكم ورحمة الله وبركاتة،،،،،

الحكاية انى فى رحلة البحث عن سيارة جديدة ، ركزت فى السيراتو الشيب الجديد ، وفضلت حوالى شهر تقريباً اسأل واستفسر واتفرج على العربية وازور المعارض ال بتبعها ، سواء الوكيل او الخليجى ، لغاية مالحمد لله ربنا وفقنى اخيراً لل فية الخير.

وعلشان التوهان والحيرة ،العشتهم طوال الشهر الكنت بدور فية على السيراتو ، وال اعتقد ان كتير غيرى اتعرضوا ليها، حبيت اعرض اهم ال أتوصلت لية خلال رحلة البحث (على قدر معرفتى وا رجو التصحيح لو حد عندة معلومة اصح او افضل).

وهتكلم هنا عن السيراتو الخليجى لان هى دى المشكلة ، لاكن الوكيل مواصفاتة واسعارة محددة ومنشورة على موقع الشركة على الانترنيت.

اولاً: فية سيراتو خليجى (السعودى) ويقال ان اهم ما يميزها التكييف اقوى والدهان والمكونات البلاستيك بتكون اجود ، وبتكون غير مصفحة تحت الموتور ، وبيكون فيها عزل الكابينة افضل ، ودى علشان يتناسب مع طبيعة الجو الحار فى السعودية.

ودى تقدر تعرفها من الملصق العند القايم الجنب باب السواق، بيكون مكتوب علية مطابقة لمواصفات المملكة العربية السعودية /المواصفات الخليجى – وكمان بيكون راكب فى شنطتها طفاية حريق جهة الشمال.

ثانياً/ فية سيراتو شرق اوسط (اردنى) واعتقد ان بيدخل معاها الكويتى والاماراتى، ويقال ان دى بيتكون قريبة من مواصفات البتنزل مصر.

فئات الخليجى كتير جداً جداً جداً ، ودى غير الفئات الخاصة بالسيراتو المستوردة عن طريق الوكيل(تقريباً الموجود فى السوق ومن خلال سؤال المعارض حوالى 12 فئة).

لاكن نقدر نلخص أهم الفئات الاتوماتيك (سواء كانت خليجى او شرق اوسط) فى الاتى:

ملحوظة :

- الكماليات استراشادية لان بعض الكماليات بتقل او بتزيد حسب مصدر السيارة ، بس موش يتزيد عن المكتوب غالبا.

- الاسعار برضة استراشدية، يعنى انا هكتب الرنج، وفى الغالب موش هيزيد او هيقل عن 1000: 2000 جم بالكتير لو فى حاجة مضافة فى العربية.

- فى بعض الفئات بيكون فيها بواقى موديلات 2013 وبتنزل فى السعر حوالى 4000: 5000جم (فرق موديل).

- فى بعض التجهيزات اساسية فى الوكيل زى (الامبوليزر أو مانع ادارة المحرك/ الفوجات الامامية/طفاية سجاير متحركة)

الفئة الاولى :

جنط 15 حديد وفى بعض المعارض بتركب جنط اسبور 15(موش اصلى)/سى دى تاتش وفيها كاميرا خلفية (موش اصلى صينى راكب فى مصر)/اكر ومرايات غير مطلية/اير باج واحد/مفتاح عادى موش ريموت/ حساسات خلفية (موش اصلية راكبة فى العربية).

اهم الحاجات الناقصة فى الفئة دى: الفوجات/الجنط 16/ فراملaps)/الطارة المالتى/مخرج كهرباء 12 فولت وغطاء لدرج الكنصول (الفيةusb / aux)

سعرها من 139 :142 الف جم.

يعادل تلك الفئة فى الوكيل مع فرق بعض التجهيزات (lx at - ex ) ودول سعرهم 150 و 152 الف جم .

الفئة الثانية : (تسمى فى السوق الهاى لاين)

جنط 16 اسبور اصلى/فوجات/ ايرباج/طارة مالتى/ بلوتوث أو مثبت /كبوت مبطن/مفتاح ريموت/كرسى السائق هيدروليك/ داليات/نور استوب خلفى/ نور قراءة و مكان لحفظ النظارة/ فراملaps.

سعرها من 145 : 149 الف جم . (حسب الكماليات ولاحظ ان المواصفة/الكماليات البتكون موجودة فى عربية ومبتكنش موجودة فى عربية تانية – فى الغالب بيكون مكانها مواصفة اخرى)، يعنى ممكن تلاقى عربية فيها بلوتوث وعربية تانية مفهاش بلوتوث بس فيها مثبت.

يعادل تلك الفئة فى التوكيل (ex fo ) ودى سعرها 162 الف جم- ولكنها بتزيد كشكل اساسى (اشارات بالمرايات ومرايات ضم/مخداع خلفية ومسند يد خلفى بحامل اكواب /تكيف خلفى/فراملaps)

الفئة الثالثة :

ودى بتكون نفس مواصفات الفئة الثانية وبتزيد فتحة سقف.

سعرها من 155: 158 الف جم.

بالنسبة للوكيل فاول فئة بفتحة سقف سعرها 179 الف جم.

الفئة الرابعة: ( تسمى توب هاى لاين)

ودى بتزيد عن الفئة الثالثة جنط17/ليدات امامى وخلفى/سنسور امامى وخلفى/نواكل/ تكييف اتوماتيك تاتش/طارة مالتى كاملة(تحكم فى سى دى وبلوتوث و مثبت وكمبيوتر رحلات) شيفتات فى الطارة/ سبويلر خلفى.

(تقريباً بتكون زى الوكيل الهاى لاين بدون بصمة)

سعرها من 165 : 170 الف جم.

يعادل تلك الفئة فى الوكيلsrfxs - xs)وبتزيد الsxsrfبصمة وفتحة سقف، ودول سعرهم 169 و179 الف جم.

موضوع الضمان:

يتم شرائة من شركة اسمها تربيل اية(معرفش فى غيرها ولا لأ)وبيكون لمدة 1 :3 سنوات، ودى بيغطى عيوب الصناعة وبيكون متعاقد مع مراكز خدمة معتمدة (زى السبع فى المعادى)، وطبعاً ممكن تعمل الصيانة عادى فى مراكز كيا الرئيسية او المعتمدة ، لاكن لو فى مشكلة فى عيوب الصناعة او تغير قطعة غيار، دى بيكون عن طريق مراكز الخدمة المتعاقدة مع شركة الضمان (تربيل اية).

وسعر الضمان بيكون كالاتى:

1400/ لمدة سنة

1800/لمدة سنتين

2400/لمدة ثلاث سنوات

وفى النهاية اتمنى اكون ساهمت ولو بقدر بسيط فى مساعدة الناس البتفكر فى الخليجى، وياريت يا جماعة لو حد عندة اضافة او توضيح او تصحيح يقول علية، بحيث يكون الموضوع محدث اول باول، ويارب يكون فية افادة، واشكركم.

[saint2011]

بصراحة موضوع ممتاز تسلم أيديك وربنا يكرمك

[shifoo68]

شكرا لتوضيح حضرتك والمعلومات مفيدة جدا لانى فى نفس الحيرة دى والسيراتو بردة والخليجى بينى وبينك مشكلة لقيت فئاتتتت كتيرة جدا ولازم تقعد تزاكر انا اتفرجت على التوب لاين خليجى عند سمير ريان قاللى ساعتها 184000 ومندوب تانى قاللى فيها كلة وعند الوكيل ب 191000 وشوفت واحدة تانية قبل التوب لاين من غير بصمة ب165000 وعند الوكيل حاليا ب179000 ودى فى رائى الفئة الرابحة ,,,السوال بقى فرق السعرررر دة لية ,,,,عربية متصدرها مرتين ويوجد فرق سعر رهيب لية برضة,,,, تدفع مبلغ زى دة فى الايام السوداء اللى احنا فيها مع بلد ظروفها واحوالها وشوارعها زى الفل بصراحة وماتاخدش ضمان صريححح وحط تحت كلمة صريح كزا خط وتوكيل عالى جدا فى خدمتة

وووو

[Dr . Mohamed]

ايه حكاية سيراتو sx وكيل دى اللى ب169000
أنا اتصلت بيهم قالو ملهاش وجود أصلا الفئة دى بس فى ناس بيقولو اشتروها

[mahmoud_ali]

مجهود رائع

[محمد بدر]

تسلم إيدك يا كبير
تقرير أكثر من رائع وأكيد هيفيد ناس كثير

[Dr.M_baz]

تقرير مفيد جدا و ممتاز .... ربنا يكرمك.

[M_Marwan]

مجهود كبير الف شكر

[said.d.y]

ايه حكاية سيراتو sx وكيل دى اللى ب169000
أنا اتصلت بيهم قالو ملهاش وجود أصلا الفئة دى بس فى ناس بيقولو اشتروها

ياباشا الفئة دى موجودة ، لاكن موش متوفرة عند الوكيل حالياً وبالحجز والاستلام خلال شهر، لاكنها موجودة عند الموزعين زى بى اوتو والمتحدة. استلام فورى وبنفس السعر.

[Dr_Moustafa]

تقرير ممتاز ومهم جدا

شكرا

[said.d.y]

[QUOTE=shifoo68;3875427474]شكرا لتوضيح حضرتك والمعلومات مفيدة جدا لانى فى نفس الحيرة دى والسيراتو بردة والخليجى بينى وبينك مشكلة لقيت فئاتتتت كتيرة جدا ولازم تقعد تزاكر انا اتفرجت على التوب لاين خليجى عند سمير ريان قاللى ساعتها 184000 ومندوب تانى قاللى فيها كلة وعند الوكيل ب 191000 وشوفت واحدة تانية قبل التوب لاين من غير بصمة ب165000 وعند الوكيل حاليا ب179000 ودى فى رائى الفئة الرابحة ,,,السوال بقى فرق السعرررر دة لية ,,,,عربية متصدرها مرتين ويوجد فرق سعر رهيب لية برضة,,,, تدفع مبلغ زى دة فى الايام السوداء اللى احنا فيها مع بلد ظروفها واحوالها وشوارعها زى الفل بصراحة وماتاخدش ضمان صريححح وحط تحت كلمة صريح كزا خط وتوكيل عالى جدا فى خدمتة

فرق السعر يا باشا بيكون لمصاريف الضمان والصيانة البيحملها الوكيل على السيارة، ودى ممكن تعرفها حضرتك من الفاتورة التفصيلية البتستلمها مع السيارة، يعنى مثلاً فاتورة الهيونداى ix35 المستلمها من غبور سعر العربية فيها 205 الف جم منها ضمان 16.3الف جم وضريبة ضمان1.7الف جم.
غير المغالاة فى هامش الربح عند الوكيل ، وممكن تكتشف الحكاية دى من الخصومات البيعملها الوكلاء على السيارات من فترة لاخرى (واكيد موش بالخسارة) يعنى وكيل كيا لما ينزل سعر الكارينز 18 الف جم ، وسعر السيراتو 6 الاف جم، ودى موش تصفية موديلات تقدر تقول دى لية؟
بالنسبة لضمان الخليجى ، انا سألت 2 اصحابى كانوا شاريين سيراتو الشيب القديم خليجى من سمير ريان واشتروا ضمان تربيل اية، وفيهم واحد العربية عندة احتاجت تغير طربة بنزين وحاجة تانية موش فاكرها وسعرها فى حدود 4.5الف جم، وراح عند مركز الخدمة التابع للضمان، وغيروها من غير ما يدفع ولا مليم.
وعاوز اقول لحضرتك ان الخليجى كمان مغالى فى هامش ربحة، فالسيارة الشاريها ب 143الف جم، لما احتاج واحد صاحبى يشترها عن طريق بنك واحتاج الفاتورة، الشركة طلعتلة فاتورة ب122 الف جم فقط، وقالت لة ان دة سعر السيارة المسجل عندهم ومينفعش يطلعوا الفاتورة بازيد منة.
يا باشا انت مفحوت مفحوت ، فلو تقدر توفر فلوس يكون افضل،،،،،

ومن ناحية تانية وبعد ما تابعت سوق المستعمل شوية، لاحظت ان الفئات الهاى لاين بيستفيد بيها الشارية فقط، لاكن عند اعادة البيع بتخسر كتير (فرق السعر عن الفئة العادية).

[said.d.y]

شكرا لتوضيح حضرتك والمعلومات مفيدة جدا لانى فى نفس الحيرة دى والسيراتو بردة والخليجى بينى وبينك مشكلة لقيت فئاتتتت كتيرة جدا ولازم تقعد تزاكر انا اتفرجت على التوب لاين خليجى عند سمير ريان قاللى ساعتها 184000 ومندوب تانى قاللى فيها كلة وعند الوكيل ب 191000 وشوفت واحدة تانية قبل التوب لاين من غير بصمة ب165000 وعند الوكيل حاليا ب179000 ودى فى رائى الفئة الرابحة ,,,السوال بقى فرق السعرررر دة لية ,,,,عربية متصدرها مرتين ويوجد فرق سعر رهيب لية برضة,,,, تدفع مبلغ زى دة فى الايام السوداء اللى احنا فيها مع بلد ظروفها واحوالها وشوارعها زى الفل بصراحة وماتاخدش ضمان صريححح وحط تحت كلمة صريح كزا خط وتوكيل عالى جدا فى خدمتة

وووو

فرق السعر يا باشا بيكون لمصاريف الضمان والصيانة البيحملها الوكيل على السيارة، ودى ممكن تعرفها حضرتك من الفاتورة التفصيلية البتستلمها مع السيارة، يعنى مثلاً فاتورة الهيونداى ix35 المستلمها من غبور سعر العربية فيها 205 الف جم منها ضمان 16.3الف جم وضريبة ضمان1.7الف جم.
غير المغالاة فى هامش الربح عند الوكيل ، وممكن تكتشف الحكاية دى من الخصومات البيعملها الوكلاء على السيارات من فترة لاخرى (واكيد موش بالخسارة) يعنى وكيل كيا لما ينزل سعر الكارينز 18 الف جم ، وسعر السيراتو 6 الاف جم، ودى موش تصفية موديلات تقدر تقول دى لية؟
بالنسبة لضمان الخليجى ، انا سألت 2 اصحابى كانوا شاريين سيراتو الشيب القديم خليجى من سمير ريان واشتروا ضمان تربيل اية، وفيهم واحد العربية عندة احتاجت تغير طربة بنزين وحاجة تانية موش فاكرها وسعرها فى حدود 4.5الف جم، وراح عند مركز الخدمة التابع للضمان، وغيروها من غير ما يدفع ولا مليم.
وعاوز اقول لحضرتك ان الخليجى كمان مغالى فى هامش ربحة، فالسيارة الشاريها ب 143الف جم، لما احتاج واحد صاحبى يشترها عن طريق بنك واحتاج الفاتورة، الشركة طلعتلة فاتورة ب122 الف جم فقط، وقالت لة ان دة سعر السيارة المسجل عندهم ومينفعش يطلعوا الفاتورة بازيد منة.
يا باشا انت مفحوت مفحوت ، فلو تقدر توفر فلوس يكون افضل،،،،،

ومن ناحية تانية وبعد ما تابعت سوق المستعمل شوية، لاحظت ان الفئات الهاى لاين بيستفيد بيها الشارية فقط، لاكن عند اعادة البيع بتخسر كتير (فرق السعر عن الفئة العادية).

[shifoo68]

فرق السعر يا باشا بيكون لمصاريف الضمان والصيانة البيحملها الوكيل على السيارة، ودى ممكن تعرفها حضرتك من الفاتورة التفصيلية البتستلمها مع السيارة، يعنى مثلاً فاتورة الهيونداى ix35 المستلمها من غبور سعر العربية فيها 205 الف جم منها ضمان 16.3الف جم وضريبة ضمان1.7الف جم.
غير المغالاة فى هامش الربح عند الوكيل ، وممكن تكتشف الحكاية دى من الخصومات البيعملها الوكلاء على السيارات من فترة لاخرى (واكيد موش بالخسارة) يعنى وكيل كيا لما ينزل سعر الكارينز 18 الف جم ، وسعر السيراتو 6 الاف جم، ودى موش تصفية موديلات تقدر تقول دى لية؟
بالنسبة لضمان الخليجى ، انا سألت 2 اصحابى كانوا شاريين سيراتو الشيب القديم خليجى من سمير ريان واشتروا ضمان تربيل اية، وفيهم واحد العربية عندة احتاجت تغير طربة بنزين وحاجة تانية موش فاكرها وسعرها فى حدود 4.5الف جم، وراح عند مركز الخدمة التابع للضمان، وغيروها من غير ما يدفع ولا مليم.
وعاوز اقول لحضرتك ان الخليجى كمان مغالى فى هامش ربحة، فالسيارة الشاريها ب 143الف جم، لما احتاج واحد صاحبى يشترها عن طريق بنك واحتاج الفاتورة، الشركة طلعتلة فاتورة ب122 الف جم فقط، وقالت لة ان دة سعر السيارة المسجل عندهم ومينفعش يطلعوا الفاتورة بازيد منة.
يا باشا انت مفحوت مفحوت ، فلو تقدر توفر فلوس يكون افضل،،،،،

ومن ناحية تانية وبعد ما تابعت سوق المستعمل شوية، لاحظت ان الفئات الهاى لاين بيستفيد بيها الشارية فقط، لاكن عند اعادة البيع بتخسر كتير (فرق السعر عن الفئة العادية).

شكرا لتوضيح حضرتك ويبقى كدة االبلد دى نصب فى نصب والخليجى يكسب طالما زى ما بتقول الضمان مع aaa محترم وانا لاحظت بردة فى موضوع المستعمل ولقيت اعلى فئة وكيل اللى هيا 192000 دلوقتى واحد عايز يبعها من فمة هو طالب 170000 وعاملة 7000 كليو فقط وموديل 2014 وعربية تانية برضة بس خفت وترددت وكمان مشوارة بعيد فى الرحاب ومعنديش عربية اوصل اشوفها وبينى وبينك الزيرو نكهة تانية خالص بس الواحد يستقر على حاجة لان الاسعار كلها لازقة فى بعض سواء يابانى او كورى اواوروبى

[ابو ليلى]

الف مبروك على العربية وشكرا على الموضوع الجميل وجزاك الله خيرا لافادة الاعضاء من زمان وانا بقول صعب جدا نعمل مقارنة فئات الخليجى والوكيل ..
الخليجى فى فئات كتير جدا وتملى بنصح للمقبلين على الشراء خليجى انه يحط المواصفات اللى عاوزها فى العربية ويروح يسال عليها اى كانت بلد المنشا ....
من زمان شائع جدا ان الخليجى السعودى انضف عربية وكانت على طول فيها زيادة الف واتنين ولكن بعد البحث وجد ان دول مجلس التعاون الخليجى بتشترط مواصفات معينة فى العربية علشان تدخل عندها ( ودى اللى بنحاول نعملها فى مصر )
واللى ينطبق عليه خليجى وبيكون نفس المواصفات الدول الاتية :
السعودية - الامارات - البحرين - قطر - عمان - الكويت ...
معنى كده ان دول بيطبقو المواصفات القياسية زى بعض ...
نيجى لنقطة ان البوية افضل او التكيف اشد بعد بحث طويل هنا فى المنتدى مع الاعضاء لم يثبت علميا صحة المعلومة دى..
كله واحد وكله راجع للمواصفات القياسية فى الاساس .
اما دول شرق اوسط ودى اقل فى المواصفات القياسية زى الاردن والعراق اليمن سوريا ...الخ
علشان كده تلاقى اعلى مواصفات وكماليات وسعر اقل اللى جى من شرق الاوسط ...
مرة زمان لقينا عربية بتاعة عضو جاب ال vin بتاعها من عند المعرض وبيقوله دى شرق اوسط بعد البحث عليها لقينها متصدرة لاثيوبيا ...اه والله
عربيتى انا شخصيا مكتوب على القايم انها وفقا للموصفات السعودية وبعد البحث اتضح انها متصدرة لعمان
فى النهاية الف مبروك مرة تانية بس انت مقلتش جبت ايه ؟

[shifoo68]

الف مبروك على العربية وشكرا على الموضوع الجميل وجزاك الله خيرا لافادة الاعضاء
من زمان وانا بقول صعب جدا نعمل مقارنة فئات الخليجى والوكيل ..الخليجى فى فئات كتير جدا
وتملى بنصح للمقبلين على الشراء خليجى انه يحط المواصفات اللى عاوزها فى العربية ويروح يسال
عليها اى كانت بلد المنشا .... من زمان شائع جدا ان الخليجى السعودى انضف عربية وكانت على طول فيها زيادة الف واتنين ولكن بعد البحث وجد ان دول مجلس التعاون الخليجى بتشترط مواصفات معينة فى العربية علشان تدخل عندها ( ودى اللى بنحاول نعملها فى مصر )
واللى ينطبق عليه خليجى وبيكون نفس المواصفات الدول الاتية :
السعودية - الامارات - البحرين - قطر - عمان - الكويت ...
معنى كده ان دول بيطبقو المواصفات القياسية زى بعض ...
نيجى لنقطة ان البوية افضل او التكيف اشد بعد بحث طويل هنا فى المنتدى مع الاعضاء لم يثبت علميا صحة المعلومة دى.. كله واحد وكله راجع للمواصفات القياسية فى الاساس .
اما دول شرق اوسط ودى اقل فى المواصفات القياسية زى الاردن والعراق اليمن سوريا ...الخ
علشان كده تلاقى اعلى مواصفات وكماليات وسعر اقل اللى جى من شرق الاوسط ...
مرة زمان لقينا عربية بتاعة عضو جاب ال vin بتاعها من عند المعرض وبيقوله دى شرق اوسط بعد البحث عليها لقينها متصدرة لاثيوبيا ...اه والله ...عربيتى انا شخصيا مكتوب على القايم انها
وفقا للموصفات السعودية وبعد البحث اتضح انها متصدرة لعمان
فى النهاية الف مبروك مرة تانية بس انت مقلتش جبت ايه ؟

هو كلام حضرتك صح بس رايك الواحد ياخدها من اصيلها ويجيب الوكيل ويريح دماغة وبلاش لف ودوران وبهدلة المعارض ووشراء ضمان لانى عند سمير ريان قاللى العربية كويتى بس المستورد حايبة من العراق ومكتوب على الورقى فى الباب الخلفى وكلامك كدة دى خليجى والعراق سرق اوسط طب اصدق ميننننننن.... اةةةة يا بلد