كيا ريو خليجي 2013

[Marwa Gamal]

انا يا جماعه اشتريت اول عربيه ليا كيا ريو خليجي جبتها من عادل جودة ف احمد عرابي و اول حاجه سالت عليها الامبوليزر عشان السرقه ف منطقتنا كتير قالي عيب موجودة دى هاي لاين وو و ووو وكلمتهم اتاكد ف التليفون تاني قالي يافندم موجود
واستلمت العربيه وفهمت من هنا ان فيه علامه معينه عشان اعرف فيها امبوليزر والا لا ومش لاقياها
كدةا ان اضحك عليا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟



وامن العربيه ازاي طيب

ومع العلم اني اول ماستلمتها النور الواطي مكنش شغاااال وقالولي فيما معناه ملنهاش فيه انتي استلمتيها خلاص وطلع ف الاخر اللمبتين محروقين
متغاظه جدا ان اضحك عليا

اعمل ايه .... في اي دليل تاني على وجود الامبوليزر

[Mohamed Mousta]

فى السيراتو بتكون فيه لمضه على شكل عربيه وفيها مفتاح بتنور برتقالى عند الدواره و بتتفى تانى, ممكن مع الدواره تبصى كدا لو موجوده تبقى العربيه فيها
لتأمين العربيه الحرامى عايز الحاجه السهله , ممكن تجيبى العصايه بتاعت الدواسه و الدركسيون و ممكن تغطى العربيه و ممكن كمان تغطى الرقم الى بيكون مكتوب تحت البرابريز القدام نحية السواق بيكون 17 رقم

[mshmshm3]

الريو كل فئاتها فيها ايموبلايزر
و عشان تتأكدي تماما ممكن تعملي نسخة عادية علي مفتاح عربيتك و تجربي
و كمان قفل الدركسيون كويس
وكان المفروض تجربي كل حاجة في العربية قبل الأستلام لو علي اللمبتين بسيطة

[Marwa Gamal]

بصيت مش لاقيه خالص العلامه دى .... مع اني جايباها مخصوص عشان الامبوليزر

[Dr_Moustafa]

معظم عربيات كيا الخليجى مفيهاش إيموبيليزر !!

[hugan]

مفتاح عموله ب10 جنيه
هايبان ان كان فيها من عدمه

[ah-elgendy]

قدر الله ماشاء فعل وهى كده مفيهاش امبليزر طالما مفيهاش لمبه العربيه اللى جوها مفتاح
بس انا رحت كذا معرض والواضح ان كل الناس عندها جهل بالتكنولوجيا واخرهم يبيعوا عربيات تكيف وزجاج كهرباء
اخرهم واحد فى معرض بقوله هى العربيه فيها abs قالى لأ بس انت هتستخدمه فى ايه ده مش بيشتغل غير لما تمشى فى ميه عاليه اوى فاتيجى ع الحساس فيشتغل ع طول انما فى مصر مفيش الكلام ده فاملوش لزومه انا سمعت منه كده وقولت ليه طب شكرا سلااااااااام

[Marwa Gamal]

مافعلا شكل الناس اما بتصدق تبيع ف تبيعلك الهوا

[المفتاح]

أنا شفت سيراتو خليجي 2014 كاملة في المصرية بحوالي 168 ألف فيها كل حاجه وفوانيس ليدات والخ والواد أكدلي إنها كاملة وفيها immobilizer لكن مالقتش فيها لمبة "العربية والمفتاح" دي، ربما الخليجي مابيبقاش فيه اللمبه دي.

أنا ماعرفش شكل مفتاح الريو لكن بشكل عام مفتاح العربية اللي فيها immobilizer بيكون جوّاه شريحة إليكترونية اللي بترسل الإشارة اللي فيها الكود علشان الموتور يتأكد إن ده مفتاحه الأصلي لو لقى الكود المبعوت له من المفتاح هو نفسه الكود اللي جواه، لذلك ممكن تقارن المفتاح بتاعك بمفتاح عربية ريو خليجي نفس الموديل مافهاش، وكمان وانت مثلا بتعمل صيانة الـ 1000 إعملها في مركز كبير وقل لهم يتأكدوا إن فيها

[aouelfotouh]

فى لصقه على الازجاج الى جنبك عليه علامة القفل لو موجده يبقه العربيه فيه امبليزر ودور عليه فى الكتلوج

[ibrahimsaad]

افضل شئ اعملى مفتاح ب 5 او 10 ج وجربى تفتحى العربيه وتشغلى المارش لو دارت يبقى مفيش

طيب لو مفيش انصحك تركبى شفره ضد السرقه زى الاوميبلايزر كده ويمكن افضل وانا زميل لى مركبه بياخد وقت 3 ساعات ويكون جاهز وتكلفته 250 ج بس

وهيديلك المفتاح ومعاه قطعه صغيره كده لما تيجى تركبى العربيه قبل ماتدورى لازم تحطى القطعه دى فى مكان ما بالعربيه هتعرفيه هيديك صوت معين كده بعدها تدورى العربيه فى خلال 30 ث لو مدورتيش الشفره تشتغل تانى اتوماتيك للحمايه لكن لو دورت خلاص تفضل متوقفه لغايه لما تشيلى المفتاح تشتغل تانى وهكذا

على فكره بكده الحرامى مايقدرش يسرق العربيه حتى لو كسر الكونتاكت ودور بسلكين

[berhed]

انا معايا العربية اول فئة خليجي و فيها ايموبلايزر, و كلام عن ثفة كل الكيا الريو من اقل فئ ل اعلي فئه فيها ايموبلايزر,, ة عشان تتأكدي اول ما هتحطي المفتاح و تفتحي الكونتاكت هتلاقي لمة نورت فيها عربية جواها مفتاح, و عشات تتأكدي اعملي نسخة علي المفتاح ب 10 جنيه و هتلاقي باب العربية اتفتح بس استحالة تدور

[Ahmed.Essam]

عربيتي لما بحط المفتاح فيها علامة العربية والمفتاح مش بتنور بس جبت الموبايل ونورت الكشاف وضربة في عداد التابلوه لقيت مكان لمبة الايموبلايزر موجود في فوق على العداد الشمال (rpm) جربي بالموبايل تشوفي العلامة موجودة لا لا
انا معرفش مش بتنور ليه بس هحاول اطلع مفتاح واجرب بنفسي

[Marwa Gamal]

انا معنديش اي علامات للامبوليزر ف العربيه للاسف الشديد بس هاجرب اطلع مفتاح واشوف ايه الي هايحصل

عندنا النترا ف البيت وكانت بتتسرق ومرضيتض تدور بسبب الامبوليزر عشان كدة دة كان اهم سبب اني اجيب العربيه دي معرفش انهم بيبيعو كلام ع الفاضي

[Marwa Gamal]

سؤال بقي اعمل فين نسخه للمفتاح عند اي حد بيعمل مفاتيح ....

وازاي اضمن انه ميعملش نسخه م المفتاح وازاي هوا يضمن اني مش سارقه العربيه مثلا