كيا ريو خليجى 2014 ولا نيسان نيو صنى2014 سوبر صالون

[mgaballah]

السلام عليكم ..
لو سمحت السادة الاعضاء الكرام انا كان عندى مشكلة محيرانى فى الاختيار بين كيا ريو خليجى 2014 ولا نيسان نيو صنى2014 سوبر صالون مع العلم انى هقسط ان شاء الله ياعنى الموضوع والله على اخر نفس فا مش مستحمل اى صدمات

اولا انا بحثت كثير الايام الى فاتت على نيسان صنى سوبر صالون وكنت خلاص هشترى اليومين الى فاتو بس وانا فى معرض القرش فى المرغنى لفت نظرى الكيا ريو بصراحه وهيا تقريبا فى نفس رنج السعر .

لو حد عنده خبره يجاوبنى على الاسئلة دى يبقى جزاه الله خير وعمل معايا واجب جامد

1- هل موضوع شراء كيا خليجى صح ولا غلط عشان موضوع ضمان الوكيل ..ياعنى انا فى معرض القرش قالى انوه عنده الهاى لاين كيا ريو 2014 خليجى ب 136000 و دى مش معاها ضمان وانى انا بعمل ضمان لمده 3 سنين ب 2500 وبيقى زى بتاع الوكيل بالظبط فهل الكلام ده صح ولا اشتغالة وايه الفرق بين الضمان ده وبين ضمان الوكيل مع العلم ان نفس العربيه عند الوكيل فى روكسى ب 148 الف.

2- هل الكيا ريو ليها مشاكل متعارف عليها ومقارنتها بالنيسان صنى انهوه الاحسن مع العلم ان اليسان صنى سوبر صالون من الوكيل ب 125 تقريبا .

شكرا وفى انتظار ردود حضراتكم الكريمة.

[prooo]

بلاش نيسان صني تماما ..... اللهم قد بلغت ...... ابعد عنها تماما ...... اما بالنسبة للريو الخليجي .... توكل على الله واشتري ضمان سنة واحدة بس ومتقلش مفيهاش عيوب غير ان استهلاكها عالي حبتين 10 لتر لكل 100 كيلو .... غير كده مفيهاش اي عيوب تماما .... بس برجاء التاكد انها هاي لاين وفيها اي بي اس واتنين ايرباج ... عشان النصب في الموضوع ده بقه كتير ....

[S O P H O S]

الريو افخم حاليا كرأي

[محمد غباره]

أبعد عن النيسان النيو صني كما قال الاخ الفاضل

[mirra]

كيا ريو افضل

[mhmdabdo]

بلش صني كامله انا شيفها اسوء من الفاضيه يعني ملتي من راديوشاك شكله احسن من الملتي بتاع الكامله وتقريبا عملي عنها الفاضيه حلوه بالنسبه للسعر لكن معنديش خبره عن هل هيا عربيه حلوه ولا
لكن انسي الصني الكامله مفهاش حاجه حتي التكييف شكله بلاستك البكر احسن
الكيا خليجي متفرقش عن الوكيل دا رايي بس استلم صح ولو فرضنا التيل او طرمه ميه او اي حاجه حتبقا بسيطه انشاء الله مش حوار ولا حتي تعمل ضمان ولو انت بتتكل عن ريو كاله 136 لا هات سيراتو فاضيه

[Mahmoud/Nabil]

فيها فتحت سقف ؟!

[mostafaelfayed]

توكل على الله و كيا ريو خليجي و ابعد عن النيو صني

[raedegypt]

اى مستورد كورى افضل من المصرى دة اكيد

[Ahmed.Essam]

بص يا باشا هو كل واحد هينحاز لعربيته غصب عنه وهيقولك احسن لانه بيبقى حاببها
فالاحسن تقارن بين الاتنين في المميزات والعيوب عشان تعرف تختار بناءا على قرارك ورغبة حضرتك انت

عيوب الريو
من ورا ضيقة شوية بس مش اوي
عفشة ناشفة شوية بس بتخف مع التليين والنتروجين في الاطارات
استهلاك بنزين اعتقد اعلى من النيسان

مميزات الريو
شكل جميل جدا
تسارع جيد
فخامة اكثر من النيسان واشيك
ثبات معقول جدا

وياريت تبص على تقييمات كل عربية فيهم عشان تعرف العيوب والمميزات بالتفصيل
لكن الريو بوجه عام عربية محترمة وجميلة جدا واعلى من الصنى كفئة

[kazamodia]

بالنسبة للصنى انا عارف عن العربية دي كويس لاني كنت بفكر اشتريها
اولا العربية استهلاكها في البنزين حلو جدا وواسعة اوي وفيها فتحات تكييف خلفية وعفشتها ناعمة
عيوبها صاجها ورق بمعنى الكلمة وسحبها مش اوي لكن كقيمة مقابل العربية فهي كويسة جدا