مشكله فى سيراتو 2010

[mohamed mahmoud]

السلام عليكم و رحمة الله و بركاته
الاخوة الاعزاء فى المنتدى
ارجوكم انا عندى مشكله فى كيا سيراتو 2010
اولا منذ اكثر من 3 شهور مفاتيح المالتى بتاعة الكاسيت فى الطاره قعدت تعلق و بعد كده فصلت خالص ؟؟؟
ثانيا منذ يومين الكلاكس بقى يعلق شوية و يشتغل شويه و بعد كده فصل خالص الكهربائى فك الطاره من تحت و فك الفيشه و رشها اسبراى ( بدون زيت ) اشتغل ساعه كده و بعد كده بقى يفصل برضه و لما الف الطاره يمين او شمال يشتغل و يرجع يفصل تانى على طول .

ارجوكم المساعده لانكم طبعا عارفين ان فى بلدنا الجميله مينفعش تمشى من غير كلاكس نهائيا

[ضى القمر]

متابع

[mohamed mahmoud]

برجاء الرد ممن لهم الخبره لان فعلا الموضوع هام جدااااااااااااااااا

[عبدالله برعى]

حضرتك حتعمل الاتى
1- تفك الدريكسيون بمفتاح نجمة على الجنب اليمين والشمال
2- تفك كل الاجزاء الموجودة وصولا الى الدايرة النحاسية اللى مقسومة نصين نص متحرك مع الدريكسيون ونص ثابت
3-هناك حلين ::: اما ان تغير الجزء دا او تفكها من جوة وتنضف مجرى النحاس
وشكرا

[mohamed mahmoud]

متشكر جداااااااا لرد حضرتك حعمل كده و ربنا يسهل و تشتغل لان الكهربائى بيقولى ده الشريط هو اللى بايظ و تمنه استيراد لن يقل عن 1000 جنيه

[moe gawad]

حضرتك لازم تسنفر النحاسات ديه. هى مجموعة شرائط نحاسيه تقريبا 4 او 5 شرائط . سنفرهم كويس واديهم سبراى
و انشاء الله هاتتحل