استفسار عاجل جدا للأستلام السيارة غدا

[ridars]

السلام عليكم و رحمة الله و بركاتة

اسف للأطالة بس دة اول سيارة اشتريها

اشتريت كيا سيراتو2013 الشكل القديم عاملة 9500 كيلو بس هو لقيتة مركب فى المدالية ريموت السيارة و ريموت انذار wolf قالى انة مركب انذار و مركب و حدة رفع و كاميرا راكبة فى منتصف الأكصدام الخلفى سألتة انت مركب الحاجات دة فى التوكيل قالى ايوة بس مش معايا الورق بتاع التركيب فا انا خايف يطلع مركبهم برة و اخسر ضمان العربية ياريت حد يقولى اعمل اية علشان اتأكد و اية الاوراق الى لازم استلمها منة و اية الحاجات الى اجربها قبل ما استلم

[amgomaa]

تروح تعمل تقرير عن العربيه فى التوكيل

Sent from my GT-S5282 using Forum Runner

[ridars]

طيب فية توكيل بشوفة عند طريق العين السخنة جنب معرض محمد زكى ينفع اروح هناك و ياريت تقولى اية الاوراق المهمة الى لازم استلمها منة

[Mohamed Mousta]

حضرتك لازم تستلم منه شهادة المخلفات الى هوا عملها و بتعمل عقد مسجل و تروح المرور بالورقتين دول و ترخص بأسمك أو تستلم منه شهادة المخلفات وتعمل توكيل و تمشى بالتوكيل (نصيحه أعمل عقد مسجل ورخصه بأسمك)
لو العربيه فيها توكيل (البايع بيبيع بتوكيل)حاول تروح المرور الى العربيه تابعه ليه وتعرف مين مالك العربيه من الزيرو لان السيراتو مسروق منها كتير (لازم يكون معاك رقم الشاسيه و رقم الموتور و رقم اللوحات ممكن تكتبهم فى ورقه وانتا رايح)

ممكن تسألو هوا مركب الحاجات دى فين وتروح التوكيل الى هوا ركب فيه تطلع بيان أو تكلمهم فى التليفون وتدلهم رقم اللوحات و هيقولولك

بالتوفيق أن شاء الله

[ridars]

شكرا على ردك انا فعلا كلمت التوكيل و اديتة رقم السيارة و هيرودوا عليا النهاردة و انشاء الله هسجل بكرة فى الشهر العقارى الى سوق السيارات

[محمد بدر]

أنا متأكد إن توكيل كيا مش ممكن يركب وحدة رفع

[Dr.M_baz]

التوكيل مبيركبش كاميرا خلفيه و ﻻ بيخرم في اﻷكصدام.

Sent from my GT-N7100 using Forum Runner

[raedegypt]

والله يا اخونا فى السعوديه نظام البيع والشراء للسيارات مضمون لكل الاطراف وياريت مصر تاخد التجربه دة ... لو انت عايز عربيه تتفق على السعر اتفقتوا بتروح انت والبايع لمعرض سيارات معتمد من المرور يعمل لك عقد بيع ابتدائى ويسحب رخصه السيارة والتامين وشهادة الفحص الدورى لو سارى مع صور الهويه للطرفين وياخد منكم زى 100 جنيه وياخد عندة الثمن المتفق عليه ويختم العقد ويسلمه للمشترى ويحجز السياره ومفاتيحها عندة لحين ما المشترى يخلص اجراءات نقل الملكيه بالمرور وياخد الرخصه باسمه .. وبعدها يراجع المعرض ويدفع 100% من المبلغ ويستلم السيارة ..والبائع يروح المعرض يستلم فلوسه وشكرآ

[ridars]

الحمد للة اشتريتها النهاردة و هو كان مركب الحاجات دة فى مركز السبع الى فى زاهراء المعادى و عملت عقد مسجل و العربية الحمد لله كويسة بس الغريب دلوقتى معايا فية ليدات جوة الفوجين الأمامين بينورو اول ما اشغل العربية ومش عا بيطفوا الأ لما اطفى العربية جربت كل الزراير مش عاوزين يطفوا مش عارف بقى دة نظام فى السوفت وير وممكن اعدلوة ولا فية طريقة بتطفية و انا مش عارف :) انا كلمت المعرض الى اشتريت منة العربية قالى مش عارفين بيطفى ازاى

[ridars]

و شكرا جدا يا شباب على المساعدة :)

[Dr.M_baz]

الليدات مش بتطفى دى حاجه اسمها day running light بتشتغل مع الموتور و بتطفي معاه لكن لو شغلت الفوجات او النور العالي بتطفي و لو طفيتهم تشتغل تاني.
انا بقالي سنه البلد كلها بتشاور لي الصبح عشان اطفيهم.

[ridars]

طب اية حل الموضوع دة و دلوقتى اليدات دة مش ممكن تتطفى الراديو مش عاوز يلقط اى محطة دة عيب كاسيت ولا الأريال

[احمد المصرى]

طب اية حل الموضوع دة و دلوقتى اليدات دة مش ممكن تتطفى الراديو مش عاوز يلقط اى محطة دة عيب كاسيت ولا الأريال

لو الاريال مش راكب مش هيجيب اى محطات خالص غالبا الكاسيت سليم

[Thebutcherr]

الليدات دى اوبشن جديد و نازل فى اغلب العربيات السنة دي زى الكورولا مثلا يعني حاجة حلوة مش وحشة

[ridars]

انا روحت توكيل السبع لأنة جنب بيتى و سألتة على مضوع اليدات قالى دة النظام الجديد نازل كدة فى كل العربيات ة سألتة على عيب الراديو جاب فنى قالى العربية عاوزة تدخل صيانة يكشفوا على الكاسيت بس حذرنى من انى اكون مركب واحدات رفع قولنلة لأ و بصراحة كدة هاروح اشيلة برة الأول بعد هروحلهم