أبيع عربيتي في السعودية ولا انزل ابيعها في مصر ؟؟؟

[msco]

السلام عليكم ورحمة الله وبركاته

محتاج النصيحة لو تكرمتم

معايا سيراتو 2011 ماشية 55 الف كيلو ..

احتمال انزل مصر نهائي قريب ..

فعايز ابيعها .. هنا لما سعرتها جابت 35 الف ريال ... يعنى حوالي 65 الف جنية مصري

طيب السؤال الوقتي . لو انا نزلت مصر وجمركتها .. وبعدين بعتها

اية سعرها في مصر واية الجمارك اللي هدفعها عليها ..

يعنى من الاخر احسنلي ابيعها هنا ولا انزل ابيعها في مصر ؟؟؟؟

[Mohamed Mousta]

الى معاك الفئه كام؟
وفبريكه ولا لا؟

http://www.contactcars.com/usedcars?mk=23&md=271

[msco]

معرفش الفئة كام .. بس لما اشتريتها كان الفرق بينها وبين الفول اوبشن ( فتحة السقف والبصمة )

جنوط 17 فيها سنسور وبلوتوث - 6 نقلات - فابريكا طبعا ولله الحمد

الحاجة الوحيدة اللي حصلت هي الزجاج كان حصل فيه شرخ .. وغيرته لنفس الزجاج الأصلي

وطبعا انا مالك اول ومسجلها في السفارة من اول سنة

هل بقى لو دفعت جمارك وبعتها هيطلع مبلغ اعلى من 65000 ريال اللي ممكن ابيعهم بيها هنا ؟؟

[mhmdabdo]

علي كلامك لا مش حتجيب بس سعرها هناك اصلا حلو جدا وتقريبا نصبها كدا يعني هيا جبتلك ما يعادل 65 الف مصري يبقا كوبس جدا لان نقل العربيه 5 الاف جنيه كدا يبقي 70 الف جنيه الجبرك لو 40 الف يبقا انت عاوز 110 ودا صعب هنا الا لو ربنا يسر الحال يعني هيا هيا
لان هنا في تجار كتير بتلعب في العداد والزبون بيشتري علي انها تمام ب 90 فبيتربط سعر العربيه في دماغ الناس علي كدا
عامتا ان ابن عمي بيدور علي وحده ولقاها ب 90 الف بس ملعوب في العداد لو الجمرك اقل من اربعين الف ممكن يخدها منك لكن نظريا بعها هناك وريح دماغك من قرف الترخيص هنا والجمرك والنقل الا لو حتستخدمها هنا لكن لو كسرو معاك هناك لان التنفيذ غير التسعير يبقا هتها

[msco]

الف شكر ياباشا متحرمش منك

[shiko85]

بعها هناك وريح دماغك من قرف الترخيص هنا والجمرك والنقل

+1111111111

[J A G U A R]

بيعها هناك

[amrelsaqqa]

بيعها هناك طبعا والسعر اللى هى جايباه ده كويس ما شاء الله ده كانت زيرو اصلا بـ 37 وقتها ( معرفش نفس الفئة بتاعتك ولا لا ، بالمناسبة حضرتك كنت جايبها بكام ؟ )
الظاهر الاسعار عليت هناك وثقافة ان العربية تطلع من المعرض خسرت من تمنها 10 الاف ما بقتش موجودة والحاجة بقت تمسك سعر زي هنا

[Hazem Osman]

رأى اتوكل على الله وبيعها في السعودية أحسن كتير ....عن تجربة فى الشحن والجمارك وفرق السعر.......وربنا يبارلكك