Spy- 2 way ولا فيه كلام تاني ؟؟

[Karim_El_Wa7sh]

رجالة كيا المحترمين... السلام عليكم..

سؤال مكرر أكيد بس اخوكم لسة جديد عالسيراتو ومحتاج نصايحكم..

ربنا كرمني الحمدلله وجبت سيراتو 2012 الفئة التالتة.. العربية وكيل.. ومافيهاش أي انذار والحمدلله..

وطبعا في ظل الظروف التي تمر بيها البلاد.. لابد من تركيب أحسن أنواع الانذار وأكترها فاعلية واعتمادية والباقي على الله ... ومن هنا جاي أسألكم.. واخد ماشورتكم..

لما سألت.. كذا حد قال لي على spy two way اللي بريموت وشاشة !!!

بس ماخاب من استشار .. هو ده فعلا أحسن حاجة عملية للسيرأتو ولا في حاجة جديدة نزلت ؟؟؟

طبعا مخبيش عليكم.. معيش أدفع الألف ونص بتوع جهاز التتبع بتاع موبينيل واتصالات ..

بس ده مش معناه إني مش مهتم أجيب أحسن وأفضل حاجة يقدرني عليها ربنا دلوقتي...

مستني ردكم المستفيض وألف ألف شكر مقدما...

[prooo]

متابع

[eng.mostafa323]

انا عندى الجهاز ده وببيعه
وفعلا جهاز محترم

http://www.nilemotors.net/Nile/393998-spy-5000m.html#post3875323141

[afrikano]

ممكن اعرف ايه وظيفته الجهاز دة ؟

وربنا يوفقك ان شاء الله

[alizowail]

والله يا باشا فيه نوع جديد اسمه الكارت المشفر.. شغال بقاله فترة و فعاليته مضمونة طبعا بعد ستر ربنا انما اهو كلنا بنحاول.. ممكن تسأل عليه عند ادريان او السجان او مالتى سيس.. كل دول موجودين فى اكتر من مكان.. ومصنعيتهم كويسة... ده ميمنعش ان السباى تو واى.. برضه جهاز مضمون.. بس ينقصه فصل الموتور اللى موجود فى الكارت المشفر...

[windofchange]

والله يا باشا فيه نوع جديد اسمه الكارت المشفر.. شغال بقاله فترة و فعاليته مضمونة طبعا بعد ستر ربنا انما اهو كلنا بنحاول.. ممكن تسأل عليه عند ادريان او السجان او مالتى سيس.. كل دول موجودين فى اكتر من مكان.. ومصنعيتهم كويسة... ده ميمنعش ان السباى تو واى.. برضه جهاز مضمون.. بس ينقصه فصل الموتور اللى موجود فى الكارت المشفر...

ايه هو الكارت المشفر ومواصفاته ايه

[MMMERO]

جهاز رائع ومحترم عن تجربة 4 سنوات

[Dr_Moustafa]

ايه هو الكارت المشفر ومواصفاته ايه

+1

[eng.mostafa323]

ممكن اعرف ايه وظيفته الجهاز دة ؟

وربنا يوفقك ان شاء الله

هو الجهاز امكانياته كتيير
هقولك الخلاصه فيه
اولا فيه الريموت فى شاشه لو العربيه بتدى انذار الريموت بينور ويدى صوت وكمان اهتزاز
المدى بتاع الانذار كبير مش زى اى انذار
امكانية فتح الشنطة من الريموت
اول ما تركب العربيه وتمشى شوية مع اول دوسة فرامل السنتر يقفل اتوماتيك
اول ما توقف العربيه وتبطل العربيه السنتر يفتح اتوماتيك
لو اى باب معلق او مفتوح وابتديت تمشى بالعربيه الانذار بينبهك
لو بطلت العربيه ونسيت تقفل العربيه بردو بينبهك وفى الريموت كمان وبيقفلها اتوماتيك بعد 60 ثانيه
ولو بطلت العربيه ونسيت باب مفتوح نفس الكلام بينبهك
ده غير انه انذار نضيف ومش بيعلق زى باقى الانذارات
وكان فى تقرير هنا فى نايل موتورز
هحاول ادور عليه واحط اللينك
ولو كده كلمنى فى التليفون لو عايز تسال على اى حاجه


http://www.nilemotors.net/Nile/269470-spy-2-way-5000m.html

[Dr_Moustafa]

والله يا باشا فيه نوع جديد اسمه الكارت المشفر.. شغال بقاله فترة و فعاليته مضمونة طبعا بعد ستر ربنا انما اهو كلنا بنحاول.. ممكن تسأل عليه عند ادريان او السجان او مالتى سيس.. كل دول موجودين فى اكتر من مكان.. ومصنعيتهم كويسة... ده ميمنعش ان السباى تو واى.. برضه جهاز مضمون.. بس ينقصه فصل الموتور اللى موجود فى الكارت المشفر...

ايه هو الكارت المشفر ومواصفاته ايه

[Karim_El_Wa7sh]

واللهِ يا رجالة لما سألت عن الكارت المشفر . لقيته عبارة عن جهاز انذار بريموت, بس يزيد عليه وجود كارت ذكي زي كارت الفيزا ومشفر عليه بصمة منغيرها المحرك ميشتغلش ... ودي أهم ميزة فيه طبعا.. بس محتاج أسمع أراء من حد مجربه.. يا ريت لو حد يفيدنا...

[S O P H O S]

ياريت تفاصيل اكتر عن الكارت المشفر ده