اللى اشترى بيكانتو قسط

[youssefmustang]

بسم الله الرحمن الرحيم
كنت عايز اعرف من اللى اشترى بيكانتو قسط من التوكيل او موزع معتمد ياريت يقولى:
اى نظام موافقة البنك هل بتطول ولا ايه
نظام الاستلام بيطول بردو ولا ايه

فى الحقيقة انا بوجه الاسئلة للناس اللى اشترت قسط بس
ياريت اى حد تانى لو مايعرفش ما يردش

[youssefmustang]

ايه البلد بقت تشترى كاش ولا ايه

[ecybrarian]

ما انت قلت إللي لم يشتر ما يردش :-) انا ما شترتش بس عندي الرد..ينفع
بص يا سيدي
بالنسبة للعربية ‘للي ب 61000. مقدم 15250 وقسط شهري 1037 على 60 شهر تبع بنك بريوس..موافقة البنك في يومين عمل لو ورقك سليم ومافيش عندك مشاكل* والتسليم فور موافقة البنك إلا إذا اللون المطلوب مش موجود

المعلومات دي من عند معرض سيارات محمد زكي فرع القطامية من 4 ايام بالظبط.

* اقصد مشاكل مثل انك تكون متسجل في البنك المركزي بسبب اقساط أخرى أوبطاقات ائتمان كبيرة بما يزيد عن 40% من دخلك

[hanyelsawaff]

شوف عتد شركة عربيات فى المهندسين بياخد مقدم بدء من 10 % و الفائدة بتبدى من 6.5 % ان كنت موظف حكومة أو 9.5 % لو على 6 سنين و هكذا و الموافقة بتاعة البنك بتطلع فى خلال يومين وبتدفع الأول أى مبلغ لجدية الحجز ومش رقم معين يعنى مش بيفرض عليك أى رقم وبعد ما تستكمل الأوراق الخاصة بيك لو موظف ق.خ ووصل النور و صورة البطاقة وجواب مفردات الراتب بس خد بالك لازم مرتبك يبقى كبير نسبياً عشان قيمة القسط المخصومة بتوصل لغاية 40 % من الراتب .
وبعد كده استعلام البنك وفى حالة الموافقة عليك بتمضى الشيكات تانى يوم من الموافقة وتدفع المقدم اللى انت حددته اعتباراً من 10 % أو أزيد زى ما انت عاوز وبعد كده تستلم السيارة وتاخد ورقها ويطلع معاك مندوب من المعرض للمرو ده فى حالة التقسيط عشان الرخصة سنة واحدة ولا تجدد الا بخطاب من البنك وهكذا انما لو كاش طبعا يبقى انت تاخد الورق على طول وتدفع وترستلم وتروح ترخص يا بطل .
أرجوا انى اكون قدرت أفيدك .
وطبعا ممكن تشوف القسط عند أى بنك بس بيبتدى ياخد من 30 % من سعر العربية ويمول هو الباقى 70 %