ظهور خرابيش على الفوانيس الاماميه للسول

[sherifseif]

السلام عليكم و رحمة الله
اشتريت بفضل الله كيا سول من شهر 9 موديل 2012 كانت ماشيه حاجه بسيطه المهم انا تقريبا مش بخرج بيها كتير و راكنها و مغطيها ابتديت الاحظ ظهور خراببش على الفوانيس الاماميه مش عارف ايه السبب هل ممكن تكون بسبب الغسيل الالي في محطة البنزين ؟ بصراحه شكلها مضايقني جدا
هل في حل للمشكله دي و لكم جزيل الشكر

[eslamsubaru]

أولا ربنا يصبرك : دى مشكلة فى فوانيس الكورى علشان بيتم استخدام مواد بلاستيكية معاد استخراجها من حاجات كانت مصنعة قبل كده .
و دى مشكلة حصلت مع كذا واحد بس اللى كان معاه العربية ضمان التوكيل عرف ياخد حقه و غيره فالضمان ببلاش .. انما ناس كان معاها الخليجى و ضمان تريبل ايه و التانى مش فاكر اسمه و طبعا لا خده حق و لا باطل .
ده موضوع لنفس مشكلتك يا رب يساعدك :

http://www.nilemotors.net/Nile/393040-150.html

[sherifseif]

الف شكر على الرد و لم اكن اعلم ان دي مشكله في السيارات الكوري عموما حشوف التوكيل حيقولي ايه و الله المستعان

[amgomaa]

الف شكر على الرد و لم اكن اعلم ان دي مشكله في السيارات الكوري عموما حشوف التوكيل حيقولي ايه و الله المستعان

ياباشا الموضوع ملوش اي علاقة بالكورى انا اكتر عربيه بشوف فى الفوانيس بتاعتها الموضوع ده الاسترا الشكل اللى قبل الجديد واعتقد ان ده مرتبط بكثرة وقوف العربيه فى الشمس والتوكيل محترم وان شاء الله هيغيرهالك

Sent from my GT-S5282 using Forum Runner

[eslamsubaru]

الف شكر على الرد و لم اكن اعلم ان دي مشكله في السيارات الكوري عموما حشوف التوكيل حيقولي ايه و الله المستعان

نصيحة : متتصلش بالتليفون , انت تروح لهم و تقولهم دى مشكلة و عرفت انها عامة مش فردية و انك عايز حقك فى تغيير الفانوس بالكامل . و طبعا تروح فرع ابو رواش ( لأنه الفرع الرئيسى و هو اللى هيخلصلك المشكلة باذن الله) .
و لازم تكون صارم معاهم فالكلام :لأن الكلام الحنين مش هيودى و لا يجيب (هيقعد يقولك هنبعت للشركة الأم و الكلام ده أو يقنعك ان ده من المواد المستخدمة لغسيل العربية !! قولهم ان الغسيل للعربية يعمل شروخ من بره الفانوس مش من جوه..

و ربنا معاك , و يا ريت تبقى تقولنا ايه اللى حصل علشان نعرف تصرف التوكيل فالمشاكل هيبقى ايه . لأنه حتى الأن و عن تجربة عضويين هنا كان مستجيب و حل المشكلة بس بعد ما (معلش فاللفظ) تبجح معاهم شوية.

[J A G U A R]

ممكن تكون اتحكت وهيا راكنه

[sherifseif]

ياباشا الموضوع ملوش اي علاقة بالكورى انا اكتر عربيه بشوف فى الفوانيس بتاعتها الموضوع ده الاسترا الشكل اللى قبل الجديد واعتقد ان ده مرتبط بكثرة وقوف العربيه فى الشمس والتوكيل محترم وان شاء الله هيغيرهالك

sent from my gt-s5282 using forum runner

الحقيقه انا اول مره اسمع عن العيب ده و ان شاء الله يغيروها

[sherifseif]

نصيحة : متتصلش بالتليفون , انت تروح لهم و تقولهم دى مشكلة و عرفت انها عامة مش فردية و انك عايز حقك فى تغيير الفانوس بالكامل . و طبعا تروح فرع ابو رواش ( لأنه الفرع الرئيسى و هو اللى هيخلصلك المشكلة باذن الله) .
و لازم تكون صارم معاهم فالكلام :لأن الكلام الحنين مش هيودى و لا يجيب (هيقعد يقولك هنبعت للشركة الأم و الكلام ده أو يقنعك ان ده من المواد المستخدمة لغسيل العربية !! قولهم ان الغسيل للعربية يعمل شروخ من بره الفانوس مش من جوه..

و ربنا معاك , و يا ريت تبقى تقولنا ايه اللى حصل علشان نعرف تصرف التوكيل فالمشاكل هيبقى ايه . لأنه حتى الأن و عن تجربة عضويين هنا كان مستجيب و حل المشكلة بس بعد ما (معلش فاللفظ) تبجح معاهم شوية.

الله المستعان و الف شكر على النصيحه

[sherifseif]

ممكن تكون اتحكت وهيا راكنه

على فكره انا مغطي العربيه على طول حتى و هي في الجراج و بعيد عن اي عربيه تانيه لاني راكن في باكيه لوحدي

[Maged93]

السلام عليكم و رحمة الله
اشتريت بفضل الله كيا سول من شهر 9 موديل 2012 كانت ماشيه حاجه بسيطه المهم انا تقريبا مش بخرج بيها كتير و راكنها و مغطيها ابتديت الاحظ ظهور خراببش على الفوانيس الاماميه مش عارف ايه السبب هل ممكن تكون بسبب الغسيل الالي في محطة البنزين ؟ بصراحه شكلها مضايقني جدا
هل في حل للمشكله دي و لكم جزيل الشكر

ياباشا ده عيب تصنيع وكان موجود برضو في فوانيس الكيا ريو وبيغيروه من غير نقاش وربنا يوفقك