محتار

[abdobido]

انا كنت فى معرض فورميلا وان وعجبتنى كيا ريو هاى لاين هاتشباك واكسنت rb وبيجو 301 وفكرت فى الرينو لوجان او ستيب واى بعد كده قررت احجز اكسنت الفئة الثانية بمبلغ 127000 جم قلت فيها اوبشن بعد كده لقيت ناس اصحابى فى السعودىة بيقولى ان العربية حلوة بس ورق ومش عالية من الارض وطبعا انا ساكن فى هضبة الاهرام وكمان لسه قدامى على الفئة الثانية 3 شهور فرجعت فى تفكيرى و قلت اجيب كيا ريو هالاين بعد كده اكتشفت انى هى برضه مش عاليه وخايف ايجيب البيجو البس فى قطع الغيار ومارضاتش اجيب الرينو عشان مانيوال وسمعت انهم هاينزلوا اوتو بس شوية فاستحرمت ادفع الفلوس ولغاية دلوقتى مش عارف اختار او اجيب ايه فقلت استشاركم واخد رايكم مع العلم ان الشكل مش هايفرق معايا و ان تكون العربية تستحمل وتكون عالية من الارض وعفشة حلوة وتقعد معايا فترة من غير تفتح منى (عشان انا اتقرصت من الاوبل كورسا 99 جامدة وكل حاجة بس جابت منى ماتور) وقطع غيارة تبقى موجودة ومتوفرة داخل التوكيل ويبقى السعر متوسط وبرضه سعر اعادة البيع مش فارق اوى معايا عشان ان شاء الله هاتقعد معايا على الاقل 7 سنين .
معلش انا طولت عاليكوا والف شكر
وكمان فى حاجة انا ان شاالله هاعمل موضوع عن المعرض وانا معايا البرشور بتاعت معظم العربيات هاصورهم وارفعهم عشان لو حد احتاج يرجع ليهم بس مش عارف اكتب فين الموضوع .

[afrikano]

من رأى الريو السيدان جميلة جدا

ومش شايفها واطية على الارض يعنى .. مناسبة

واستنى حد جربها يفيدك بردو اكتر

[MAHMOUD MOHAMD]

بالرقم دا ممكن ربنا يكرمك بموديل اعلى كسر لايرو ولو بتخاف من المستعمل اشترط التسليم فى التوكيل تركب النترا 2012 او 2013 افضل بكتير من اكسنت

[MAHMOUD MOHAMD]

وقيس على دا وممكن تجيب من نفس الموديلات اللى حضرتك كاتبها وتوفر جزء وانت ومزاجك

[Ahmed.Essam]

انا لو مكانك هقارن بين بيجو 301 او ريو وهشوف ايه انسب ليا واختار منهم ..

[insurancebroke]

اعتقد الريو افضل

[Mohamed_Ayman]

بص ياباشا ، أولا كل السيارات دى محترمة ومش هتندم على انك جبت واحدة منهم إن شاء الله.

الأكسينت: المساعدين وبيخلوها تحك ، بس بيتغيروا فى التوكيل ، رأيى بلاش وجع دماغ
اللوجان: بلاش لو عايز أوتو

يبقى فاضل الريو والبيجو زى م أحمد قال:

الريو: توكيل كويس وكماليات كتير وتكلفة تشغيل منخفضة

البيجو: أوسع وبريستيج أعلى (بص فى قسم البيجو عن أراء الملاك) وفيها نسبة ريسك أعلى لأنها لسه جديدة
يعبها عدم بروز الاكصدام بيخلى الكبوت يتأثر بأى خبطة.

ومجرد رأى لو استخدام جوة البلد دايما يبقى ريو ، لو سفر يبقى بيجو


حضرتك ممكن تروح معرض واتفرج على الاتنين وشوف هتختار ايه ،

وربنا يهديك للأنسب ليك.

[abdobido]

انا متشكر جدا على تعاونكم معايا بجد المنتدى ده جامد جدا وان شاء الله هاستخير ربنا واتوكل واجيب الريو وبكرر شكرى واعتزازى بردكم ده

[ridars]

نصيحة اخوية ابعد تماما تمام عن الرينو عربية توكيلها زبالة و فى اعادة البيع هتخسر كتييير انا صاحبى معاه رينو سينيك موديل 2009 اشتراها بي 160 الف و مشى بيها 50 الف كيلو بس و مفياهاش خبطة و فبريكة جايبلة 60 الف و كل ما يروح التوكيل بيقلعوة هدومة و كان التابلوة مش شغال قالولو يتغير بى 7000 جنية و المهندس قالة على واحد فى الدقى يصلحها و عندة قطع غيار التابلوة احنا عندنا فى التوكيل مافيش قطع الغيار دة راح صلحة بى 1500 جنية.... خليك فى الموديلات التانية كلها كوسية قيها مميزاتها و عيوبها المقبولة ما عدا البيجو 301 لسة مجهولة انا خفت اشتريها بصراحة علشان لسة جديدة فى السوق

[Mahmoud/Nabil]

شوف ايه اليناسبك من ال ٣٠١ و الريو ... بالتوفيق انشاء الله انا كنت في نفس الموقف و استقريت علي ريو هاتش باك و هستلم كمان شهر دعواتك بقي

[J A G U A R]

ريو هاى لاين

[Dr.M_baz]

توكل على الله في الريو ان شاء الله هتكون اختيار موفق.

[S O P H O S]

اميل للريو

[abdobido]

شوف ايه اليناسبك من ال ٣٠١ و الريو ... بالتوفيق إن شاء الله انا كنت في نفس الموقف و استقريت علي ريو هاتش باك و هستلم كمان شهر دعواتك بقي

ان شاء الله بالتوفيق ربنا يكفيك شر الطريق ويعطيك خيرها وشكرا على اهتمامك

[abdobido]

نصيحة اخوية ابعد تماما تمام عن الرينو عربية توكيلها زبالة و فى اعادة البيع هتخسر كتييير انا صاحبى معاه رينو سينيك موديل 2009 اشتراها بي 160 الف و مشى بيها 50 الف كيلو بس و مفياهاش خبطة و فبريكة جايبلة 60 الف و كل ما يروح التوكيل بيقلعوة هدومة و كان التابلوة مش شغال قالولو يتغير بى 7000 جنية و المهندس قالة على واحد فى الدقى يصلحها و عندة قطع غيار التابلوة احنا عندنا فى التوكيل مافيش قطع الغيار دة راح صلحة بى 1500 جنية.... خليك فى الموديلات التانية كلها كوسية قيها مميزاتها و عيوبها المقبولة ما عدا البيجو 301 لسة مجهولة انا خفت اشتريها بصراحة علشان لسة جديدة فى السوق

شكرا على النصيحة بس كان عندى سؤال حضرتك جبت ايه