مجرد وجهة نظر في الضمان والتوكيلات

[محمد بدر]

حبيت أنقل المشاركة ديه في موضوع جديد
وذلك للأستفاده والمناقشه وعرض التجارب الحيه
لكثرة الاسئله في موضوع الضمان هذه الأيام

سيدى الفاضل هقولك كلمتين فى سرك
موضوع التأثير على الضمان والكلام الفارغ ده أكذوبة كبيرة وأحنا للأسف صدقناها بس دية وجهة نظرى من خلال تجاربى مع التوكيلات

أولا الخاسر الأول فى خروجك من الضمان هو التوكيل . طيب ليه ؟
لأنه هيخسر زبون بيصين عنده كله 10000 كم وبيدفع تكاليف الصيانة والمصناعيات وقطع الغيار وخلافه .

ثانيا هو ليه يحجر عليك وعلي عربيتك ؟
يعنى دي عريتك أعمل فيها كل ما تشاء ولاكن بالعقل طبعا ومفيش حد بيرمى عربيته فى التهلكه
مثلا حضرتك عايز تزود أوبشن مش موجود عندك وشوفته فى عربية تانيه وناس ركبته بره التوكيل وشغال زى الفل يعني من الأخر اتجرب
ونفسك تركب الأوبشن ده تحرم نفسك منه ليه وتعمل حساب التوكيل ,
علما بإنه و وارد وبيحصل أن عربية بتنزل بعيب صناعة وتروح للتوكيل علشان يصلحها والمفروض تتصلح بدون تحميلك لأى تكلفة . التوكيل هيعمل إيه ياترا ؟؟؟؟
طبعا التوكيل يفضل يقنعك انه ده عيب وسوء أستخدام منك وفين وفين وبعد معناه ممكن يغيرها على حسابه ويحسسك أنه جملك . ولازم يحسسك أنه جملك وعمل فيك معرف وجب عليك وممكن برضو لأ . وتتحمل انت تكاليف القطعة والمصنعية والضريبة و ألخ

طيب نيجى للمهم ....

أفرض حضرتك ركبت أوبشن ما غير متوافق مع العربية وسببت لا قدر الله ضرر ما
هيحصل إيه حضرتك هتورح التوكيل وتتكلف ثمن القطعة وتمن المصنعية ويقولك أتفضل العربية بقت تمام
هتقولهم طيب كده أنا بره الضمان . يقولك إحنا رجعنا الشئ لأصله ومتعملش كده تانى والعربية لسه فى الضمان
والموضوع ده حصل معايا أنا شخصيا فى تركيب جهاز تتبع gps

طيب ما أهمية وقيمة الضمان ؟
1 - الحفاظ على الصيانة والإلتزام بالمواعيد المقررة لها .
بالرغم من أنه يتم تغيير قطع غيار فى مواعيد سابقة لأوانها بكثير زي تيل الفرامل وبعض الفلاتر ده على سبيل المثال . علشان كده لازم تكون فاهم ومتخفش منهم ومتغيرش حاجة إلا بمزاجك .
2- عند بيع السيارة فواتير الصيانه يبقى ليها قيمة كبيرة وطمئنينة للمشترى .

[Mahmoud/Nabil]

بس في مواضيع تانيه بتقول ان الفكره كلها ان كوريا الام مش عاوزه لعب في العربيه من داخل التوكيل او من خارجه عشان في حاجات معموله علي العربيه بالظبط ... اولا ضفيرة الكهربا ضعيفه علي اي تعديل


ده كنت قاريته في موضوع هنا فارجو الافاده هلي ده صحيح ولا لأ

[ridars]

انا معايا كيا سيرتوا و كنت فى التوكيل و سألتة عاوز اركب مرايات ضم كيا سيراتو قالى مش عندنا بس ممكن تركبة برة و قالى عادى مش بيأثر على الكهربا بس حذرنى انى اركب عدسات زينون قالى واللة كل الى راكبوها جم ضفيرة الكهرباء بايظة و غصب عنة بتتغير كلها على حسابة فا فعلا فى حاجات من الأفضل انك متركبهاش لأن عربيتك مش هتستحملها

[محمد بدر]

بس في مواضيع تانيه بتقول ان الفكره كلها ان كوريا الام مش عاوزه لعب في العربيه من داخل التوكيل او من خارجه عشان في حاجات معموله علي العربيه بالظبط ... اولا ضفيرة الكهربا ضعيفه علي اي تعديل


ده كنت قاريته في موضوع هنا فارجو الافاده هلي ده صحيح ولا لأ

طبعا الكلام ده مظبوط جدا
وضفيره العربيه معمولة علي ادها
ولاكن في صنيعية عفاريت بتعمل أي حاجة ومن غير تغيير في. قدرة الفيوزات.
ابسط حاجة روح توكيل كيا وقولهم عايز أركب وحده رفع مثلا.
طبعا هيكون في رفض قاطع ويقول تحميل علي الضفيره
بره التوكيل الموضع ده بيكون سهل جدا و ناس كتير عملته وناجح المهم يكون صنيعي عارف وفاهم هو بيعمل إيه
و دائما التوكيل بيفتقد العماله ديه
ولاكن الحذر كل الحذر من الإفراط في اللعب في الكهرباء لأن دي أخطر حاجة في العربية ممكن يتلعب فيها خاصتا الزينون ضر ناس كثير ربنا يسترها مع الجميع
أنا نوهت في البدايه مش كفايه اسمع كلام حلو من الكهربائي لازم أكون شوفت شغله ولازم اسئله في كل كبيره وصغيره وبلاش منه لو زهق مني

[محمد بدر]

انا معايا كيا سيرتوا و كنت فى التوكيل و سألتة عاوز اركب مرايات ضم كيا سيراتو قالى مش عندنا بس ممكن تركبة برة و قالى عادى مش بيأثر على الكهربا بس حذرنى انى اركب عدسات زينون قالى واللة كل الى راكبوها جم ضفيرة الكهرباء بايظة و غصب عنة بتتغير كلها على حسابة فا فعلا فى حاجات من الأفضل انك متركبهاش لأن عربيتك مش هتستحملها

يا أخي الكريم أنا ندمان فعلا أني كتبت الموضوع وحاسس أني تسرعت ولن أتمكن من صياغته بالشكل المناسب
أنا ذكرت في الموضوع ان مفيش حد هيرمي عربيته في التهلكه يعني أنا عن نغسي عايز أركب زينون وخايف من أضراره ومنتظر أشوف عربيه مماثله لعربيتي ركبته بدون مشاكل في الحاله دية ممكن أنفذ وده حصل معايا في وحدات الرفع للأربع أبواب و تشغيل مريات الضم مع الريموت
يعني كل ماكنت أقصده في ناس نفسها تعمل تعديل وتأجل علشان الضمان لا ياسيدي لو حضرتك متأكد من التعديل وبتعمل بدون مشاكل توكل علي الله
وكذلك أنا ذكرت تجربه فاشله حصلت معايا وهي تركيب جهاز تتبع gps وكانت العربيه لسه جديده معملتش 2000كم وتم تغيير كارته الفيوزات لتسبب الجهاز في إتلافها
ده الفرق الراجل إللي ركب محسبهاش كويس بالرغم من انه مركب امامي وفي نفس الوقت في فانتازيا وبسات وسيراتو بدون أي مشاكل والموضوع ده من سنتين وما شاء الله العربيات زي الفل بدون أي مشاكل
يعني في الأول والأخر لازم يكون عندنا حرص ونعقلها لأن أحنا إللي نخاف علي عربيتنا أكثر من التوكيل. ا

[Mohamed_Ayman]

كلام معقول جدا

[ALnadi]

فعلا التوكيل ميهمهوش انك تحافظ على العربية ولا لأ
التوكيل عايز ياخد فلوس وخلاص
ولو كان يعرف يعمل أم الحمي من غير مشاكل كان عمل وقبض

[ALnadi]

أصل للأسف فى ناس فهمه إن التوكيل فاتح أبوابه ليهم علشان مصلحتهم وخدمتهم
لأ التوكيل فاتح أبوابه وحاطط مصلحته فى المقام الأول و مصر للأسف مفيهاش توكيل يعرف ثقافة (خدمة ما بعد البيع)

[Sherif Khalifa]

كلام حضرتك مقنع
بس خلينا نبص من الناحية الاخرى (مصنع السيارة)
حط نفسك مكانة
ازاى تضمن ان مستهلك المنتج بتاعك ميكلفكش تغير قطع غيار بالضمان بتاعك كل شوية
لازم تحط تعليمات مشددة لضمان كدة و تبعد عن نفسك وجع الدماغ من البحث فى مشاكل غريبة بسبب شغل خارجى اى كان بسيط

و على فكرة الضمان لية ميزة ايضا ان فعلا لو فى اى عيوب تصنيع فى اى قطة فى العربية بتتغير بدون تكلفة
زى الناس الى اشترت عربيات باسات موديل معين و الفتيس طلع فية مشكلة و الى كان برة الضمان اتكلف مبلغ محترم لتغيرة على حسابة
الضمان مهم بس مكلف
مفيش حاجة على هوى الناس من كل الجوانب يعنى :)

[ALnadi]

كلام حضرتك مقنع
بس خلينا نبص من الناحية الاخرى (مصنع السيارة)
حط نفسك مكانة
ازاى تضمن ان مستهلك المنتج بتاعك ميكلفكش تغير قطع غيار بالضمان بتاعك كل شوية
لازم تحط تعليمات مشددة لضمان كدة و تبعد عن نفسك وجع الدماغ من البحث فى مشاكل غريبة بسبب شغل خارجى اى كان بسيط

و على فكرة الضمان لية ميزة ايضا ان فعلا لو فى اى عيوب تصنيع فى اى قطة فى العربية بتتغير بدون تكلفة
زى الناس الى اشترت عربيات باسات موديل معين و الفتيس طلع فية مشكلة و الى كان برة الضمان اتكلف مبلغ محترم لتغيرة على حسابة
الضمان مهم بس مكلف
مفيش حاجة على هوى الناس من كل الجوانب يعنى :)

طيب العربيه الباسات علشان تخرج بره ضمان الفتيس لازم يكون أشتغل في الفتيس بره الوكيل أو فترة الضمان إنتهت
ولو غير كده يبقي شغل نصب من التوكيل

[Sherif Khalifa]

طيب العربيه الباسات علشان تخرج بره ضمان الفتيس لازم يكون أشتغل في الفتيس بره الوكيل أو فترة الضمان إنتهت
ولو غير كده يبقي شغل نصب من التوكيل

انا بتكلم على عربيات من غير ضمان خليجى
كان حصل مشاكل فى الفتيس و التكلفة على ما اتذكر دخلت فى 30 او 40 الف جم