كيا سيراتو 2014 سعودي ولا ؟

[Atrees]

السلام عليكم ... ايه رايكم والفروق بين كيا سيراتو سعودي او شرق اوسط ... ايه الفرق وانهي الافضل يا ريت تفيدوني عشان اول مره اركب بره تلتوكيل

[afrikano]

السعودى افضل .. بس 90% من المعارض هيقولولك اللى موجود سعودى
ولما تكشف على العربيات اللى عندهم هتلاقيها عراقى

[salodas]

شوف يا باشا :
من 3 سنوات نويت اشترى السيراتو ... ورحت سمير ريان وأخترت العربية (خليجى سعودى) طبقا لكلام المعرض ... وكمان طبقا للمكتوب على قايم باب السواق ... المنشاء كوريا ... طبقا للمواصفات الخليجية السعودية.
واذ فجأة سمعت عن حاجة اسمها ال vin ولما كشفت على العربية لقيتها عمانى مش سعودى .
طبعا اتضايقت وزعلت على الغش وعدم الصدق ... ولكن للأمانة العربية زى الفل ومفيش أى مشاكل منها ... وعرفت بعد كده ان موضوع الخليجى ده بيفرق فقط في الكماليات .

ربنا يوفقك

[temo85]

اكشف علي الvin قبل ما تدفع العربون فى المعرض , انا عملت كده فى عربيه اخويا وهو بياخدها طلعت كويتي و كان ملزوق على القايم سعودى و جبت صاحب المعرض قلتله اقرى حضرتك الكلام المكتوب ده قالي انا ماليش دخل بالكلام اللى علي النت ده انا عارف عربياتى كويس وهى سعودى اكيد !!! الكلام ده كان فى معرض اسمه اليســـر فى مصطفى النحاس

[Atrees]

الف شكر يا رجاله - الفئه اللي قدامي مكتوب علي القايم سعودي وبصراحه ملقتش المواصفة دي في اي حته

المواصفة عباره عن

1- 2 Air Bags
2- ABS
3- 16' Rims
4- head light adjustable
5- Bluetooth
6- malfunctions wheel
7- immobilizer
8- 2 tune color interior
7- Fog lights
8- rare passenger hand and head rests



المعرض طالب 155 الف ومش عارف ده كويس ولا لا

[Hosam_Optrawy]

الف شكر يا رجاله - الفئه اللي قدامي مكتوب علي القايم سعودي وبصراحه ملقتش المواصفة دي في اي حته

المواصفة عباره عن

1- 2 Air Bags
2- ABS
3- 16' Rims
4- head light adjustable
5- Bluetooth
6- malfunctions wheel
7- immobilizer
8- 2 tune color interior
7- Fog lights
8- rare passenger hand and head rests



المعرض طالب 155 الف ومش عارف ده كويس ولا لا

أولا عاش من شافك ياعتريس اخبارك ايه :)

بالنسبه للمواصفات لو قارنناها مع فئات الوكيل مثلا ال EX Full-Options تمنها 162 الف فيها الحاجات اللى انت كاتبها عدا البلوتوث وفيها مثبت سرعه ومرايات ضم وفتحات تكييف خلفى

فكدا العربيه اللى بتقول عليها المفروض تنزل كمان شويه لانها كماليات أقل وبدون ضمان

[Atrees]

أولا عاش من شافك ياعتريس اخبارك ايه :)

بالنسبه للمواصفات لو قارنناها مع فئات الوكيل مثلا ال ex full-options تمنها 162 الف فيها الحاجات اللى انت كاتبها عدا البلوتوث وفيها مثبت سرعه ومرايات ضم وفتحات تكييف خلفى

فكدا العربيه اللى بتقول عليها المفروض تنزل كمان شويه لانها كماليات أقل وبدون ضمان

حسام باشا والله واحشني الناس الحلوه بتاعت انتفاضه الكيا :)

انا لسه معايا السيراتو ال 2010 لغايه انهارده والحمد لله مشاكلها في المعقول بس لما دورت عشان اجيب حاجه اليومين دول لقيت برضوا السيراتو افضل الاختيارات في رينج السعر - كنت حجيب استرا بس حال البلد ما يساعدش في ظل اسعار قطع الغيار كمان

عموما انا حفاصل في سعرها طبعا بس مش عارف انزل قد ايه - مثلا انزل افين ولا تلاته ولا 5 الاف - انتوا برضوا اجدع مني في الشراء والبيع - انا طول عمري بروح اترمي في حضن التوكيل وما اشترتش من معارض قبل كده


والف شكر

[temo85]

الفئه دى متعديش ال 151 الف و شفتها بنفسي ب 150 النهائي بتاعها عند سمير ريان و عند الليثى و عند ستوب كار و عند اليسر

[Hosam_Optrawy]

حسام باشا والله واحشني الناس الحلوه بتاعت انتفاضه الكيا :)

انا لسه معايا السيراتو ال 2010 لغايه انهارده والحمد لله مشاكلها في المعقول بس لما دورت عشان اجيب حاجه اليومين دول لقيت برضوا السيراتو افضل الاختيارات في رينج السعر - كنت حجيب استرا بس حال البلد ما يساعدش في ظل اسعار قطع الغيار كمان

عموما انا حفاصل في سعرها طبعا بس مش عارف انزل قد ايه - مثلا انزل افين ولا تلاته ولا 5 الاف - انتوا برضوا اجدع مني في الشراء والبيع - انا طول عمري بروح اترمي في حضن التوكيل وما اشترتش من معارض قبل كده


والف شكر

بالتوفيق ياباشا ان شاء الله , انت عارف الخليجى اشكال والوان وملوش فئات ثابته فبصراحه مش عارف تفاصل في كام بس اعتقد لو 150 زى أستاذ temo85 ماقال يبقى كويس

لان زى ماقولتلك هي تعتبر ناقصه كماليات عن اللى ب 162 ومن غير ضمان , وعلى فكره فى فئه ب 152 وكيل بس من غير ABS وايرباج واحده فقط ومفيهاش بلوتوث