احتياطات سبورتاج ضد السرقة

[heshamg]

السلام عليكم

بما أني سأضطر أن أركن سيارتي السبورتاج في الشارع بسبب عدم وجود جراجات خالية في منطقتي نهائياً، كان لي عدة أسئلة بخصوص حماية السبورتاج(الفئة الثانية) من السرقة :

1. هل السبورتاج بها جهاز إنذار ؟ و إن لم يكن فكم يتكلف تركيبه في التوكيل ؟

2. سمعت عن جهاز تتبع ممكن يتركب في السيارة يستخدم في حالة إن سُرقت السيارة لا قدر الله، ممكن أعرف من خلاله إحداثيات العربية، فهل التوكيل به شيء مثل هذا ؟

3. قفل الدركسيون: أجيب أنهي نوع .. و هل حيعلّم في الدركسيون و يترك أثر عليه ؟

4. سمعت أيضاً إن رقم الشاسيه المفروض بيكون موجود علي زجاج السيارة فهل المفروض أخفيه بشيء ؟

5. هل هناك طرق أخري لتأمين السبورتاج ؟

آسف علي الإطالة .. أرجو الاستفادة من خبراتكم .. و يا ريت ماحدش يقوللي إنت مزودها في الحرص .. العربيات عندنا في الشارع بتتاكل

[shiko85]

السلام عليكم
وعليكم السلام ورحمة الله وبركاته

الفئه التانيه فيها امبوليزر ؟؟

هل هناك طرق أخري لتأمين السبورتاج ؟
هل العربيه فالضمان ؟؟
لو خرجت من الضمان تعمل انذار بوحده فصل الدواره + فصل طلمبة/طرمبة البنزين

[Ahmed.Essam]

بالنسبة لرقم 4 لو الرقم موجود في الازاز على الشمال من تحت
يبقى يستحسن تجيب كارت ( اللي بتاخده من المعارض مثلا او من اي حد ده ) وتقلبه على الجزء الابيض وتجيب قلم الوان فلومستر لون اسود وتلون الجزء الابيض ده
وبعدين تدخل الكارت وتحشره عند الرقم اللي على الازاز عشان تخبيه

[mohamed fetoh]

متابع

[hopeless20]

متابع

انا عربيتي فيها أمبوليزر وهركب قفل الدريكسيون برضوا .. بس بدور علي حاجه تانيه أمان .. خايف تتاخد علي ونش مثلا !!
انا في حدائق الاهرام والموضوع هناك مقلق بشده

[mahmoud_ali]

لو فيها ايمبولايزر يبقى خير وبركه لو مفيهاش يبقى تركب انذار مع فصل الطلمبه وفى جهاز اسمه جى بى ار اس تريكرز ممكن برضوا تركبه ده بيعرفك خط سير العربيه

[shiko85]

لو فيها ايمبولايزر يبقى خير وبركه لو مفيهاش يبقى تركب انذار مع فصل الطلمبه وفى جهاز اسمه جى بى ار اس تريكرز ممكن برضوا تركبه ده بيعرفك خط سير العربيه

كله ده تمام بس لو عربيته فالضمان مش هيعرف يعمل اى حاجه

[shiko85]

متابع

انا عربيتي فيها أمبوليزر وهركب قفل الدريكسيون برضوا .. بس بدور علي حاجه تانيه أمان .. خايف تتاخد علي ونش مثلا !!
انا في حدائق الاهرام والموضوع هناك مقلق بشده

انا مش عارف هل ده حل مفيد ولا لأ بس احنا بنفكر مع بعض
خلى الكاوتش بميل دايما اعتقد كده مش هينفع تتحط على ونش او هات 2 كلابش و ركب واحد على عجله قدام و التانى على عجله عكسها من الخلف

[omaranes77]

ياباشا الحامي هو ربنا خليها علي اللة انت بس كلبش الدريكسيون وتمام

[mohamed fetoh]

متابع

انا عربيتي فيها أمبوليزر وهركب قفل الدريكسيون برضوا .. بس بدور علي حاجه تانيه أمان .. خايف تتاخد علي ونش مثلا !!
انا في حدائق الاهرام والموضوع هناك مقلق بشده

اعمل اللى عليك وربنا يسترها .

[محمد بدر]

ياسيدي الفاضل عربيتك بالفعل فيها جهاز إنذار وعلشان تتأكد من كلامي نفذ هذه الخطوات.
اجلس بداخل السياره وأفصل إدارة المحرك.
افتح الباب وأغلقه تاني كأنك نزلت من السياره .
اقفل سيارتك بالريموت عادي جدا.
انتظر 30 ثانيه.
قم بفتح الباب دون استخدام الريموت.
هنا المفاجآه. ياريت تقوللي حصل إيه.

الموضوع الثاني علشان تطمن أكثر عربيتك فيها ايمبولايزر يعني مينفعش تدور إلا بمفتاحها

طبعا جهاز التتبع ممتاز جدا وأنا عن نفسي ومن خلال التجارب السابقه في أحدي الشركات الكبري فهو أكثر من رائع خاصتا في عمليات السطو
في الفترة الماضيه وبعد الثوره تم السطو علي حوالي 10 سيارات تم ظبط وعوده حوالي 7 سيارات وأنا كنت بتابع بنفسي ظروف كل سياره وطريقة عودتها. وعلشان مطولش عليك في سياره دخلت الجبل وتم تحديد موقعها وعجزت قوات الشرطه الدخول في هذه المنطقه وراحت العربية وعربية تانيه الخاطفين كانوا فهمين قوي وفصلوا الجهاز و ألقوه في الشارع.

أنا طبعا من خلال متابعتي لهذه المواضيع عن قرب كنت أول المتحمسين لتركيب هذا الجهاز عن طريق نفس الشركة المنفذه والمختصه بتركيب الجهاز ولاكن سوء حظ تم تلف كارته تلفيوزات وكلفت في التوكيل علي ما أتذكر 2750 جنيه.
ولاكن في ناس تانيه في شارع دمشق أكددت انه تم تركيبه في السبورتاج بدون مشاكل بس أنا مشفتش ولو شوفت هنفذ.
المهم مش تركيب الجهاز ولا التكلفه ولا الكلام ده الجهاز تمنه في المتوسط 1350 جنيه وممكن أقل من كده المهم ان الشركة المنفذه تكون في خدمة ما عد البيع سريعة الأستجابه لأنك هتحتاج منهم خدامات واستفسارات كثير خاصتا في البدايه ممكن تقبلك بعض المشاكل علي الموقع الخاص بالمتابعة ده طبعا غير كل شركة ليها موقع مختلف عن التاني وما يميز موقع عن الأخر سهوله الخدمة وطباعه التقارير والسرعه والتحديث
وركز بقي في الموضوع ده في شركة بتبيع وتركب الجهاز من غير أشتراك سنوي وشركة تانيه تلزمك بأشتراك سنوي. طبعا يفضل تركب بدون أشتراك وتكون شركة متجربه قبل كده
لأنك لازم تجدد باقه اشتراك النت لشريحة الجهاز شهريا بمبلغ 30 جنيه تقريبا وده طبعا ملوش دعوه بإشتراك الموقع السنوي

الموضوع الثالث أنا شخصيا مش مقتنع بموضوع قفل الدريكسيون ولا أي حاجة من ديه لأن تطفيشها بيكون سهل جدا للحرامي

الموضوع الرابع في الزجاج الخلفي استيكر في بيانات السيارة وكود لون السياره انزعها برفق وقم بإعاده لزقها داخل حقيبة السيارة
وأخير لا يصيبنا ما كتبه الله لنا
أسعدك الله ياسيدي بسيارتك وحفظها لك

[heshamg]

أشكركم جميعاً علي الردود .. من الواضح إن فيه ناس كتير بتعاني من نفس المشاكل أو التخوفات. أنا سيارتي موديل 2014 و في الضمان و بالفعل فيها ايمبولايزر .

بالنسبة للنقطة (1) الخاصة بموضوع الإنذار وضح تماماً أن السيارة بها إنذار و سأجربه إن شاء الله .. أشكر كثيراً أ.محمد بدر علي توضيح الأمر، و من العجيب ألا تذكر كيا وجوده في مواصفات السيارة علي موقعها ! .. و أعتقد أني ممكن أسأل في التوكيل إن كان الإنذار به حساس ليعمل الإنذار إن خبط السيارة أحد مثلاً كما في أي إنذار آخر.

أما بالنسبة للنقطة (2) الخاصة بجهاز التتبع فكنت أرجو أن يكون التوكيل يقوم بتركيب جهاز تتبع بنفسه تفادياً للمشاكل التي ذكرها أ.محمد بدر. كان فيه موضوع في قسم النيسان علي هذا المنتدي يذكر أن توكيل نيسان يقوم بتركيب وحدة فصل للسيارة. كنت أقصد أن أعرف إن كان توكيل كيا يقوم بتركيب جهاز تتبع أو وحدة فصل أيضاً مثل نيسان.

بالنسبة للنقطة (3) فقفل الدركسيون مجرد تعطيل للص السيارات. ده فيه ناس بتركب 2 أو 3 قفل في سيارتهم .. لذا فإن كنت سأركبه فأريد أفضل نوع يكون عملي و لا يترك أثراً علي الدركسيون.

و أخيراً النقطة (4) الخاصة بكود السيارة فأشكركم علي إيضاح الأمر .. هل هذا الكود أيضاً مكتوب علي التابلوه أمام السائق ؟ .. كنت قرأت هذا في مكانٍ ما علي ما أتذكر.

[احمد المصرى]

السلام عليكم

وعليكم السلام

بما أني سأضطر أن أركن سيارتي السبورتاج في الشارع بسبب عدم وجود جراجات خالية في منطقتي نهائياً، كان لي عدة أسئلة بخصوص حماية السبورتاج(الفئة الثانية) من السرقة :

1. هل السبورتاج بها جهاز إنذار ؟ و إن لم يكن فكم يتكلف تركيبه في التوكيل ؟

يتكلف ذى ما يتكلف يا باشا بس لازم تركبه لانه حمايه للعربيه

2. سمعت عن جهاز تتبع ممكن يتركب في السيارة يستخدم في حالة إن سُرقت السيارة لا قدر الله، ممكن أعرف من خلاله إحداثيات العربية، فهل التوكيل به شيء مثل هذا ؟

اعتقد ان التوكيل مش بيركبه سعره تقريبا 1500 جنيه بس لو حابب تركبه ركبه فى اى مكان الان الهدف الاول هو حمايه العربيه نفسها وربنا يسترها


3. قفل الدركسيون: أجيب أنهي نوع .. و هل حيعلّم في الدركسيون و يترك أثر عليه ؟

جيب نوع محمل ويكون تقيل وتمسكه بايدك يكون قوى ومحمل تقريبا ب 150 وانت طالع وملهوش اى اثر يذكر على الدركسيون


4. سمعت أيضاً إن رقم الشاسيه المفروض بيكون موجود علي زجاج السيارة فهل المفروض أخفيه بشيء ؟

اعتقد ال بيكون موجود رقم vin ولازم تخفيه خالص يا باشا


5. هل هناك طرق أخري لتأمين السبورتاج ؟

تركب كتاوت فصل .... تركيب سارينه كبيره مع الانزار

آسف علي الإطالة .. أرجو الاستفادة من خبراتكم .. و يا ريت ماحدش يقوللي إنت مزودها في الحرص .. العربيات عندنا في الشارع بتتاكل

[heshamg]

أشكرك علي الإجابات .. إيه موضوع كتاوت الفصل ده ؟

[احمد المصرى]

بتركب فى العربيه ومش بدور حتى بمفتحها غير لما تشغل الكتاوت بطريقه ما


وطبعا الستار موجود اولا واخيرا