التغير من الجيتا الى السيراتو

[TeMoON]

السلام عليكم ورحمة الله وبركاته
اسمحولى يا اعضاء كيا انى اتناقش معكم فى النيو سيراتو لانى بفكر انزل من الجيتا واركبها ودا يرجع لسببين وهما
1 العربيه معايا بقالها 4سنين و 6 شهور
2 النزول لعربيه ارخص من الالمانى نظرا لظروف البلد الاقتصاديه الى زى الزفت الى تخلينى اتنازل حاليا عن ركوب مرسيدس او بى ام

العربيه انا اتفرجت عليها عند سمير ريان وعجبتنى الخليجى الى فيها مرايه التعتيم الى ب 185000
لان العربيه من الداخل ما شاء الله الخامات المستخدمه فى الداخل جيده جدا حسيت انها ماتفرقش عن الجيتا كتير غير فى راحه الكرسى وكرسي الجيتا اريج واجدع

طبعا انا موضوع 2 اايرباج دول مضايقنى بس الحافظ والراعى هو الله وربنا هو الستار

اهم نقطتين عندى فى العربيه الثبات والقرامل اخبارهم ايه طبعا انا مش هقول عاوزها زى الجيتا لانى كدا هظلم السيراتو فا على سعرها ومواصفاتها وعلى ادائها اخباره ايه لانى خلاص قررت انى ابيع الجيتا واركب سيراتو فا ياريت تفيدونى يا شباب وجزاكم الله خير واسف على ازعاجكم وشكرا
مع العلم انى مش ناوى اخلى العربيه معايا اكتر من 3 سنين

[dozo]

اكيد حضرتك حتحس بفرق فى الركوبه ... الموضوع مش بس اوبشنز.
حاول تبص عالاسترا كوزمو .

[Amr_650]

العربية دى قعدت معايا فترة و انا متعود على الالمانى فقط ,, الشغل كان مديهالنا موديل 2013 اول فئة ..انا قاعد فى جدة فالعربية خليجى نظيفة .

بص هى جوة المدينة كويسة ,,و طبعا عشان خفيفة فالاكسليريشن حلو .. تكييف جميل مافيهوش تكنولوجى , يعنى لو باظ سهل يتغير . العربية واسعة من جوة و مريحة نسبيا .

على السفر بقى , احساس فظيع ان العربية هتتقلب منى !!!! , بخاف اجرى بصراحة ( 100 - 120 كم ) , و لو جيمس مثلا عدت من جنبك بسرعة لازم تمسك الدراكسيون كويس ( غير الالمانى طبعااااااااااا كنت بطير على 200 و لا الهواااا )

الخلاصة , جوة المدينة تمشى - لو بتسافر كتير لا .

[TeMoON]

اكيد حضرتك حتحس بفرق فى الركوبه ... الموضوع مش بس اوبشنز.
حاول تبص عالاسترا كوزمو .

شكرا لرد حضرتك ولكنى لا احب الاوبل ولا منصور ومنصور يتفاتلو بلاد وغير كدا انا عاوز عربيه قطع غيارها رخيصه واعاده بيع ماتخسرش كتير لانى مش هخلى العربيه معاايا اكتر من 3 سنين

العربية دى قعدت معايا فترة و انا متعود على الالمانى فقط ,, الشغل كان مديهالنا موديل 2013 اول فئة ..انا قاعد فى جدة فالعربية خليجى نظيفة .

بص هى جوة المدينة كويسة ,,و طبعا عشان خفيفة فالاكسليريشن حلو .. تكييف جميل مافيهوش تكنولوجى , يعنى لو باظ سهل يتغير . العربية واسعة من جوة و مريحة نسبيا .

على السفر بقى , احساس فظيع ان العربية هتتقلب منى !!!! , بخاف اجرى بصراحة ( 100 - 120 كم ) , و لو جيمس مثلا عدت من جنبك بسرعة لازم تمسك الدراكسيون كويس ( غير الالمانى طبعااااااااااا كنت بطير على 200 و لا الهواااا )

الخلاصة , جوة المدينة تمشى - لو بتسافر كتير لا .

شكرا لرد حضرتك استاذ عمرو والكلام الى حضرتك بتقولو دا انا عارفه كويس وعارف يعنى ايه ان الكورى خفيف على الطريق عكس الالمانى بالذات ان لو عدا من جنبك صاروخ ولا الهوا والعربيه هتفضل ثابته فى الارض
وبالنسبه للسفر انا نادرا لما بسافر اصلا وغير كدا انا معتش بجرى على الطريق غير نادرا وطبعا الجرى عندى له مقاييس وطبعا انت فى مصر اكيد عارف الطرق عامله ازاى واد ايه هى دلوقتى ازحم من جوة البلد فا دى نقطه انا عامل حسابي عليها

[تامر.محمد]

اسأل كمان على اسعار قطع غيارها و اتأكد ان فرق الاسعار يستحق

[TeMoON]

اسأل كمان على اسعار قطع غيارها و اتأكد ان فرق الاسعار يستحق

اسئل عند مين ويكون مضمون وتكون اسعاره كويسه

وياريت لو فى اى عضو من الاعضاء الكرام يعرف اسعار قطع الغيار يقول

[amirz]

بس حضرتك بعد الالمانى هتركب كورى

[TeMoON]

بس حضرتك بعد الالمانى هتركب كورى

للاسف اه وانا بغير لانى عاوز اغير والعربيه الى معايا تعبت بما فبه الكفايه معاايا وانا للاسف هنزل للكورى عشان ظروف البلد الاقتصاديه الى زى الزفت وعشان مش عاوز اصرف على عربيه فا قولت اركب كورى مؤقت لحد ما نشوف البلد دى راحه على فين ولو ربنا كرمنا والحاله اتصلحت هركب المانى تانى باذن الله لانى نفسى اركب بى ام او مرسيدس بس بسبب البلد وهبل الاسعار وقطع الغيار والكلام الفاضى دا قولت ان الكورى هيكون اوفر من الالمانى ولانى 90% من حركتى بالعربيه جوة البلد فا قولت اركب كورى وبعد كدا ربك يكرم بالصالح

[tameraast]

الجيتا افضل من النيو سيراتو فى كل حاجه الا التسارع ( و مش فرق كبير كمان )

[hany63]

انا مش هتكلم عن فروق الالماني و الكوري بس عشان تبقى عارف حتة الثبات حتى لو ماشي في وسط البلد بسرعه بطيئه بتفرق احساس ان العربيه واخده وضعها ده لازم تاخده في الاعتبار
انا رائيي المتواضع خليك في الوسط الانسجنيا تعتبر خيار معقول انشالله تجيب اول فئه
لو الميزانيه لا تسمح عندك السيفيك بنفس التكلفه انا واثق انك لو عملت تيست درايف ليها هتعجبك جدا انا معايا الشكل اللي قبله vti اللي كل الناس بتقول فيه شعر و لما سقت الشكل الجديد مكنتش عايز انزل على العموم مش هتخسر حاجه لو جربتها و لعلمك انا زيك بزهق بسرعه و العربيه كان اخرها ٣ سنين انما الهوندا بالذات ما يتفرطش فيها
لو مش متقبل الهوندا نفسيا عندك برضه الكورولا هتبقى معقوله و بالتوفيق

[lanos2004]

الجيتا افضل من النيو سيراتو فى كل حاجه الا التسارع ( و مش فرق كبير كمان )

لا التسارع فارق كتير والسيراتو ممتازة على فكرة جدا واحلى واذكى من الجيتا من جوة

[ezzzzo1983]

احنا في مصر بنحب نجمع الحال دايما يعني عشان السيراتو الشيب القديم كان مشكله في الجنط ال 17 عممنا المشكله علي الشكل الجديد يا ريت اللي يتكلم ,يتكلم عن تجربة.
وانا رأي انت احسنت الاختيار في انك تفكر وتفضل السيراتو الجديده عن كل اللي موجود من ياباني والماني
وانا متفق معاك في ظروف البلد واحب اوضحلك ان العربيه ممتازه مفيهاش الحمد لله اي مشاكل حتي في الجري
وربنا يوفقك

[prooo]

حضرتك لو مش عجبك الاسترا عشان منصور .... بص على الفلوينس الجديده .... توكيل محترم وعربيه فخمه .... بس تقيله في البيع شويه ..... امما بالنسبه لقطع الغيار .... اعتقد كل العربيات الجديده قطع غيارها غاليه حتى لو كوري .... فانوس السيراتو الليدات ب 6000 جنيه مثلا

[mac os]

ممكن تبص على الكورولا او السيفيك او الفلوانس كلهم ممتازين وبفضلهم عن السيراتوا كاعوامل امان
وقطع الغيار كله سعره عالى حتى الكورى والكورولا والسيفيك اعتقد بتباعوا بسهوله مفيش مشكله

[baherhassan30]

بصراحة وبعد رأي الاعضاء الكرام
احب اقولك بلاش لانك هتندم بجد وعن تجربة
وهتحس بفرق في كل حاجة من اول ما تشغلها الصبح لاول ضغطة فرامل
مينفعش تنزل عن الالماني ولما تنزل تنزل درجة واحدة للياباني مش تنزل لاخر السلم للكوري
انا كان معايا كورولا 99 وغيرتها وجبت النترا .. وللاسف رغم ان الكورولا موديل قديم الا اني حسيت بفروق فظيعة
واولها العفشة والراحة الداخلية والفرامل والثبات
ف نصيحة لوجة الله
لو هتغير خليك في الياباني
عندك التويوتا والمازدا والنيسان
انما كوري بلاااااااااااااااااااش .. وبلاش يغرك الشكل