التغير من الجيتا الى السيراتو

[S O P H O S]

انا مع رأي استاذ هاني
بص عالكورولا او السيفيك
لو مش مطمئن للسيراتو

[hany63]

اسمحلي اقول لحضرتك أن اوبل مابحبهاش نهائي ومنصور يتفاتلو بلاد وانا بدور علي عربيه رخيصه والياباني كله مابحبوش وكفاية شكل التويوتا الجديد الي شايفة سيء و الهوندا لا الفكرة اني عاوز اشتري عربيه مصاريف رخيصة

طب دلوقت حضرتك ما بتحبش الياباني اللي شكله وحش انما الاداء مش في الاعتبار و لا بتحب الفرنساوي و مبتحبش الاوبل و طبعا كل الالماني الرخيص زباله عشان موضوع الدي اس جي ( في دي انا معاك ) و البلد حاليا مش نافع فيها بي ام و لا مرسيدس بسبب الحاله الاقتصاديه و كمان الامنيه ( برضه انا معاك في النقطه دي كل ما انوي اجيب البي ام القى المدير قالب وشه ارجع في كلامي )
ايه اللي فاضل
تصور مفيش غير الالنترا و السيراتو اللي هما تقريبا زي بعض
لو ده تحليل حضرتك مبروك عليك السيراتو هيا فعلا اشيك من الالنترا

[temo85]

رأى الشخصي بلاش , هتحس بفرق رهيب فى النزول من اى عربية اوربي لكورى او يابانى
اولا الكور متفوق علي اليابانى ككل , بمعنى فى قطع الغيار الكورى يكسب و فى اعاده البيع الكورى يكسب و فى الاعتمادية الكورى اثبت نفسه و الاأداء و الثبات متقارب جدا بينهم لكن اليابانى و الكورى فى كفه و الأوربي فى كفه تانيه
رأى حتى لو قررت بيع الجيتا هات حاجه أوربي برضه بنفس المبلغ ده لكن انا مش مقتنع ان الكورى يوصل للأرقام دى لأن دى مش شريحته ولا يستاهل الأرقام دى
على الرغم انك مش بتحب الفرنساوى لكن الفلونس الجديدة مختلفه تماما عن اى عربية قبلها من رينو و أثبتت وجودها و عربية فعلا محترمه و سعرها فى نفس الحدود فهى تكسب السيراتو و الانترا بجدااااااارة و مفيش وجهه مقارنه بين الاتنين
النيو سيراتو جربتها كذا مره مع اخويا جنط 16 وانا معايا الشكل اللي قبلها 2011 جنط 15 اولا الجديده عزلها افضل و الدركسيون الكهرباء ناعم جدا فيها اللى علقت عليه فيها ان عفشتها الخلفية ناشفة بطريقه غريبه تكاد تكون العربية بتنط من ورا مع فواصل الكبارى و المطبات , بالنسبة لثباتها هو معقول كحال كل الكورى و اليابانى لكن مفيش مقارنه بينها و بين الجيتا نهائيا لا فى راحه العفشة ولا فى الثبات على الطرق السريعه لانى سقت الجيتا وعارف هى عامله ازاى
ده مجرد رأى شخصى و ياريت محدش ياخدها بأنه هجوم او تحيذ لنوع عن أخر

[hany63]

رأى الشخصي بلاش , هتحس بفرق رهيب فى النزول من اى عربية اوربي لكورى او يابانى
اولا الكور متفوق علي اليابانى ككل , بمعنى فى قطع الغيار الكورى يكسب و فى اعاده البيع الكورى يكسب و فى الاعتمادية الكورى اثبت نفسه و الاأداء و الثبات متقارب جدا بينهم لكن اليابانى و الكورى فى كفه و الأوربي فى كفه تانيه
رأى حتى لو قررت بيع الجيتا هات حاجه أوربي برضه بنفس المبلغ ده لكن انا مش مقتنع ان الكورى يوصل للأرقام دى لأن دى مش شريحته ولا يستاهل الأرقام دى
على الرغم انك مش بتحب الفرنساوى لكن الفلونس الجديدة مختلفه تماما عن اى عربية قبلها من رينو و أثبتت وجودها و عربية فعلا محترمه و سعرها فى نفس الحدود فهى تكسب السيراتو و الانترا بجدااااااارة و مفيش وجهه مقارنه بين الاتنين
النيو سيراتو جربتها كذا مره مع اخويا جنط 16 وانا معايا الشكل اللي قبلها 2011 جنط 15 اولا الجديده عزلها افضل و الدركسيون الكهرباء ناعم جدا فيها اللى علقت عليه فيها ان عفشتها الخلفية ناشفة بطريقه غريبه تكاد تكون العربية بتنط من ورا مع فواصل الكبارى و المطبات , بالنسبة لثباتها هو معقول كحال كل الكورى و اليابانى لكن مفيش مقارنه بينها و بين الجيتا نهائيا لا فى راحه العفشة ولا فى الثبات على الطرق السريعه لانى سقت الجيتا وعارف هى عامله ازاى
ده مجرد رأى شخصى و ياريت محدش ياخدها بأنه هجوم او تحيذ لنوع عن أخر

ازاي بقى الكوري يتفوق على الياباني من كل الوجوه كمان ؟ طب قول الشكل ماشي الفخامه في الهايلاين نعديها
يعني الكوري اللي بينط في فواصل الكوبري زي ما انت قايل يتفوق على الياباني ؟
و لا ثبات الكوري نفس الياباني ؟
يعني عربيتي الهوندا اللي عفشتها ملتي لنك و نظام ثبات الكتروني نازل من ٢٠٠٩ مش محصله الكوري ؟!!!
ياريت حضرتك تكون موضوعي بلا تحيز عشان فيه ناس ممكن تشتري على كلامك

[temo85]

ازاي بقى الكوري يتفوق على الياباني من كل الوجوه كمان ؟ طب قول الشكل ماشي الفخامه في الهايلاين نعديها
يعني الكوري اللي بينط في فواصل الكوبري زي ما انت قايل يتفوق على الياباني ؟
و لا ثبات الكوري نفس الياباني ؟
يعني عربيتي الهوندا اللي عفشتها ملتي لنك و نظام ثبات الكتروني نازل من ٢٠٠٩ مش محصله الكوري ؟!!!
ياريت حضرتك تكون موضوعي بلا تحيز عشان فيه ناس ممكن تشتري على كلامك

يافندم انا لما اتكلمت على الأداء و الثبات قلت متقارب مش الكورى افضل انا قلت الكورى افضل فى اعاده البيع و قطع الغيار
انا مقصدتش تحيز ولا انى اضلل حد في الشراء , انا قلت عيوب الكورى قبل مميزاته و ده للتوضيح مع كامل احترمى لعفشه عربيتك الهوندا الملتى لينك و لثباتها الإلكترونى

[hany63]

يافندم انا لما اتكلمت على الأداء و الثبات قلت متقارب مش الكورى افضل انا قلت الكورى افضل فى اعاده البيع و قطع الغيار
انا مقصدتش تحيز ولا انى اضلل حد في الشراء , انا قلت عيوب الكورى قبل مميزاته و ده للتوضيح مع كامل احترمى لعفشه عربيتك الهوندا الملتى لينك و لثباتها الإلكترونى

بصرف النظر عن احترامك لعفشة عربيتي و ثباتها حضرتك قلت ان الكوري يتفوق ككل و ياريت تقرا اللي انت كتبته
تحياتي

[temo85]

بصرف النظر عن احترامك لعفشة عربيتي و ثباتها حضرتك قلت ان الكوري يتفوق ككل و ياريت تقرا اللي انت كتبته
تحياتي

انا عارف انا كاتب ايه كويس
مقارنه اي سياره باخري بيتم عن طريق نقاط مقارنه و في الاخر الاعلي في النقاط بيكون هو صاحب الافضليه ومن ضمن النقاط دي قطع الغيار و اعاده البيع و الثبات (اللي من وجهه نظرك شايف ان الياباني يتفوق فيه) و الاداء … الخ ، ده معني كلمه الكوري يتفوق ككل عن الياباني
لكن لو هتتكلم في كل نقطه علي حده يبقي هتلاقي الياباني بيتفوق في حاجات و العكس صحيح

[hany63]

رأى الشخصي بلاش , هتحس بفرق رهيب فى النزول من اى عربية اوربي لكورى او يابانى
اولا الكور متفوق علي اليابانى ككل , بمعنى فى قطع الغيار الكورى يكسب و فى اعاده البيع الكورى يكسب و فى الاعتمادية الكورى اثبت نفسه و الاأداء و الثبات متقارب جدا بينهم لكن اليابانى و الكورى فى كفه و الأوربي فى كفه تانيه ر

ده كلام حضرتك اللي وضحت فيه راءيك
ممكن تطلع لي منه نقاط تميز الياباني
من حقك طبعا تقول راءيك و من حقي برضه ارد عليه
و ملحوظه اخيره العفشه الملتي و الثبات الالكتروني بعد ستر ربنا طبعا ممكن تكون سبب في جملة الحمدلله ربنا ستر بدلا من الله يرحمه و ده عن تجربه

[amirz]

الكورولا كويسة ومحترمة عن السيراتو

[abou-yahia]

السيات التوليدو او الاسكودا رابيد

مالهم

[TeMoON]

طب دلوقت حضرتك ما بتحبش الياباني اللي شكله وحش انما الاداء مش في الاعتبار و لا بتحب الفرنساوي و مبتحبش الاوبل و طبعا كل الالماني الرخيص زباله عشان موضوع الدي اس جي ( في دي انا معاك ) و البلد حاليا مش نافع فيها بي ام و لا مرسيدس بسبب الحاله الاقتصاديه و كمان الامنيه ( برضه انا معاك في النقطه دي كل ما انوي اجيب البي ام القى المدير قالب وشه ارجع في كلامي )
ايه اللي فاضل
تصور مفيش غير الالنترا و السيراتو اللي هما تقريبا زي بعض
لو ده تحليل حضرتك مبروك عليك السيراتو هيا فعلا اشيك من الالنترا

اسمحلى يا اخ هانى اقولك شكرا على ردودك وعلى كلامك بالنسبه للاوبل انا ماغلطتش فيها وهى عربيه مش رخيصه وعربيه كويسه بس المشكله انى ما بحبهاش لا عيب ولا حرام

من الاخر انا شايف ان الكيا والالنترا وطبعا الالنترا مابحبهاش اصلا فا انا عجبتنى السيراتو عن باقى العربيات فيها حاجه دى نفسى راحت للفول والطعميه فيها حاجه لما نغير للفول والطعميه

[TeMoON]

رأى الشخصي بلاش , هتحس بفرق رهيب فى النزول من اى عربية اوربي لكورى او يابانى
اولا الكور متفوق علي اليابانى ككل , بمعنى فى قطع الغيار الكورى يكسب و فى اعاده البيع الكورى يكسب و فى الاعتمادية الكورى اثبت نفسه و الاأداء و الثبات متقارب جدا بينهم لكن اليابانى و الكورى فى كفه و الأوربي فى كفه تانيه
رأى حتى لو قررت بيع الجيتا هات حاجه أوربي برضه بنفس المبلغ ده لكن انا مش مقتنع ان الكورى يوصل للأرقام دى لأن دى مش شريحته ولا يستاهل الأرقام دى
على الرغم انك مش بتحب الفرنساوى لكن الفلونس الجديدة مختلفه تماما عن اى عربية قبلها من رينو و أثبتت وجودها و عربية فعلا محترمه و سعرها فى نفس الحدود فهى تكسب السيراتو و الانترا بجدااااااارة و مفيش وجهه مقارنه بين الاتنين
النيو سيراتو جربتها كذا مره مع اخويا جنط 16 وانا معايا الشكل اللي قبلها 2011 جنط 15 اولا الجديده عزلها افضل و الدركسيون الكهرباء ناعم جدا فيها اللى علقت عليه فيها ان عفشتها الخلفية ناشفة بطريقه غريبه تكاد تكون العربية بتنط من ورا مع فواصل الكبارى و المطبات , بالنسبة لثباتها هو معقول كحال كل الكورى و اليابانى لكن مفيش مقارنه بينها و بين الجيتا نهائيا لا فى راحه العفشة ولا فى الثبات على الطرق السريعه لانى سقت الجيتا وعارف هى عامله ازاى
ده مجرد رأى شخصى و ياريت محدش ياخدها بأنه هجوم او تحيذ لنوع عن أخر

انا مع حضرتك يا اخ تيمو فى كل كلامك بس الفكره ان العربيه فى اعادة البيع تكسب عن الاوربى وانها عربيه اقتصاديه واليابانى يتفوق عن الكورى فى نقط كتير منها الاعتماديه والعزل والتعليق طبعا بس للاسف انا مش بحب اليابانى رغم ان العربيات اليابانى من افضل العربيات فى العالم بس الفكره انى مفضل الكورى عن اليابانى ودا راى الشخصي انما كا مكانه فى العالم العربيات اليابانيه اعلى عربيات اعتماديه وعربيات العمر الطويل ومعمره ما شاء الله بطريقه رهيبه وافضل من 1000 كورى بس اعمل ايه عجبانى وشايف انها افضل عربيه فى الفتره الحاليه من الناحيه الاقتصاديه لحين ان ربنا يفرجها علينا كلنا ونرجع للعربيات الالمانى تانى

[TeMoON]

السيات التوليدو او الاسكودا رابيد

مالهم

اتفرجت علي التوليدو وكانت حلوة هى والرابيد

[mohamed fetoh]

شوف ياباشا
ركبت عربيات كتيره ابتداءا من مرسيدس 78 و82 و85
واوبل فيكترا وهوندا اكورد وتويوتا 2007
ونيسان صنى 2005
وتويوتا 2008 اللى كرهتنى فى التيوتا
والنترا 2009
وفلوانس 2012
شوف ياباشا تقدر تقول ملم بالعربيات يابانى على كورى على المانى على فرنسى

الكورى الان اصبح خاماته ممتازه وتطوروا جدا فى صناعة السيارات اجدهم دائما متطورين
وبيحدثوا السيارات كل عام بشكل رهيب .
موضوعك شدنى لافكر معك فى اختيارك للسيراتو هى سياره ممتازه جدا وعليها طلب رهيب فى شرائها
وصدقنى مفيش حاجه اسمها نازل من المانى وحركب كورى

[spidars]

شوف يا باشا انا الحمد لله معايا السيراتو الشكل الجديد هاي لين وكيل جنط 17وكان معيا قبلها لانسر سوبر اكشن 4سنين وبعجين جبت السيراتو القديمه وكانت غلطه مقعدتش غير اسبوعين وبعتها لانها معجبتنيش مش ثبته لاكن الجديده ماشاء الله مفيش حاجه بخاف اعملها بيها وخد ملفات المطار الحاده علي 160 .170 ولا الهوي بس علي وضع الاسبورت مود فرامل بلمس لدرجه اني بخاف ان الي ورا يخبط فيا من غشم الفرامل مريحه وناعمه ومفيش تنطيط في المطبات ولا فواصل الكباري وجنط ال17 مفيش اي احساس بيه اكنه 15 والصراحه هي عربيه مفهاش عيوب عامل بيها لحد دلوقتي 16 الف كيلو تكيف شغال صبح وليل