التغير من الجيتا الى السيراتو

[Amr_650]

كمية تناقضات غريبة

1- ليه مش راكب اللي فيها abs و airbags ؟؟ مش معنى انك راكب عربية الفئة بتاعتها مفيهاش عوامل الأمان ان العربية مفيهاش التكنولوجيا دي

2- بتشكر في أوبل انها كانت منزلة عربية مالتي لينك و abs .. في حين ان انت نفسك مش مهتم بعوامل الامان في عربيتك اللي راكبها .. يعنى بتدافع عن الصانع و تنتقد نفسك .. وده حالنا كمستهلكين في مصر .. لسه مش واخدين بالنا اننا مستهلكين .. يعنى لا هتاخد حاجة من اوبل و لا هناخد حاجة من كيا .. فبلاش الانحياز لاجل الانحياز



3- هنا بقى عايزين نتكلم بالورقة و القلم .. على كلامك ان لو عملنا مقارنة مثلا بين 8 عربيات ألماني موديلات التسعينات و 8 عربيات ياباني على كوري موديلات 2014 .. هنلاقي 6 من الألماني افضل من 6 من الكوري و الياباني

ياريت تدينا أمثلة و تعملنا مقارنة في المواتير و التكنولوجيا و عوامل الأمان و الاعتمادية و الحاجات دي

و ياريت تبقى مقارنة بين نفس الفئات علشان الموضوعية

يعني مثلا .. فيكترا موديل 98 أحسن في كذا و كذا من كورولا 2014 .. كمثال يعني مش اكتر

علشان بس ميبقاش كلام مرسل

يا ريس و لا تناقضات و لا حاجة ,

1- عشان انا قولت فى الاول خالص ان دى عربية الشغل - يعنى الشغل اللى مدهالى .. هتبطر على النعمة ؟ :))) الحمد لله طبعا

2- الاجابة بتاعة السوال دة ذى الاول

3- انا مش تكنيكال اوى عشان اجيبلك بالارقام و الصور .. بس اقل حاجة اقدر افكر بيها معاك ... قولى اية ماركات التسعينات السيدان الالمانى كدة ؟؟

نبتدى بالاقل خالص و هى الفكترا B 1600 -98-99 نعلى شوية للباسات 98-99 نعلى شوية بالبى ام E36 الدبانة ثم الكينج ميرسيدس C180 كبداية .. طبعا العربيات دى كلها بتبدى من 1600 سىسى الى 3000 سى سى . فلو قارنت بالموتور يبقى كدة انت ظلمت اليابانى و الكورى .. لان الفترة دى كانت اعلى عربية يابانى - الهوندا SIالوحيدة تقريبا ال 1600 و الباقى كان فستك - 1300 و يوم ماشوفت التويوتا ال GLI 1600 كانت جمرك اصلا :)

طبعا من غير اىىىىى تفاصيل ,, الاسامى لوحدها كفاية ,, يعنى لو انا راكب باسات مش معقول هسال عن الثبات !! و لا الامان مثلا !!! و لا عن اى حاجة تانية دة لان الالمانى كلو استاندر فى حاجات مبيهزرش فيها .. على عكس الكورى و اليابانى اللى فى الفترة بتاعت التسعينيات و يمكن حد 2005 نص العربيات مكنش فيها عوامل امان و كلها مشاكل .

,, لو جينا للتجارب مش هقدر اقولك غير على الاوبل و الباسات لانهم كانو معايا ..و فى نفس الوقت جربت السيراتو و الكورولا و النيسان و الهوندا . دة لانى مش بسمع من برة و بحب احكم بنفسى .. طبعا هناك فرق السما من الارض ( ماعدا الهوندا ) و مش هتكلم كتير عشان الناس بتزل منى يا عم :)

بالنسبة بقى ليا و لناس كتييييييير اوى اشترى بى ام موديل 2005 مثلا .. بلاش اشترى c180 موديل 99-2000 انظف 100 مرة من تيوتا 2020 :)))

يكفى ان للاسف الاستهبال اللى عندنا خلى الكيا و التيوتا توصل لاسعار الجيتا و يمكن تعدى الاوبل !!! بس مش هلوم التجار لان دة عرض و طلب - هما شايفين الناس كدة .. هلوم اللى بيجيلو قلب يدفع اكتر من 150 الف فى عربية يابانى !!! و قدامو عربية المانى برقبتها و مش بس كدة ,, يمكن الالمانى فى بعض قطع الغيار و الصيانات بقت اقل من اليابانى !!!!

دى وجهة نظرى ممكن تكون شايفها غلط عادى جدااااااااااا .. بس راى كفاية كلام عشان شايف حد ابتدى يهرج شوية .. مساء الفل

[Amr_650]

طبعا من وجهه نظري

المقارنه ظالمه

لان سعر مقابل قيمه لو الاوبل حاله افضل كتييير جدا من التيوتا 2014

لاكن المقارنه تكون هل الاوبل 98 ذي التيةتا 98 سنه 2014 لو نفس الحاله

هوه اجابه السؤال ده هيه الخلاصه

كلام صح جداا و الحوار فية يطول

[TeMoON]

ما شاء الله منورين يا شباب وتسلم ايديكم على الردود وعلى المعلومات الى استفدنها منكم فا ربنا يبارك ليكم فى حياتكم يارب
وبردو السيراتو اجدع من الالمانى :p فى مصر بس عشان تكاليف الصيانه والمصاريف

[ahmzd]

رأيي الشخصي ، وباختصار شديد .. الألماني ألماني !!

[TeMoON]

رأيي الشخصي ، وباختصار شديد .. الألماني ألماني !!

هو فعلا الالمانى المانى ولا يعلا على الالمانى فى كل مكان بالعالم والالمان معروفين بأنهم رقم 1 فى الماكينات ورقم 1 فى السيارات ومعروف ان بى ام ومرسيدس من العربيات رقم 1 فى الفخامة والجودة والمتانه وطبعا ركوبة الالمانى غير اى ركوبة تانيه لا يابانى ولا كورى ولا فرنساوى ولا امريكى ولا الكلام دا كله بس الفكرة هنا اني عاوز اغير لحاجة مصاريفها اقل من الالمانى وتكون فى اعادة البيع سهلة وماتخسرش ودا الى ماشى حاليا فى البلد فى الكورى انما غير كدا لا يمكن مقارنه كورى او يابانى او ماليزى او اى صناعه تانية بالصناعه الالمانية

[blazer]

طيب مبصتش ليه على كيا سبورتاج او هيونداى ix 35 ?
ولو انى شايف السيراتو ممتازه و مبينسهاش غير الفلواس و الكورولا

[TeMoON]

طيب مبصتش ليه على كيا سبورتاج او هيونداى ix 35 ?
ولو انى شايف السيراتو ممتازه و مبينسهاش غير الفلواس و الكورولا

الاسبورتاج غاليه عليا حاليا لانى قولت انا بفضل اركب العربية هاى لاين فا عشان كدا اختارت السيراتو
بالنسبة للهيونداى ix35 اخويا معاه واحدة وماحبتهاش لانى شايفها فقيرة جدا من جوة
وغير كدا انا بفضل العربيات السيدان

انا بصيت على الفلوانس عربيه ما شاء الله محترمة بس مشكلتها ان فى اعادة البيع بتخسر جامد والكورولا مش بحبها اصلا وللاسف مش عاجبنى الموديل الجديد وغير كدا الهاى لاين بتاعتها غاليه فا انا مش عاوز اوصل ل 200 الف فى عربيه لانى شايف انى ادفع فى يابانى او كورى اقل من 200 الف ولو هدفع اعلى من 200 الف يبئة اركب المانى افضل

[محمد بدر]

ياسيدي الفاضل توكل علي الله
السيراتو سيارة ممتازة وكفاية الانتشار الرهيب للكوري. ولسه الناس بتخبط فيه والله أنا مندهش جدا.
وبعدين الكوري انتشاره في العالم كله يعني مش مصر بس.
الكوريين لو مش واثقين في منتجهم مكنش اسعاره قربت علي الياباني والألماني كمان وما زال منتج منافس.
والله صديق لي باع سيارته الياباني 2013 واشتري كوري 2013 . ومن غير ذكر انواع بعينها. الراجل حاسس انه صلح غلطته رغم خسارته وسعيد جدا بسيارته الكوريه .

[TeMoON]

ياسيدي الفاضل توكل علي الله
السيراتو سيارة ممتازة وكفاية الانتشار الرهيب للكوري. ولسه الناس بتخبط فيه والله أنا مندهش جدا.
وبعدين الكوري انتشاره في العالم كله يعني مش مصر بس.
الكوريين لو مش واثقين في منتجهم مكنش اسعاره قربت علي الياباني والألماني كمان وما زال منتج منافس.
والله صديق لي باع سيارته الياباني 2013 واشتري كوري 2013 . ومن غير ذكر انواع بعينها. الراجل حاسس انه صلح غلطته رغم خسارته وسعيد جدا بسيارته الكوريه .

انا مع حضرتك فى كلامك وماقولتش حاجه بس ربنا يسهل وناخد الخطوة اننا نبيع الجيتا ونجيب السيراتو وربنا يسهل صحيح هفتقد الجيتا بس اهو هنعمل ايه للضرورة احكام

[minicooper20]

طول عمرها عمله مشاكل السيراتو دى هى و الفرنا هههههههههه
ظبط. الجيتا يا عم الحج و خليك فى التعرفو و خليها معاك
الجيتا انصصها مليا الحرفين و انتا مشيك كولو فى البلد يعنى استهلاك بسيط
انا العربيه دى كانت معيا و عارف كل مسمار فيها المظات يا باشا المظات
ظبطها كده و اركبها و لما تعوز تبعها شان تجيب بى ام كلمنى و انا هاخدها لى اخويا يا عم
سيراتو ايه بس يا عم الحج
عربيه ٢٠١٤ و بدنجل ورا
دى وجه نظرى فى الموضوع
اما بالنسبا للنقاش فى الصانع
فا زى ماليابان بتعمل سيفك و كرولا
بتعمل سيتى و ياريس و داهاتسو
و زى كوريا مبتعمل ريو و سيراتو و اكسنت و النترا
بتعمل اوبتيما و سوناتا و جينسيس و سينيتال كمان و حبيبتى ازيرا
فا كل واحد على قد فلوسو
حتى مرسيدس بتعمل عربيات شمال زى ال b كده
فا قشطه يعنى
نصيحتى خلى الجيتا

[TeMoON]

طول عمرها عمله مشاكل السيراتو دى هى و الفرنا هههههههههه
ظبط. الجيتا يا عم الحج و خليك فى التعرفو و خليها معاك
الجيتا انصصها مليا الحرفين و انتا مشيك كولو فى البلد يعنى استهلاك بسيط
انا العربيه دى كانت معيا و عارف كل مسمار فيها المظات يا باشا المظات
ظبطها كده و اركبها و لما تعوز تبعها شان تجيب بى ام كلمنى و انا هاخدها لى اخويا يا عم
سيراتو ايه بس يا عم الحج
عربيه ٢٠١٤ و بدنجل ورا
دى وجه نظرى فى الموضوع
اما بالنسبا للنقاش فى الصانع
فا زى ماليابان بتعمل سيفك و كرولا
بتعمل سيتى و ياريس و داهاتسو
و زى كوريا مبتعمل ريو و سيراتو و اكسنت و النترا
بتعمل اوبتيما و سوناتا و جينسيس و سينيتال كمان و حبيبتى ازيرا
فا كل واحد على قد فلوسو
حتى مرسيدس بتعمل عربيات شمال زى ال b كده
فا قشطه يعنى
نصيحتى خلى الجيتا

ههههههههههه عندك حق فى كلامك بس الفكرة انى زهقت وعاوز اغير والبلد زى الزفت وحرام اشترى عربية غالية فيها وفى الاخر تتهان من شوارعنا انا قولت اركب كورى علشان هو الى عملى فى البلد بنت التييت دى
انا اول واحد اشهد للجيتا بالوجودة والمتانة مش موجودة لا فى يابانى ولا كورى لان انا اصلا استخدامى غير ادمى مع العربيه والحمد لله عمرها ما كسفتنى فا ما شاء الله انا شايفها اجمل عربية نزلتها فولكس هى والباسات وعربيات ما بتتعوضش بس انا من النوع الى بيزهق وعاوز يغير فا دى مشكلة تانية بالنسبالى,
انا هشدها وربنا يسهل ممكن تزغلل فى عينى تانى وما ابيعش

[alzelafy]

دا الموضوع صعب كونك تنزل من المانى الى كورى صعب جدا جدا سيبك بقى من الكماليات و الشكل و الموديل و الحبشتكانات اللى ملهاش لازمه دى هتحس بفرق فظيع .....ممكن تشوفلك فانتازيا او سكودا a7 الجديدة بس انا مش عارف هى بكام او كورولا 2011 2012 حاله

[م.أحمد الدسوقي]

يا باشا حرام عليك نفسك مش كدا

الخيار بتاع السيراتو ده ياريت شيله من دماغك خالص

هما خيارين يأما تشد الجيتا وتنعنشها وانا بفضل ده

ياما اوكتافيا علي الاقل اهي من عيلة الفولكس بس الاصدار الاقتصادي بتاعها

مفيش الماني في الفئة السعرية دي الا الاوكتافيا بيز لاين او استرا ودي ابعد عنها برضة

شد الجيتا يا باشا وخليها عروسه واديها غسله كيماوي ولو حتي فرش جلد عند جينز كارز ورشه في ورشه نايل موتورز

وصيانه في التوكيل --- حترجعلك عروسه دي الماني يعني بسبع ترواح