ايه الافضل بين كيا سيراتو فئة ثانية و صني سوبر صالون 2014

[Mohamed-Omar]

السلام عليكم
انا كنت عايز اعرف ايه افضل بين
السيراتو فئة ثانية اللي فيها تقريبا ( مثبت سرعة ،فتحة سقف )157.000
و النيسان صني سوبر صالون الشكل الجديد 127.000
وانا بصراحة عايزها تبقى واسعةو تقفيلها حلو وثابتة و قطع غيارها موجودة
علما اني كنت نويت على البيجو 301 بس عرفت ان مراكز صاينتها بيعدة عني قوي فاستبعدتها من الموضوع
و قولت طالما هقسط اجيب حاجة استمتع بسواقتها
فياريت لو حد عنده اي معلومات عنهم او جرب و ساقهم قبل كده يساعدني
اه وكان عندي استفسارتاني( معلش انا عارف اني طولت عليكم ) بخصوص التقسيط في المعارض : هو لما بدفع المقدم ويقولي تعالى استلم مثلا بعد 3 ايام
هل بيبقى فيه اثبات معايا اني دفعت المقدم و بتبقى ايه خطوات التسليم ؟....ﻻني قلقان بصراحة عشان دي اول مرة ااقسط
وشكرا مقدما

[prooo]

ياراجل حرام عليك ..... بتقارن ايه بايه .....السيراتو طبعا ...... ونصيحه ليك لو هتجيب سيراتو روح هاتها من التوكيل .... والتوكيل في قسط كمان .... يبقى كده انت ضمنت فلوسك ..... وضمنت ان مفيش اي شبهه حرام عشان انت بتقسط مباشر مع التوكيل ..... واخر حاجه ابعد عن الصني تماما .... وكمان البيجو ابعد عنها .... والله زعلتني انك تقارن السيراتو بالصني

[Mahmoud/Nabil]

بتقارن عربيه قطع غيار و ميكانيكي مركبها علي بعد و مسميها صني بالسيراتو .... حرام عليك :d
الصني ممكن تتقارن بالريو و بردوا لو في الحاله دي الريو تكسب ... صني بالنسبالي عربيه متتركبش خالص

[Mohamed-Omar]

ياراجل حرام عليك ..... بتقارن ايه بايه .....السيراتو طبعا ...... ونصيحه ليك لو هتجيب سيراتو روح هاتها من التوكيل .... والتوكيل في قسط كمان .... يبقى كده انت ضمنت فلوسك ..... وضمنت ان مفيش اي شبهه حرام عشان انت بتقسط مباشر مع التوكيل ..... واخر حاجه ابعد عن الصني تماما .... وكمان البيجو ابعد عنها .... والله زعلتني انك تقارن السيراتو بالصني

بشكرك على الرد و الاجابة بسرعة
وانا متفق معاك طبعا وعارف يعني ايه تكون راكب سيراتو
و بصراحة انا ميااال للسيراتو اكتر
بس انا قولت الصني بوسعها و مكيفها و السنسور الخلفي و الصاج بتاعها من بره
ممكن تنافس في فئة العرببات السيدان.....
بخصوص السيراتو ...يايريت لو تقولي فئاتها و المواصفات عشان وانا بدور على contactcars لقيت في
فئات مش منزل مواصفاتها و كاتب اسعارها بس و عامل ممكن 7 فئات منها فهل في ليها 7 فئات فعلا ولا ايه ؟
وبالنسبة لموضوع التوكيل هل في له فروع في الغربية ونسبة الفايدة في التقسيط زي المعارض و لا اغلى ؟

[prooo]

نصيحه مني حضرتك لازم تنزل يوم القاهره وتروح التوكيل فرع روكسي مثلا .... او لو اسكندريه اقربللك روخ فرع اسكندريه واتفرج على العربيه على الطبيعه ..... والناس اللي شغاله هناك هتقللك على كل الفروق مابين كل الفئات .... وابعد عن المعارض .... خليك في التوكيل ..... وممكن كمان تدخل على صفحة كيا ايجيبت اعمل عليها سيرش على الجوجل وهتلاقيهم كاتبين برده مواصفات كل الفئات .....

[devil_storm]

يا راجل يا مفتري... مفيش وجه مقارنه!!!
انت ازاي بتقارن الياباني بالكوري ... ده كفايه علامه نيسان عليها هاهاها

[john55]

سيرلتو طبعا شكل ومنظر

[Mohab555]

سيراتو طبعا

[amgomaa]

متهيالي فرق السعر لوحدة يخليها مقارنه صعبه شوف انت ايه انسبلك فى السعر

Sent from my GT-S5282 using Forum Runner

[mhkorayem]

يا بيه المقارنه دي عيب وحرام
طبعاً مفيش مقارنه باي حال من الاحول بين العربيتين فرق كوالتي غير طبيعي لصالح السيراتو
ده غير ان السيراتو فئه والصني فئه تانيه خالص يعني الصني لما تحب تقارنها تقارنها بالريو وفي الحاله دي برضوا الريو تكسب وبأكتساح يعني مفيش وجه مقارنه خالص
شوف يا باشا ميزه الصني الجديده الوحيده هي زربيح الاوبشنز اللي فيها بس متخليش ده يبهرك ويورطك في عربيه أساسها مش تمام ما العربيات الصيني مليانه انبهارات بس في الاخر كوالتي في الضياع
عاوز تعرف اكتر عن الصني ادخل قسم نيسان واتفرج بنفسك على كميه الشكاوي اللي ملاكها كاتبنها بنفسهم عن عربياتهم يتهيقلي مش هتلاقي عربيه في اي قسم من الاقسام فيها كميه الشكاوي دي ولا حتى في العربيات الصيني
لو عاوز صني خليك في الشكل القديم وراي اشتري عربيه اساسه محترم ومشاكلها قليله حتى لو كانت مفيهاش اوبشنز احسن من انك تاخد أوبشنز بالعبيط ومتلاحقش على المشاكل اللي كل شويه تطلعلك في العربيه
كلمه اخيره أنا لاحظت انك في تعليق من التعليقات اتكلمت على صاج الصني على انه حاجه محترمه يتهيقلي انك محتاج تبص عليها تاني لان الصني الجديده الصاج بتاعها خفيف جداً بشكل مستفز

[Mohamed-Omar]

يا بيه المقارنه دي عيب وحرام :copy of m-s5:
طبعاً مفيش مقارنه باي حال من الاحول بين العربيتين فرق كوالتي غير طبيعي لصالح السيراتو
ده غير ان السيراتو فئه والصني فئه تانيه خالص يعني الصني لما تحب تقارنها تقارنها بالريو وفي الحاله دي برضوا الريو تكسب وبأكتساح يعني مفيش وجه مقارنه خالص
شوف يا باشا ميزه الصني الجديده الوحيده هي زربيح الاوبشنز اللي فيها بس متخليش ده يبهرك ويورطك في عربيه أساسها مش تمام ما العربيات الصيني مليانه انبهارات بس في الاخر كوالتي في الضياع
عاوز تعرف اكتر عن الصني ادخل قسم نيسان واتفرج بنفسك على كميه الشكاوي اللي ملاكها كاتبنها بنفسهم عن عربياتهم يتهيقلي مش هتلاقي عربيه في اي قسم من الاقسام فيها كميه الشكاوي دي ولا حتى في العربيات الصيني
لو عاوز صني خليك في الشكل القديم وراي اشتري عربيه اساسه محترم ومشاكلها قليله حتى لو كانت مفيهاش اوبشنز احسن من انك تاخد أوبشنز بالعبيط ومتلاحقش على المشاكل اللي كل شويه تطلعلك في العربيه
كلمه اخيره أنا لاحظت انك في تعليق من التعليقات اتكلمت على صاج الصني على انه حاجه محترمه يتهيقلي انك محتاج تبص عليها تاني لان الصني الجديده الصاج بتاعها خفيف جداً بشكل مستفز

انا عارف والله قيمة السيراتو و معاكم بس انا بقارن برضو بين عربية ياباني و كوري
وفي نقطتين
الاولى اني باسمع ان السيراتو سهل تتسرق و بتتسرق كتير فعلا فهل ده في الموديلات القديمة بس وﻻ كله ؟
النقطة الثانية
بخصوص الصاج بتاع الصني ...انا اعرف ان اضعف السيارات في الصاج الكوري والصيني و لما بشوف عربية النترا مثلا مخبوطة بتبقى متبهدلة حتى لو كانت خبطة بسيطة .............. اما الياباني فمعروف باعتماديتة ( على حد علمي يعني) ...... و عشان كده انا قولت اسال لاني الصراحة معنديش خبرة في التفاصيل الداخلية و الميكانيكية للعربيات

[mhkorayem]

انا عارف والله قيمة السيراتو و معاكم بس انا بقارن برضو بين عربية ياباني و كوري
وفي نقطتين
الاولى اني باسمع ان السيراتو سهل تتسرق و بتتسرق كتير فعلا فهل ده في الموديلات القديمة بس وﻻ كله ؟
النقطة الثانية
بخصوص الصاج بتاع الصني ...انا اعرف ان اضعف السيارات في الصاج الكوري والصيني و لما بشوف عربية النترا مثلا مخبوطة بتبقى متبهدلة حتى لو كانت خبطة بسيطة .............. اما الياباني فمعروف باعتماديتة ( على حد علمي يعني) ...... و عشان كده انا قولت اسال لاني الصراحة معنديش خبرة في التفاصيل الداخلية و الميكانيكية للعربيات

شوف يا باشا موضوع موضوع سرقات السيراتو كانت في الشكل اللي قبل اللي موجود دلوقتي وكمان كانت في موديلات 2009 و 2010 بس مش في كل الموديلات وده كان لعدم وجود الايموبلايزر بس دلوقتي كل موديلات كيا بتنزل بايموبلايزر وموضوع السرقه في الكيا قل جداً جداً

بخصوص الصاج فصاج السيراتو الجديده معقول جداً ومش خفيف فمتقلقش منه

بخصوص ان الياباني معروف باعتماديته فأحب أوضح نقتطين الاولي أن الفرق بين كواليتي الياباني والكوري دلوقتي مبقتش كبيره زي زمان ويكاد يكونو متقاربين مع بعض الاستثنائات طبعاً لكن بشكل عام معدش في الفرق الكبير اللي كان موجود زمان والشعور ده من وجهة نظري بقى شعور نفسي ليس إلا
النقطه التانيه ان الصني الجديده بعيده كل البعد عن كواليتي واعتمادية الياباني اللي أحنا نعرفها وده ممكن انت تشوفوا بنفسك زي ما قلت لحضرتك في قسم نيسان ومش كميه شكاوي ملاك الصني الجديده

لو عاوز ياباني بالكوالتي المحترمه اللي أحنا عارفينها في رنج سعر السيراتو يبقى ممكن تتكلم في لانسر شارك أو مازدا 3 أو نيسان تيدا وإن كان أنا برضوا في الحاله دي أفضل السيراتو للفرق الرهيب في أسعار قطع الغيار وتوفرها بالاضافه لسعر اعاده البيع وسهوله البيع فيما بعد

[J A G U A R]

ازاى المقارنه دى !!!!!!!!!!!!!!!!!

[Ahmed.Essam]

مش محتاجة مقارنة ولا انحياز لعربية على حساب التانية السيراتو اعلى بكتير من الصني

[mostafa magdy]

بغض النظر عن الهجوم اللي أخواتنا هجموه عليك ..
السيراتو أفضل و اشيك و أقيم و أحفظ في فلوسك ..
بالتوفيق