ممكن نصيحة من الاخوة الاعزاء ... اشتريت سيراتو مستعمل 2010

[ebrahim portsa]

السلام عليكم أشتريت ولله الحمد كيا سيراتوا 2010 مستعمل والحمد لله حالتها جيده
ممكن اتشرف بنصيحتكم لي وخبراتكم للاستفاده

مع العلم ان كنت راكب اكسنت 1999

وشكرا جزيلا لكم

[ridars]

ربنا يباركلك فيها و هيا عربية حلوة ز هتحس بفرق السما والأرض عن الأكسنت :)

[Mahmoud/Nabil]

الف مبروك و ربنا يحفظك و يكفيك شرها

[Mohamed_Ayman]

ألف مبروك ، أهم حاجة شوف لو مفهاش امبوليزر حضرتك تركب أى نظام أمان لو حتى قفل دريكسيون.
ربنا يبارك لك فيها.

[ابو ليلى]

الف مبروك ويارب يبارك فيها ويحرسها من كل شر
1 - الصيانة الدورية وتغير الزيوت والسيور فى مواعيدها
2 - البنزين مهم جدا تركز على بنزينة او اتين يكونو ثقة
3 - المطبات الحرص كل الحرص بتجيب علبة دريكسيون او بلونة خصوصا لو جنط 17
4 - اعرف عربيتك الاول وخصوصا السيراتو بلاش جرى بلاش جرى
وتحت امرك فى اى سؤال

[Ahmed.Essam]

الف مبروك عليك ربنا يباركلك فيها ويكفيك شرها
و زي ما الاستاذ ابو ليلى قال لحضرتك كده تمام وغير زيت كمان واكتب غيرته والعداد عامل كام وفي شهر ايه واحسب عليه عشان تغيره في معاده

[romio2000]

ممكن اعرف انا برضه اشتريت سيراتو 2010 بس مش لاقى امبير حرارة سألت واحد راكبها قالى مش بتنزل بأمبير حرارة هل الكلام ده صحيح ولو موجود مكانه فين

[borio1704]

ممكن اعرف انا برضه اشتريت سيراتو 2010 بس مش لاقى امبير حرارة سألت واحد راكبها قالى مش بتنزل بأمبير حرارة هل الكلام ده صحيح ولو موجود مكانه فين

متهيألي في الشاشة الوسطانية اللي فيها عداد الكيلومترات..

بس يمكن يكون موجود في موديلات معينة

بصراحة.. مش متأكد


...

[ابو ليلى]

اللمبة فى الموديل ده بتنور وقت الحاجة ومفيش مؤشر ....

[ebrahim portsa]

مش لاقي كلام اقوله سوي ألف شكرألف شكرألف شكر لكل من كتب وقال لي نصيحة بارك الله فيكم

وعايز اعرف الاقي مفتاح الزجاج فين وبكام
واللي بايظ السوسته بتاعه زجاجي
شكرا أستاذ ridars
شكرا استاذ Mahmoud/Nabil
شكرا Mohamed_Ayman

[ebrahim portsa]

وشكر خاص للسيد مشرف القسم ابو ليلى وأكيد مش هقدر استغني عن مشوارتك زاكيد هقرفك