مميزات البربريز الامامى للسيراتو؟

[Bently]

اانا النهارده روحت توكيل كيا و غيرت البربريز الامامى لسيراتو 2012 بتاعت صاحبى..... التكلفة (3040 جنيه) انا بصراحه مستغرب الرقم
هل حد عنده علم (عدد طبقات الزجاج) او هل به طبقة تحمى من الاشعة فوق البنفسجية ام لا

[mhkorayem]

اانا النهارده روحت توكيل كيا و غيرت البربريز الامامى لسيراتو 2012 بتاعت صاحبى..... التكلفة (3040 جنيه) انا بصراحه مستغرب الرقم
هل حد عنده علم (عدد طبقات الزجاج) او هل به طبقة تحمى من الاشعة فوق البنفسجية ام لا

السعر ده سعر الزجاج بس في التوكيل ولا ده شامل التركيب ؟؟؟
وهل السعر ده شامل الضريبه ولا لسه هتضاف

[محمد بدر]

بغض النظر فيه كام طبقه وموضوع حجب الاشاعه الفوق بنفسجيه والكلام ده
الناس كلها بتركب جريش وماشاء الله شغال. زي الفل

ومتنساش ان الزجاج ممكن يركب أكثر من مره في السنه الواحده
ويرجع يتخبط تاني وكلنا بنسافر وبنشوف عربيات السن ربنا ينتقم منهم شر أنتقام
ولو العربيه مركونه في الشارع والعيال بتلعب ولا الشباب بيهزر طبعا الكلام ده كله عادي ربنا يسترها
خلينا في جريش التكلفه أقل بكثير و التركيب ممتاز

[Bently]

السعر شامل الضريبة و التركيب بس رأى انه كتييييير عليه
و فعلا جريتش زى الفل بس المهم يكون طبقتين عشان الامان

[samoreception]

وبيقولك الكورى رخيص فى قطع الغيار
واحد صاحبى معاه سكودا فانتازيا ولسه مغير زجاج امامى فى التوكيل ودفع 1775 شاملة الضريبة والتركيب

[mhkorayem]

بغض النظر فيه كام طبقه وموضوع حجب الاشاعه الفوق بنفسجيه والكلام ده
الناس كلها بتركب جريش وماشاء الله شغال. زي الفل

ومتنساش ان الزجاج ممكن يركب أكثر من مره في السنه الواحده
ويرجع يتخبط تاني وكلنا بنسافر وبنشوف عربيات السن ربنا ينتقم منهم شر أنتقام
ولو العربيه مركونه في الشارع والعيال بتلعب ولا الشباب بيهزر طبعا الكلام ده كله عادي ربنا يسترها
خلينا في جريش التكلفه أقل بكثير و التركيب ممتاز

ما هو الزجاج ممكن يركب اكثر من مره في السنه الواحده فعلاً عشان مش اصلي ومش بيستحمل زيه
لكن الاصلي بتركبه وتنساه خالص ومش بيحصله حاجه غير لاقدر الله لو كانت مشكله كبيره غير الحاجات التانيه اللي بتتشرخ من اقل حاجه
ممكن الواحد يركب زجاج غير الاصلي في الزجاج الجانبي او الخلفي لكن الامامي احسن حاجه الواحد يجيب الاوريجينال لانه هو اكتر زجاج عرضه للكسر بالاضافه لعامل الامان عشان لاقدر الله اي مشكله هتلاقيه فوشك بالاضافه انه لو شرخ جامد او سرطن بيحجب عنك الرؤيه وانت سايق
لكن طبعاً إذا كان مش معايا تمنه هركب اي حاجه وهمشي حالي لحد ما تفرج
وده رأي الشخصي اللي ممكن تتفقوا أو تختلفوا معايا فيه

[S O P H O S]

الاصلي بيفرق بصراحة
لكن بالسعر ده انا اغير زجاج كل سنة احسن

[mahmoud_afifi]

الزجاج الاصلي بيحمي من الاشعه فوق البنفسجيه و أقوى من جريش.

عندي التابلوه لونه راح بعد سنه من تركيب ازاز جريش. يعني الي وفرته من الازاز خسرته في حاجه تانيه.