انا اشتريت سيراتو 2010

[romio2000]

السلام عليكم ورحمة الله وبركاته انا اشتريت كيا سيراتو 2010 اتوماتيك عاملة 31000 كيلو صاحبها عامل صيانة 30000 كيلو فى التوكل بس فيه بعض الأسئلة عايز اعرف اجابتها
1- وانا دايس على الفرامل وانقل لما ارفع رجلى من على الفرامل بسمع صوت غريب
2-هل السيارة بها مؤشر للحرارة لأنى سألت واحد معاه نفس الموديل قالى مفيهاش فيها لمبة بتنور لما الحراراة تعلى انا مش مصدق عربية موديل 2010 ومفيهاش امبير حرارة
3- هل السيارات دى بتزود مياه ولا ايه للردياتير
4- ارجو بعض النصائح لأنى معملتش اى حاجة فى العربية من اول لما اشتريتها من اسبوع واقرب توكيل مع العلم انى ساكن فى ميدان الجيش وصاحبها كان بيتعامل مع توكيل ابو رواش

[mac os]

موضوع مؤشر الحراره ده فى عربيات كتير مفيهاش زى الياريس والبيجو301 مش شرط تكون عربيه حديثه علشان يكون فيها مؤشر او مفيهاش دا على حسب تصميم العربيه واكيد الرداتير بيتزود مياه خضراء

[Mostafa Hessen]

موفق والف مبروك

[romio2000]

شكرا لردود الاخوة الاعضاء وبالنسبة للصوت اللى بعد رفع الفرامل ومكان اقرب صيانة

[mahmoud_ali]

مبروك وربنا يديك خيرها ويكفيك شرها ومتابع موضوع الفرامل ده

[ابو ليلى]

السلام عليكم ورحمة الله وبركاته انا اشتريت كيا سيراتو 2010 اتوماتيك عاملة 31000 كيلو صاحبها عامل صيانة 30000 كيلو فى التوكل بس فيه بعض الأسئلة عايز اعرف اجابتها
1- وانا دايس على الفرامل وانقل لما ارفع رجلى من على الفرامل بسمع صوت غريب
2-هل السيارة بها مؤشر للحرارة لأنى سألت واحد معاه نفس الموديل قالى مفيهاش فيها لمبة بتنور لما الحراراة تعلى انا مش مصدق عربية موديل 2010 ومفيهاش امبير حرارة
3- هل السيارات دى بتزود مياه ولا ايه للردياتير
4- ارجو بعض النصائح لأنى معملتش اى حاجة فى العربية من اول لما اشتريتها من اسبوع واقرب توكيل مع العلم انى ساكن فى ميدان الجيش وصاحبها كان بيتعامل مع توكيل ابو رواش

الف مبروك ويارب يبارك فيها ... ممكن اعرف بكام ؟
طبعا موضوع الصيانات مهم وانت المفروض بتطلع على الفواتير وخصوصا اخر صيانة
لان فى شى غلط العربية عملت 4 صيانات فى 4 سنين يبقى هو كان ماشى بالزمن مش بالكيلو خد بالك مش شرط تعدى 10000 الف كيلو
علشان تعمل الصيانة اما 10 الاف او 10 شهور كحد اقصى راجع اخر صيانة واعرف ايه اللى اتعمل فيها

موضوع الفرامل محتاج اعرف هو الوير ( الدواسة ) كهربا ؟
فى علبة هتلقيها لونها ابيض فى نص العربية دى اللى بتزود منها على حسب الموشر ولحد حرف f وطبعا ميه خضرا
مفيش مؤشر حرارة ولكن فى لمبة بتنور وقت لما العربية تسخن عن الحد المسموح ( حساس )
النصائح تطمن على الكاوتش وخصوصا لو 17 لوجود بلالين وتعمل حسابك على بطارية لان كده عدى عليها 4 سنين ومتوقع فى اى وقت تموت .
العربية حساسة جدا للبنزين يعنى تاخد بالك كويس انت بتتعامل مع انهى بنزينة وتستقر عليها
بص بقى هيجى عليك وقت تحس ان العربية طيارة والعفشة ناعمة جدا ووقت تانى هتحس انها مخنوقة والعفشة ناشفة جدا لا تقلق بمجرد ما
تطفى وترجع تدور تانى بعدها بفترة بسيطة لا تقلق العربية حساسة والكمبيوتر شكله بيعمل متواسطات متاخرة شوية احنا اتعودنا على كده ....
وساعات بنحس ان عليها عفريت
الكوتش 30 انسب حاجه .....
الصيانة طبعا فى التوكيل وحاليا فى مراكز كتير معتمدة وبتختم دفتر الصيانات ادخل هنا هتعرف اقرب مركز ليك ايه
https://www.facebook.com/kiaEgypt/app_423053634415127

[S O P H O S]

الف مبروووك

[Mohamed_Ayman]

ألف مبروك ، موضوع مؤشر الحرارة ده فى عربيات كتيير.

[romio2000]

شكرا ابو ليلى على الرد الوافى
السعر 101500 فابريكة بالكامل ما عدا رفرف خلفى شمال معمول فى التوكيل الاستبن لم يستخدم جنوط 16 طارة مالتى حساسات ركن جهاز انذار متركب فى التوكيل
اخر صيانة كان عاملها صاحبها سبتمبر 2013 وكان مغير فلتر هواء وفلتر زيت وزيت وكان عاملها عند 27700 كيلو وهما كاتبين القادم عند 32000 كيلو هى دلوقتى 31150 كيلو
بالنسبة لموضوع الفرامل انا لسه معرفش إذا كانت الدواسة كهربا ولا لأ

[ahmedelrayan]

الف مبروك يا باشا ربنا يديك خيرها ويكفيك شرها انا معايا سيراتو 2010 فئة الsx وموضوع مؤشر الحرارة ده انا عندى عبارة عن باور وبيقف عند النص بالظبط ممكن اعرف سيارة حضرتك الفئة الكام بالظبط عشان اعرف اساعدك وموضوع الفرامل ده انت بردو مش موضح اوى ايه اللى بيحصل

[romio2000]

أ احمد الريان هى فئة ex 2010 وموضوع الفرامل ده مش على طول بس انا اعتقد ان ده صوت التيل لما يفتح

[ahmedelrayan]

أ احمد الريان هى فئة ex 2010 وموضوع الفرامل ده مش على طول بس انا اعتقد ان ده صوت التيل لما يفتح

اوك تمام والف الف مبروك مرة تانية هو الفرق ان انا عندى كمبيوتر للسائق بيعرفك كل حاجة عن العربية زى الحرارة والبنزين اللى فيها يمشيك كام كيلو وحاجات تانية كدة وانا تحت امرك فى اى حاجة انت عايز تعرفها

[ebrahim portsa]

الف مبروك يا باشا وربنا يديك خيرها ويكفيك شرها
وياريت أبوليلي يعمل لنا جروب علي الفيس يكون هو الادن بتاعه

[ابو ليلى]

وياريت أبوليلي يعمل لنا جروب علي الفيس يكون هو الادن بتاعه

اشكرك على الثقة ولكن فكرة جروب على الفيس صعبة لان مميزات المنتدى اكبر بكتير
هنا لو هعملت بحث عن اى موضوع خاص بسيارات كيا هتلاقيه وده غير موجود فى الفيس .
الفيس متحكم فيه شخص واحد وهو الادمن يعنى بيملك شى غير ملكه من موضوعات ومناقشات وبيتحكم فيه بضغطة زرار كل شى راح .
الفيس فكرته الاساسية شخصيا واجتماعيا ولكن هنا التخصص فى العربيات ...
دى وجهة نظرى اللى اتمنى تكون مقبولة وتحياتى لك وعذرا لصاحب الموضوع

[romio2000]

انا اسف ابو ليلى بس حضرتك سألتنى شوية اسئلة انا رديت عليهم فى الصفحة الأولى ومنتظر رد سعادتك