حصريا تغطية سيراتو كوبيه من معرض فورميلا اوتوماك 2014 ...خلى بالك من نفسك

[ابو ليلى]

السلام عليكم ورحمة الله وبركاته
اعضاء قسم كيا الكرام فى البداية انا بعتذر جدا عن التاخير فى تغطية المعرض ولكن لظروف خارجة عن اردتى وشوية كسل منى

السيراتو كوبيه تحفة كيا الجديدة وتحدى من نوع اخر للباحثين عن السرعة والسيارات الرياضية من اول ظهور لها فى الاسواق المصرية وهى فى الصدراة للباحثين عن هذه الفئة وبالفعل انتشرت انتشار غير متوقع فى مصر والى الان محافظة على سعرها ومطلوبة وبنسبة معقولة وخصوصا انها سيارة رياضية بالمقام الاول .
المتابعين لهذه الفئة كانو فى لهفة لرؤية الاصدار الجديد منها وبالفعل فى هذا المعرض اتحفنا توكيل كيا فى مصر بالسيارة الغير متوقعة
و المفاجاة الجريئة وهى نزول السيارة بفيس لفت جديد وموتور GDI تربو 1600 بقوة 205 حصان .... ايوة 205 حصان فى عربية كورى فى مصر
التربو twin scroll من شركة BorgWarner زى اللى راكب فى المواتير الـ 1.6 الجديدة من بى ام



المعلومات المتوفرة قليلة فموعد نزولها على حسب المندوبين هو اخر السنة معنى ذلك سترخص لسنة 2015 لايوجد اسعار محددة الى الان
ولكم مطلق الحرية فى التسعير على حسب الموصفات
شاشة المعلومات اللى بين العدادات دى lcd tft حجمها 4.2 انش
وشاشة الكاسيت tft باردوا بحجم 4.3 انش وتاتش
ودا شكل العدادات





دى كل المعلومات المتوفرة وياريت اللى عنده معلومات يفيدنا فى نفس التقرير
والان جاء موعد الصور التى تغنى عن الكلام

كل الشكر والتقدير للمبدع دائما فى التصوير ياسر الصياد

[ابو ليلى]

[blazer]

ما شاء الله
موضوع ممتاز و تصوير متميز جدا
لكن كنت اطمع فى معلومات عن العفشه و الفتيس بتاعها و ايه الفرق بينه و بين الى بينزل فى السيراتو السيدان
و توقعات عن السعر و البنزين المستخدم الى اتوقع انه مش هينفع غير 95

[M7amD_7amDy]

ياعينى عليك يا أبو ليلى هو ده الكلام

تسلم ايدك ياكبير

والعربية ممتازة طبعا ولكن... يتبقى السعررررررر !! :))

[Ahmed.Essam]

عربية جميلة ما شاء الله وتقرير ممتاز وكان نفسي يكون فيه معلومات عن الفرق بينها وبين السيراتو سيدان وسعرها هيبقى ايه كمان واللي شكله هيعددددي

[MoMo_77]

ما شاء الله تسلم ايدك علي التقرير
العربية دي تحفة و هتزعل عربيات كتييير في ال acceleration و ال top speed
بس السعر بقا ( ربنا يستر )
عيبها الوحيد في راي تصميم التابلوة كان محتاج يكون ثوري اكتر من كدة

[afrikano]

اعقد انها مش هيكون ليها سوق فى مصر

1- اكيد بنزين 95
2- سعرها هيوصل لـ230 الف
3- حاسس ان تصميمها مش ملفت اوى زى تصميم الكوبيه القديم
يعنى زيها زى السيدان فرق بس باب واحد !!

#مجرد_رأى <3

[ahmedelfeky]

الله ينور يا باشا تقرير ولا اروع من كده

تحياتي

[Silent~Dream]

موتور 1.6 بيولد 205 حصان و تربو twin scroll ايه الفجر ده بس المشكله التصميم مش ملفت و يكاد يكون السيدان العاديه و تسلم ايدك على التقرير الهايل

[monamize4]

ما تكملوا الجميل و تكلمونا عن ال specs اكتر ,, خصوصا الامان

[Mostafa Hessen]

الله ينور يا باشا تقرير ولا اروع من كده

[Hosam_Optrawy]

ايوه بقى :)

على فكره الموتور يعمل ببنزين 91 ومافوق يعنى مفيش مشاكل في البنزين خالص هو معموله tune بكدا ونزل فى الفيلوستر فى كوريا وامريكا من سنتين

المشكله في السعر اللى هايبقى غالى

الفرق الأبرز بينها وبين السيدان هو الموتور فقط , نفس الفتيس ونفس نظام التعليق مع تعديل في العفشه Sport-Tuned معرفش التفاصيل بالظبط بس اكيد هايكون فى فرق فى الفرامل مثلا عشان فرق الهورس باور

الأوبشنز ووسائل الأمان هاتبقى حسب مانت عايز لانى سمعت انها هاتبقى سبيشيال أوردر يعنى إختار اللى انت عايزه وادفع

2014 Kia Cerato Koup Turbo 0-100km/h and engine sound - YouTube

[horas3000]

تسلم ايدك علي التقرير
و تسلم ايد ياسر باشا
و المفروض المتور ده ينزل في السبورتاج
هيفرق معاها قوي

[S O P H O S]

تقرير رائع وتصوير ممتاز