نصيحه من مالكى الكارينز 2011

[regata86]

لو سمحت انا عايز اشترى كارينز 2011 و خايف من كلام الناس اللى بتقول ان الكارينز سحبها ضعيف على الطريق فيا ريت اى حد عنده العربيه يقولى اخبارها ايه على الطرق خصوصا انى بسافر كتير و مش عايز عربيه سحبها بطيق و تقيله و في نفس الوقت ان مش بطير على الطريق بس برضه لما احتاج سرعه الاقى و شكرا

[Waleed_zayan]

الحل سهل جدا ،،،، روح مكتب إيجار سيارات وأجر الكارينز الفئه اللى أنوى تشتريها لمده يوم واحد ، جربها فى كل حاجه وشوف الاوبشنز بتاعتها ، واحكم بنفسك ومتعتمدش على كلام حد ووجهه نظر شخصيه .

[mohamed_selim]

الكارينز تقيله فى الطلعه و بالمناسبه انا سقت الاوكتافيا و كانت اتقل فى طلعتها
على الطريق ممتازه بسافر بيها الغردقه و بطلع من اى عربيه على ملفات السخنه و بسافر بيها دهب و زى الفل فى مطالع نويبع بس طبعا فى المطلع بطه شويه
على طريق طوالى اكتر من ممتازه و عشان مبحبش اجرى بسوق بين ١٢٠-١٤٠ بس بجيب ١٦٠ عادى و بخاف ازود عن كده

[regata86]

فكرة جميله كانت غايبة عني يا وليد بك اما محمد بك فانا الحمدلله طريقي من غير مطالع بس فيه اسوء من المطالع و هو طريق الشرقية وده غني عن التعريف شكرا للنصيحه يا جماعه

[Ahmed.Essam]

الحل سهل جدا ،،،، روح مكتب إيجار سيارات وأجر الكارينز الفئه اللى أنوى تشتريها لمده يوم واحد ، جربها فى كل حاجه وشوف الاوبشنز بتاعتها ، واحكم بنفسك ومتعتمدش على كلام حد ووجهه نظر شخصيه .

فكرة كويسة جدا انا بأيد الفكرة دي بس اتعامل مع مكتب له سمعة ومعروف واتأكد من حالة العربية كويس جدا قبل ما تستلم والتأكيد ده يكون في حضور صاحب المكتب عشان في مكاتب بتستهبل ويقولك انت عملت في العربية كذا وكذا وطبعا هيمضيك على وصل امانة او شيك

[Waleed_zayan]

فكرة كويسة جدا انا بأيد الفكرة دي بس اتعامل مع مكتب له سمعة ومعروف واتأكد من حالة العربية كويس جدا قبل ما تستلم والتأكيد ده يكون في حضور صاحب المكتب عشان في مكاتب بتستهبل ويقولك انت عملت في العربية كذا وكذا وطبعا هيمضيك على وصل امانة او شيك

[Ahmed_Adham]

خد بالك الايجار مش هيخليك تحكم على العربيه صح لأنك مش عارف ايه نظامها في الصيانه فلو العربيه مش متصينه كويس هتاخد عنها فكره وحشه. العربيه طبعا تقيله بس فيه عربيات سيدان تقيله زيها في التسارع زي الاوكتافيا زي ما الاخ محمد سليم قال.

خلاصه الكلام أهم ميزه في الكارينز المساحه الكبيره اللي فيها واللي بتريح اللي قاعدين ورا في السفر لأن مساحه الرجل كبيره وكمان مفيش عمود في النص فالتلات ركاب ورا بيبقو مرتاحين بنفس القدر ده غير مساحه الشنطه الرهيبه وكمان مدخلها واسع.

لو مش محتاج فرق المساحه عندك سيراتو كمالياتها اعلى وتسارعها افضل ده لو غاوي كيا بس.

[محمد بدر]

قولا واحدا فاصلا .
الكارينز هي السيارة العائلية الأولي في مصر.
دون منافس أو منازع.
وسيارة الأحجام الكبيره وسيارة ممتازه في نقل الأغراض.
وسياره لها مهام كبيره وكثيره.
ولا يعرف قيمة هذه السيارة الكثيرين.
فعلا هي صفقه رابحه.

[regata86]

و الله انا مش غاوى كيا و لا حاجه بس هي مشكله فلوس مش اكتر انا معايا 130 و مش عارف اجيب ايه الأسعار غاليه جدا وملقتش في الرنج ده الا كارينز

[Waleed_zayan]

لو مش محتاج المساحه الكبيرة ارشحلك لانسر بومه من موديل 2007 ل 2009 سوبر اكشن تكون نضيفه ، عربيه اكثر من ممتازة واعتماديه جداً جداً وسعر أعاده بيع هايل

[regata86]

ما هي المشكله انى معايا حاليا بومه 2005 1300 كلامك صحيح بس مش هحس بالتغير الكبير شكرا ليك

[Waleed_zayan]

أنا شخصيا معايا لانسر بومه سوبر اكشن 2008 ان شاء الله هبيعها لما الاقى كارينز نضيفه

[regata86]

ربنا يبارك و ان شاء الله نهنيك على الكارينز النهارده حصل تغيير وبفكر في الستروين اليزيه زيرو تفاجئت بسعرها و امكانيتها وفى واحد عارض عليا النترا 2012 ربنا يخلصنى من الحيره دى بقى و انجز

[Waleed_zayan]

من غير حيره ولا حاجه ، شوف احتياجاتك ايه من العربيه ، لو محتاج مساحه للعائله ووسع وأماكن تخزين كتير تبقى الكارينز بدون بديل ( فى السعر ده ) ، لو عايزها سيدان يبقى عندك اختيارات اخرى تحددها إمكانيات العربيه و القدرة الشرائية ، وبالتوفيق