مشكله في باور الكيا سول

[adhamxx]

السلام عليكم
ياجماعه العربيه مره واحده بدورها لقيت الدركسيون تقيل جدا زي ما يكون بتاع عربيه موديل 50
وبصيت ع الزيت لقيته فل
وف لمبه eps منوره دايما ف التابلوه
هل حد عنده فكره م الموضوع

[Ahmed.Essam]

لمبة EPS يعني Electronic Power Steering
فكده حضرتك اكيد عندك مشكلة في الباور والكهربا واكيد لازم تشوف للمشكلة دي في التوكيل او اي مكان تضمنه

[adhamxx]

شكرا لرد حضرتك
بس هل ده ممكن يكون عيب ايه
يعني مثلا طرمبه دينامو فيوز
خاصه اني سمعت اسعار خياليه ف الموضوع ده

[toty_305]

الباور كهرباء يعني ملهوش زيت أصلا
العيب ده يبقى الباور باظ للأسف و الاسعار جديد خيالية فعلا
العرييات الكوري الباور بيبوظ كأنه تيل فرامل حسبي الله و نعم الوكيل

[kokowasfy]

وديها التوكيل شوف هيقولك اية فى الموضوع دا ممكن يكون عيب بسيط

[adhamxx]

لسه راجع من التوكيل
المهندس قلي القاطمه بتاعه الدركسيون باظت هي ومكنه الباور والكنترول
وهتكلف 12 الف من غير التركيب
والراجل نفسه قلي حرام تاخدها من عندي هاتها استيراد وانا ممكن اركبهالك

[د.عماد صلاح]

12 الف جنيه من غير المصنعيه و الضرائب ؟؟!!!!
هو كل العالم ماشي كده ولا للاستهبال ده في نصر بس

[mohamed_selim]

هو انت مش فى الضمان؟

[ahmedsrs]

هى العربية موديل كام وخليجى ولا توكيل وفى الضمان ولا بره الضمان

[toty_305]

-إشتري إستيراد و بعدين بيع العربية المشكلة متتكررة للأسف في جميع موديلات هيونداي-كيا و الباور هيبوظ تاني
-ده فيه عربيات بتعيش 200 250 ألف بالباور اﻷصلي #فخر_الصناعة_الكورية -_-

[Ahmed.Essam]

بتقول كام ؟!!!!

[adhamxx]

لسه راجع حالا من عند الكهربائي
طلع الكونترول بتاع الباور هو اللي بايظ

اشتريته استيراد (حليته من العربيه وانا واقف)
وكمان اخدت منها قرص اير باج عشان الطاره المالتي مكانتش شغاله
وكمان جبت دراع نور من نفس العربيه عشان دراع النور عندي كان بايظ
تكلفه ال3 قطع دول 1700 جنيه بعد الفصال
والكهربائي اللي ركبهم اخد 300 جنيه

يعني الموضوع كلف 2000 جنيه قفل

والحمد لله علي كل حال

[adhamxx]

وشكرا لكل الناس اللي ادتني رايها
وعربيتي 2010 خليجي ف بره الضمان

[ahmedsrs]

مبروك لحل المشكلة وشكرا للافادة بس سؤال هو كل باور كهرباء له كنترول والكنترول ده عبارة عن ايه (كنترول ذى بتاع الموتور ولا شريحة الكترونية ولا كتاوت)

[adhamxx]

مبروك لحل المشكلة وشكرا للافادة بس سؤال هو كل باور كهرباء له كنترول والكنترول ده عبارة عن ايه (كنترول ذى بتاع الموتور ولا شريحة الكترونية ولا كتاوت)

الله يبارك فيك ياباشا
بالنسبه للكنترول ف هو كل باور كهربا له كنترول
وهحاول ارفعلك صورته