معايا 140 الف وعاوز اشتري عربيه وعاوز نصيحه

[ahmeddija]

السلام عليكم
انا معايا 140 الف وعاوز اشتري عربيه كويسه

انا ميال ناحيه الريو
سألت عليها النهاردا قالي في فئه ب 136 فيها فتحه سقف وجنط 17 وebs و2 ايرباج وطاره مالتي وبلوتوث وفاميه ومافيهاش ليدات ولا سيسور ركن

انتم لو مكاني تشتروا ايه بالسعر دا

[Ahmed.Essam]

دي نفس الفئة اللي معايا

[ahmeddija]

وعامله ايه معاك يا برنس .. وهل فتيسها ستيبترونك ولا ايه .. واللي معاك لونها ايه .. وهل هي ضيقه من جوا ولا ايه

[Ahmed.Essam]

وعامله ايه معاك يا برنس .. وهل فتيسها ستيبترونك ولا ايه .. واللي معاك لونها ايه .. وهل هي ضيقه من جوا ولا ايه

فيها ستيب ترونيك
لون احمر
لو هاتشباك بتبقى فعلا مش واسعة من ورا اوي وسعها متوسط يدوب 3 اشخاص احجام مش كبيرة عشان يبقوا مرتاحين
لو سيدان ممكن تكون اوسع شوية من ورا
ويفضل لو هتجيبها تكون خليجي عشان الجنط 17 هيدي شكل شيك وثبات للعربية اكتر لكن عفشة ناشفة شوية

[mostafa magdy]

144 يجيبوا نيو سيراتو .. و العربيتين زي الفل القرار النهائي لحضرتك ..
تحياتي و بالتوفيق

[mby]

السلام عليكم
انا معايا 140 الف وعاوز اشتري عربيه كويسه

انا ميال ناحيه الريو
سألت عليها النهاردا قالي في فئه ب 136 فيها فتحه سقف وجنط 17 وebs و2 ايرباج وطاره مالتي وبلوتوث وفاميه ومافيهاش ليدات ولا سيسور ركن

انتم لو مكاني تشتروا ايه بالسعر دا

القرار ليك طبعا بس لو انا في نفس الموقف اشتري بيجو301 الفئه الاعلي

[ALnadi]

القرار ليك طبعا بس لو انا في نفس الموقف اشتري بيجو301 الفئه الاعلي

علشان وصل لـ 140 ألف ربنا يكرمو ويخل علي السيراتو على طول من غير كلام
وبعدين حضرتك جى فى قسم كيا وتقولوا بيجو ؟؟؟؟؟؟؟؟؟؟؟
طيب روح بيجو وقول كيا !!!!!!!!!!!!!!!

[ENG.MaRk]

بص يا باشا أنا لو معايا 140000 أشتري بيهم سكودا فانتازيا 2010 ... أنا أسف لأني بقول الكلام ده في قسم كيا بس صدقني ال140000 يركبوك ألماني محترم

[prooo]

مهو حضرتك لازم تحدد انت عاوز زيرو ولا مستعمل الاول ...... لو زيرو .... يبقى الكيا ريو السيدان او الهاتش باك الهاي لاين دي افضل اختيار .... مع احترامي لكامل اراء الزملاء بس بالنسبه للبيجو 301 انا مش عارف اززاي في ناس بترشح حاجه لحد من غير متجرب حضرتك روح قسم بيجو وشوف مشاكل الفتيس والتكييف ....... ازاي تقارنوا البيجو والريو ........... نرجع لمووضوعنا لو مستعمل حلو الفانتازيا بس مش ب 140 خالص ......

[ahmeddija]

والله انا زهقت من التدوير علي المستعمل مافيش مستعمل حلو نهائيا لاقيته
والكويس بيطلب غالي قوي
انا قررت اشتري الزيرو

[Mahmoud/Nabil]

فعلآ لو مستعمل ممكن فانتزيا زاي ما قال العضو المحترم بس لو جديد خليك في الريو هاي لاين ... انا معرفش السيراتو اول فئه ايه الكلام فيها ... بس علي العموم الهاي لاين في اعادة البيع اسرع بكتير .... اما عن ٣٠١ فا انا "كنت" عاشق للعربيه دي ... بس بعد العيوب الكتيره ال ظهرت فيها ابعد عنها تمامآ .... و قبل ما حد يقولك نيسان صني بردوا عربيه مش عربيه مع احترامي لملاكها ... انا مش متحيز للكوري بس احسن فئه في السعر ده هو الكوري ... لو مش حابب الريو ممكن اكسنت ار بي و لو مش عاجبك حاجه من دول جيب مستعمل فانتازيا او جيتا الفتيس القديم و ممكن جولف ٧

[mohamed fetoh]

والله انا زهقت من التدوير علي المستعمل مافيش مستعمل حلو نهائيا لاقيته
والكويس بيطلب غالي قوي
انا قررت اشتري الزيرو

الجديد دائما مريح برشح لك السيراتو عربيه حلوه وشيك وعمليه

[ahmeddija]

انا كلمت الشركه عن السيراتو قالوي اول فئه اوتوماتك سعرها قريب بس فاضيه خالص

[Mahmoud/Nabil]

بلاش اول فئه سيراتو هيبقي الاسم انك راكب سيراتو بس فاضيه خالص ....

[mohmmedzohier]

السلام عليكم

اشترى لانسر على الاقل تقفيل يابانى

وماتور سهل ومريحه واستب ترونيك وشكلها بقالوا كذا سنه (دى ميزه )