استفسار ضروري عن النيو سيراتو 2014

[Omar Gamal]

مساء الفل على قسم كيا الجميل،

أنا إن شاء الله نويت أشتري النيو سيراتو الشكل الجديد الأسبوع الجاي ده بس يا ريت حد من ملاكها يقولي الحاجات دي في العربية أخبارها إيه (بقدر الإمكان):

- الثبات على السرعات العالية
- الفرامل
- السحب و قوة الموتور
- العفشة

العربية دي عجباني جدا و نفسي أعرف أخبارها إيه في النقط دي قبل ما اشتري لأنها مهمة بالنسبالي

شكرا ليكم جدا يا جماعة

[شريف السيد]

سيراتو هايلاين

انا معايا سيراتو 2014 الحمد للة العربية ممتازة بالمقارنة بالعربيات التانية نفس الفئة وجنط 17 مافيهوش مشكلة معايا

[OmarEzzat93]

بس بقى يا سيدى انا معايا العربيه الفئه التالته Ef Fo و كل يوم و الله العظيم 170 كيلو عشان انا فى الزقازيق و جامعتى ناحية المقطم العربيه ثبات ممتاز ممتاز و الفراامل كمان و الفشه لحد دلوقتى مقدرش احدد ليها عيوب و انا مش بضغط عليه عشان اقول هى فى السحب عامله ايه عشان فترة التللين لاكن كل يوم ساعه و نص رايح و زيهم راجع و العربيه الحمد لله حميله جدا و يمكن عشان عربيتى جنط 16 و بجد عربيه رائعه

[Mahmoud/Nabil]

علي حسب كلام الملاك ليها .... الشكل الجديد لفضل بمراحل عن القديم و معني كده ان العربيه دي لا غبار عليها