حد يشجعنى عشان كل الاراء محبطة :(

[SHEVA11111]

انا عارف ان انا عامل مواضيع كتير بس هى عربية واحدة هتتجاب فى العمر كله فااستحملونى معلش .. انا قررت اجيب سيراتو 2014 الفئة الاولى .. هل عادى ان انا امشى بعربية من غير ايرباج وكده ولا لازم اشترى عربية فيها ايرباج خصوصا ان انا مقتنع 100 % بالسيراتو من حيث الشكل والاداء وكل حاجة .. بس القلق كله فى حكاية وسائل الامان :(

فرأيكوا ؟

[Hunting_Eagle]

طبعا مهم جدا

حاول تكمل او تصبر شوية و تجيب عربية فيها على الأقل 2 ايرباج

اللي اعرفه انها كمان مفيهاش abs

ده ما يمنعش ان في 75% من العربيات اللي ماشية في الشوارع مفيهاش ولا ايرباج و لا abs ولا حتى حزام أمان

بس الصح أصح ان يتبع .. و خصوصا انك بتشتري عربية زيرو و بمبلغ مش قليل .. فحاول تكمل علشان تاخد كل حاجة

تحياتي ...

[mostafablidy]

اهم شىء الامان فى العربية يمكن الفرامل absعندى اهم من الايرباج ل فيها فرامل abs اتكل على الله هذا رأيى والله الموفق

[MR A7MED]

السيراتوا اللى اعرفه عنها كل الفئات من اول 2014 فيها ايرباج اساسى للسواق زيها زى النترا

[prooo]

نصيحه اصبر شويه لغايه امما تجمعع تمن الفئه اللي فيها 2 ايرباج و اي بي اس .... ودي الفرق مابينهم مش كتير .... بدل متندم بعد كده

[Ahmed.Essam]

هو المشكلة بس ان عربية زيرو 2014 تبقى من غير ايرباج و abs
المفروض دي بقت حاجة اساسية
فيستحسن يا تصبر شوية وتكمل تجيب فئة اعلى
او تجيب عربية تانية فيها وسائل الامان دي لو حابب الكيا ممكن تجيب ريو هاي لاين سيدان او هاتشباك زي ما تحب

[amromdiab]

اللي خلاك تصبر علي ما حوشت 140 ألف جنيه
يخليك تصبر و تحوش كمان حوالي 15 الف جنيه كمان و تجيب فئة فيها abs
.
لان بصراحة شئ لا يعقل ان احنا نكون سنة 2014 ويكون في عربية مفيهاش abs
.
سيدي الفاضل ال abs دا اصبح اكثر اهمية من اشياء كتير داخل السيارة.
.
.من الأخر انتظر شوية صغيرين لحد ما تكمل تمن الفئة الاعلي وفيها abs

[SHEVA11111]

ده حتى الفئة التانية فى السيراتو مفيهاش اى بى اس فيها ايرباج بس !!

طب ايه رأيكوا فى الشارك الفئة التانية طيب ؟

[Ahmed.Essam]

ده حتى الفئة التانية فى السيراتو مفيهاش اى بى اس فيها ايرباج بس !!

طب ايه رأيكوا فى الشارك الفئة التانية طيب ؟

الشارك كمان ممتازة بس اهم حاجة الايرباج والايه بي اس بردو مهما كان نوع العربية

[prooo]

ده حتى الفئة التانية فى السيراتو مفيهاش اى بى اس فيها ايرباج بس !!

طب ايه رأيكوا فى الشارك الفئة التانية طيب ؟

وليه ترجع كده وتجيب موديل محروق وبقاله خمس سنين ...... اصبر شويه انا عارف انك مستعجل ومش قادر تصبر .... بس دي نصيحه ..... وارجو تقبل مروري

[simon659]

الشارك موديل محروق الزاي يعني دا احنا الي سوق محروق الشارك عربيه ليها وزنها للركيبه وعارفين يعني ايه سواقه وطعم كل دوست بنزين

[svneleven]

لا تتنازل عن ال abs. ال ايرباج مش مهم في رأيي زي ال abs و راعي ان ال ايرباج يعني لازم حزام الامان علي طول و لو مش مستعمل حزام الامان يبقي خطورته كبيره و ضرره اكبر من نفعه.

[S O P H O S]

بصراحة هو مهم جدا
خصوصا انا مثلا معايا عربية بقالها سنين وطل بعدها كذا شكل
وفيها ايرباج ما بالك اننا داخلين علي 2015 تركب عربية
بدون وسائل حماية رأي تصبر

[sonaeg]

الشارك موديل محروق الزاي يعني دا احنا الي سوق محروق الشارك عربيه ليها وزنها للركيبه وعارفين يعني ايه سواقه وطعم كل دوست بنزين

+111111

[prooo]

انا اقصد بمحروق الشكل وليس الاداء ....... الاداء معلهوش غبار ...... لكن الشكل مفيهوش اي تجديد وقديم .....