استفسار عن ورق الخليجي زيرو - ارجو المساعده

[Ramez_Fibo]

اشتريت عربيه خليجي من القرش الاتنين اللي فات
و استلمتها و باين اني اخطأت في استلامها
لاني استلمتها بدون ورق
و قالي الورق كمان 3 او اربع ايام
و النهارده بيقولي ممكن يتأخر للأربع

فأذا سمحتوا
هل انا غلطت ؟

ما هو الورق اللي المفروض استلمه ........ علما بأن المرور اللي هرخص فيه هو مرور الغربيه ؟

هل ممكن المرور يرجعني على حاجه ناقصه او يطلب مني حاجه ازيد مما سأستلمها من المعرض؟

في حالة لاقدر الله اني اخطأت او فيه حاجه غلط .... ما الاجراء اللازم اني اعمله ؟


ارجوا مساعدتكم

[islam.afifi]

المقصود بالورق هو ورق الترخيص ولا الكاتالوج ؟
لأن الخليجي ملهوش ضمان غير انك تشتري واحد
برجاء الإفادة

[Ramez_Fibo]

اقصد بالورق - هو ورق السيارة - فاتورة - شهادة بيانات ؟؟؟ افراج جمركي ؟؟؟؟؟؟؟؟؟
الورق اللي بروح بيه المرور
حد يعرف تفاصيله بدقة ؟؟؟؟؟؟؟؟؟؟؟؟

[islam.afifi]

أول لما تدفع فلوسك كاش "زي منا عملت" استلمت عقد بيع من المعرض فيه كل التفاصيل بتاعة العربية
و مشيت بيها
و بعد 5 أيام عمل , استلمت ورق العربية , شهادة بيانات , افراج جمركي و ورقة عقد بيع كمان
و روحت التوكيل و خلصت كل حاجة و مكانش فيه حاجة ناقصة
اهم حاجة و يؤكدلك انك ماشي صح هو عقد البيع الأولاني فيه طرف أول و تاني

[2tsh]

بص يا باشا وانت بتستلم العربية بيديك الورق الاتي: ايصال استلام الفلوس و ورقتين كمان فيهم بيانات العربية رقم الشاسيه و الموتور و الثمن...و باقي الورق حيقول لك بعد تلات ايام و هما الافراج الجمركي و شهادة بيانات و عقد بيع وورقة اخرير كده برده فيها بيانات السيارة...متقلقش يا باشا بس هم سعات بيتأخوا يومين تلاتة كمان زن عليهم انت بس و ان شاء الله كله تمام و ربنا يباركلك فيها

[Ramez_Fibo]

أول لما تدفع فلوسك كاش "زي منا عملت" استلمت عقد بيع من المعرض فيه كل التفاصيل بتاعة العربية
و مشيت بيها
و بعد 5 أيام عمل , استلمت ورق العربية , شهادة بيانات , افراج جمركي و ورقة عقد بيع كمان
و روحت التوكيل و خلصت كل حاجة و مكانش فيه حاجة ناقصة
اهم حاجة و يؤكدلك انك ماشي صح هو عقد البيع الأولاني فيه طرف أول و تاني

بص يا باشا وانت بتستلم العربية بيديك الورق الاتي: ايصال استلام الفلوس و ورقتين كمان فيهم بيانات العربية رقم الشاسيه و الموتور و الثمن...و باقي الورق حيقول لك بعد تلات ايام و هما الافراج الجمركي و شهادة بيانات و عقد بيع وورقة اخرير كده برده فيها بيانات السيارة...متقلقش يا باشا بس هم سعات بيتأخوا يومين تلاتة كمان زن عليهم انت بس و ان شاء الله كله تمام و ربنا يباركلك فيها

انا دفعت كاش بس مستلمتش عقد البيع ده

هو خلاني مضيت على ورقة استلام العربيه و صورها و ختمها و ادهاني

بالنسبة لأيصالات الدفع انا دفعت على اكتر من مرة بأيصالات و لما جيت استلم خد مني الايصالات
يعني كأني وردت ف الخزينه و استلمت و بس

و كمان قالي انه هيدييني الورق التالي : شهادة بيانات - افراج جمركي - ورقة بالبيع من المستورد للقرش و من القرش ليا - و لا يوجد بيها توضيح بالثمن

فما رأيكم

[2tsh]

انا دفعت كاش بس مستلمتش عقد البيع ده

هو خلاني مضيت على ورقة استلام العربيه و صورها و ختمها و ادهاني

بالنسبة لأيصالات الدفع انا دفعت على اكتر من مرة بأيصالات و لما جيت استلم خد مني الايصالات
يعني كأني وردت ف الخزينه و استلمت و بس

و كمان قالي انه هيدييني الورق التالي : شهادة بيانات - افراج جمركي - ورقة بالبيع من المستورد للقرش و من القرش ليا - و لا يوجد بيها توضيح بالثمن

فما رأيكم

يا باشا تمام عقد البيع من الوكيل ليه و منه ليك حتستلموا مع شهادة البيانات و الافراج..كمان الافراج حيكون صورة مش اصل وده عادي متقلقش ان شاء الله كله يخلص بس انت اصبر و كلمهم كل يوم اسأل علي الورق

[Ramez_Fibo]

يا باشا تمام عقد البيع من الوكيل ليه و منه ليك حتستلموا مع شهادة البيانات و الافراج..كمان الافراج حيكون صورة مش اصل وده عادي متقلقش ان شاء الله كله يخلص بس انت اصبر و كلمهم كل يوم اسأل علي الورق

تمام الله يطمنك - بس هل عقد البيع ده لازم يكون موضح فيه السعر ؟؟

[محمد بدر]

فعلا أطمئن بالنسبه للقرش مش موزع صغير
ده تاجر كبير وليه أسمه ومش ممكن يعمل حاجه غلط هو ممكن يطمع شويه لو حضرتك بتورد الفلوس في الخزينه والعربيه زاد سعرها مش هيسلمك إلا بعد دفع الزياده وده موقف شوفته بنفسي
وفي ناس نصحه بتكتب في عقد إستلام السيارة تاريخ إستلام الفاتوره والافراج وخطاب المرور وشرط جرائي عن كل يوم تأخير ده كمان غير تسليمك لوحات معدنيه تجاريه مجانيه حتي وصول الأوراق وتسليمها للمشتري وهذا ما حصل معي في أحدي معارض السويس

[amgomaa]

كل الكلام اللي حضرتك بتقوله طبيعى اهم حاجه دلوقتى الزن علشان تستعجلهم زن بس مش خناق

Sent from my GT-S5282 using Forum Runner

[Ramez_Fibo]

الف شكر للجميع

و انا مطمن من التعامل مع القرش

انا بس اللي خايف منه انه يبخل يديني فاتورة و لا يديني ورق يتسبب في المشورة رايح جاي

و فعلا حضراتكم و نعم السند

و هتابع حضراتكم بالجديد