السيراتو الجديده والفاميه مرور فيصل

[casper348]

حد رخص السيراتو الجديده فاميه فى مرور فيصل ؟
الافراج مكتوب فيه زجاج ملون بس صاحب المعرض قالى مش هتعرف تثبتهاحتى لو غيرت قزاز ملون فبريكه قبل ما اروح ...حد عنده معلومات عن الموضوع ده
مرور فيصل

[ابو ليلى]

هتتثبت زجاج ملون بس مفيش فاميه ... كان زمان ممكن دلوقتى لا

[casper348]

ما انا بقول زجاج ملون هغير الزجاج كله قبل ما اروح المرور ... بس صاحب المعرض قالى مش هينفع لانهم بقوا يرخمو فى المرور مع انه مثبوت فى الافراج
ياريت لو حد لسه مرخص سيراتو قريب يقولنا عمل ايه

[AHMED12345678]

انا مع سيراتو الشكل القديم
والافراج كان فيه زجاج ملون
وثبتها فى الرخصة زجاج فاميه فابريقة
ولسه مجدد الترخيص من اسبوعين وبرده ثبت فى الرخصه زجاج فامية فابريقة

[OmarEzzat93]

انا بقى وكيل مش خليجى و لما روحت المرور عندنا فى الزقازيق كانت العربيه زجاج عادى اللى جايه بيه و مكتوب فى الافراج الجمركى زجاج عادى و فى الاخر طلعت الرخصه زجاج فاميه فابريكه الواد بتاع المعرض مظبط ناس فى المرور

[ridars]

كل بيمشى بالحب فى البلد دة المهم تلاقى السكة الى تخلصلك الورق جوة .... لسة الجنية هو الى بيتكلم فى بلدك و اعمل حسابك مش اقل من 500 جنية