السيراتو الجباره

[ahmedz310]

ربنا يباركلك فيها ويديك خيرها ويكفيك شرها

[sherif4004]

اولا السرعه خطر جدا جدا

انا مصدق صاحب الموضوع انه جاب ٢٠٠
لان صديقي معاه النترا 2009 جاب ٢٢٠ علي طريق العين السخنه وكان بيشد مع كابريس موديل ٩١ وصديقي فرحان با ٢٢٠ وجت الكابريس امركت عليه كانه علي ٣٠٠ او الله اعلم

عموما انا مركب في عربيتي موتور كرستاله ميراج موديل ٩٤ في عربيه مكوه بجيب ١٥٠ وكان بيجيب ١٦٢
عموما انا عايز رايكم انهي الافضل اجيب سيراتو ولا نيسان قشقاي

[ahmedesmat1987]

اولا السرعه خطر جدا جدا

انا مصدق صاحب الموضوع انه جاب ٢٠٠
لان صديقي معاه النترا 2009 جاب ٢٢٠ علي طريق العين السخنه وكان بيشد مع كابريس موديل ٩١ وصديقي فرحان با ٢٢٠ وجت الكابريس امركت عليه كانه علي ٣٠٠ او الله اعلم

عموما انا مركب في عربيتي موتور كرستاله ميراج موديل ٩٤ في عربيه مكوه بجيب ١٥٠ وكان بيجيب ١٦٢
عموما انا عايز رايكم انهي الافضل اجيب سيراتو ولا نيسان قشقاي

مكوواه الفينات ساقت عليها مكنه كرستاله تسعينات ''''''''ميكانيكا دي ولا اعجاز علمي؛

[Deshahcoka]

خش اشكوش اجامد :) ههههههههههههههههههههههههههه ايوه بقى اديلوه سيراتوا جامد :)

[sherif4004]

مكوواه الفينات ساقت عليها مكنه كرستاله تسعينات ''''''''ميكانيكا دي ولا اعجاز علمي؛

هههههه عندك حق بس المكوه كانت مانوال وتم تغير الماتور بالفتيس وللاسف المكانيكي اختار ماتور ميراج اتنين كامه وانا عامل موضوع في المنتدي هنا واهو الواحد اتعلم

[moha4tec]

ربنا يباركلك فيها بس وصلت ل 200 من غير ماتحس وعلى الدائرى ازاى :)

انا و ياسر الصياد جبنا على الدائرى 200 بس انا فى حتت معينه و بالسيراتو 2010 مش الجديده كمان . و انا كان فى حته مفيهاش مطبات هوا و كانت الساعه 3 بليل قبل الثوره بكام شهر . و العربيه كان فيها 4 و جابت ال 200 بدون مجهود . لان الهوا مكنش فى مقاومه ليه خالص و دا من خسن حظى طبعا .و دى كانت اول مره اجيب 200 و بعد كده جبت 210 على طريق اسكندريه الصحراوى و كان فى هوا و كنت مقلق . و بعد كده جبت 213 على طريق السخنه و خدت الملفات على 190 بتاعه السخنه اللى بين الكارتتين .و لا كنت خايف و لا شىء و مكنش فى مقاومه للهوا بردو و كان راكب معايا سواق سباقات و مكنش مصدق اداء العربيه و استغرب جدا جدا و صورلى العداد كمان بكاميرته .

http://www.nilemotors.net/Nile/263639-a.html

kwd[i
نصيحه لوجه الله متجريش باى عربيه فوق ال 100 عشان انا عومت على 120 بالسيراتو لان المساعد كان ضارب و مكنتش عارف و مره تانيه غلطة سواق على 160 و اخدت غرزه غبيه على 100 و عدت على خير بس قلبى و جسمى تعبوا جامد جدا لمدة سنه كامله .و بقت بخاف اسوق اصلا .
خليك فى السرعه القانونيه و ريح نفسك
لما بتجرى جامد بتوصل شغلك او بيتك اعصابك بايظه و العكس فى السواقه العاديه .
ريح اعصابك و جسمك و احمى نفسك و غيرك .
للمعلومه السيراتو الجديده اتجربت على ارض الواقع و جابت تقريبا 220 او اقل بحاجه بسيطه
فى الثبات افضل من القديمه شويه و انعم فى المطبات العاديه عن القديمه . و كمان افخم
بس .............. بلاش جرى .انا عارف ان الجرى و الشد و التسقيط و الادرينالين و الجو ده بيعمل اثاره .
نصيحه بلاش جرى عشان متموتش حد و تفضل طول عمرك شايل زنبه ..........

[moha4tec]

السيراتو 2010 4 سرعات بتجيب 160 و 170 عادى فى اى طريق و لكن ال 200 فى الطرق النضيفه و 210 دى اقصى حاجه ليها و 213 فى المنزل .
اعتقد الشكل الجديد2014 ممكن يبقى افضل شويه بسيطه .
لكن السرعه خطر جدا جدا جدا
محدش يجرى يا رجاله انا شفت الموت بعينى
السيراتو 2010 عربيات كتير فى السوق فيها مشكله فى الارضى و دى عرفتها قريب جدا .و دى بتخلى العربيه تاكل بنزين و مبتجريش .فى اوقات .و لما الارضى يتهز و يظبط بتبقى عربيه تانيه فى الجرى و توفير البنزين .و دا اللى بيخلى العربيه يوم تجرى و تانى يوم بطه هههههههههه
بالنسبه للثبات : العربيه الزوايا بتاعتها عاوزه ظبط كل فتره قريبه عشان متتقلبش .انا فى طريق بمشى فيه و بلاقى كل يوم عربيات بتتقلب فيه كل الماركات بما فيهم المانى و كورى و غيرهم .كل يوم كل يوم بجد .على الناحيتين كمان .
يوم ما اكون مظبط الزوايا الاقى العربيه مبتحدفش و اسيب الطاره على العدل على 170 و لا الهوا و يوم تانى بحس بيها قبل ما اخش الملف و انا على 120 او اقل كمان .
و دا بعد خبره كذا سنه مع العربيه دى .(و مساعدينها الاماميين بيتاثرو من المطبات و الحفر مع الوقت و الزوايا بتخلف بعضها بيتظبط و بعضها لا و بيبقى عاوز تغيير مساعد او زرجينه .)
و دا اللى خلى ناس كتير تتقلب و تعمل حوادث بيها .
و الله اعلم

[moha4tec]

السيراتو ال 2014 المساعدين بالسوست اتغيرو للافضل بس مش عارف المقياس او المعيار ايه ؟؟؟؟

[Hosam_Optrawy]

moha4tec ياباشا انا مش معترض على 200 ولا 220 انا بس استغربت انه وصل للسرعه دى على طريق مش نضيف زى الدائرى ومن غير مايحس

[ahmad--ezzat]

moha4tec ياباشا انا مش معترض على 200 ولا 220 انا بس استغربت انه وصل للسرعه دى على طريق مش نضيف زى الدائرى ومن غير مايحس

ازيك ياحسام باشا والله انا داخل اسلم عليك لان مشاركاتك نادر لما بشوفها :)

اتمني تكون بخير

[Hosam_Optrawy]

ازيك ياحسام باشا والله انا داخل اسلم عليك لان مشاركاتك نادر لما بشوفها :)

اتمني تكون بخير

ربنا يخليك ياباشا بخير الحمدلله

[lanos2004]

انا كتير كسرت 200 على الدائرى بلانوس وقربت على 300 الف كيلو بمطباته بملفاته بس يا متاخر قوى او بدرى جدا
فمش كتير على سيراتو 2014 انها تكسر 200-وكتير طلعت كوبرى الجيش على 195--انتحار بس ممتع
وطبعا كنت صورت دى

[2CODE]

طيب يا جماعة لما معظم الناس تقريباً عملوا نفس الحكاية بنفس السرعة على الدائري يبقى داخلين تشككوا في الراجل ليه ؟؟؟؟؟؟؟؟؟؟؟؟؟؟؟

احنا معانا ناس جامدة في المنتدى برضه ههههههههههههههههه

ربنا يسترها علينا وعليكم جميعاً وبلاش السرعة يا جماعة بلاش السرعة وخصوصاً ليا انا برضه هههههههههه

[lanos2004]

طيب يا جماعة لما معظم الناس تقريباً عملوا نفس الحكاية بنفس السرعة على الدائري يبقى داخلين تشككوا في الراجل ليه ؟؟؟؟؟؟؟؟؟؟؟؟؟؟؟

احنا معانا ناس جامدة في المنتدى برضه ههههههههههههههههه

ربنا يسترها علينا وعليكم جميعاً وبلاش السرعة يا جماعة بلاش السرعة وخصوصاً ليا انا برضه هههههههههه

المشكله مش فى 200 المشكله انه قال انه لم يكن يشعر بالطريق--دة وصف تمثيلى وليس نصى-

[moha4tec]

moha4tec ياباشا انا مش معترض على 200 ولا 220 انا بس استغربت انه وصل للسرعه دى على طريق مش نضيف زى الدائرى ومن غير مايحس

السيراتو الجديده 2014 العزل فيها ممتاز و افضل من القديمه و كمان مشغل تكييف يعنى مش هيسمع شىء برا و لا حتى صوت الموتور . و كمان فى جزء نضيف جدا من الدائرى مفيهوش مطبات هوا اصلا و كمان يعتبر منزل كمان .اى عربيه فى الحته دى بتجمع لل 170 من غير ما يحس فلا .لو مشغل موسيقى و تكييف و عزل العربيه و الموتور ممتاز و العربيه ناعمه و الطريق حرير و كمان منزل و الهوا فى ضهرك .سهل جدا العربيه تجمع من غير ما تاخد بالك و ممكن تكون فاكر انها 120 و تلاقيها 160 مثلا .هو ده قصد الراجل .هو تلاقيه كان فاكرها 140 او 150 و لقاها 200 .
هى بس الظروف ساعدته مش اكتر .و دا مش معناه انه يقدر يجيب 180 او 160 حتى على اى حته فى الدائرى .دا فى حتت بمشى فيها 40 باعافيه عشان مموتش .و فى حتت تانيه 120 او بالكتير 140 .و اكتر الدائرى بمشى من 80 ل 100.
مش القصد انهاعربيه خارقه و لكن فقط الظروف ساعدته و حظه حلو و لكن التجربه دى مش مقياس او معيار للسيراتو .
و عمرها ما هتجيب 230 اصلا مع احترامى للكل حتى لو فى منزل كمان .و الناس اللى قالت 260 ده نظريا لكن على الواقع اقل بكتير .و اشكرهم على الورق و الاحصائيات اللى كتبوها .
ربنا اعلم و الله بى انى اعشق العربيه دى و لكن لازم نقول الحق عشان محدش يتخدع بكلام مبالغ فيه و يجى يجرب يلاقى حاجه تانيه و يدعى علينا .
السيراتو الجديده اقصى سرعه ليها ثابته على السرعه و ليس ثبات العفشه .هى 215 تقريبا .يعنى فى العدل لا مطلع و لا منزل تجمع 215 و لكن اى عربيه على السرعه دى خطر جدا و مفيش اى فايده او داعى من اننا ندافع عن ماركه او موديل عربيه .كده كده مش هنستفاد حاجه غير خناقات على الفاضى .و كمان ممكن نضر حد جديد فى العربيات ياخد اى فتى و يجرى يتخدع و يشترى و يجرى و يعمل لا قدر الله حادثه .
اهم شىء فى المعادله السواق .
يعنى مثلا انا لما ركبت ياسر الصياد .بصراحه هو بيسوق افضل منى بكتير مع انه اصغر فى السن منى بس محترف عنى بمراحل .و عمل حجات بالعربيه مكنتش اتخيلها و بقيت خايف و انا راكب معاه ههههههههههه. كانى اول مره اركب عربيه . و بردوا دكتور احمد بيجرى بطريقه مستفزه لدرجه انك ممكن تجرى معاه و تنسى نفسك و تلبس فى اى عربيه بسهوله جدا
خلوا بالكوا و ارحموا نفسكم و الطريق زى البحر ملوش كبير
و كله بيمشى بستر ربنا .