استفسار عن اطارات كيا سيراتو 2014. .ارجو المساعدة

[2tsh]

السيارة انا لسه مرخصها من 10 ايام..بس المشكلة ان في اطار من الاربعة اول ما اشتريت السيارة لقيته منفوخ علي درجة اعلي من الباقي و بعد كده لقيته بيفضي بسرعة اوي يعني من اسبوع روحت مليت الكاوتش علي 32 امبارح لقيتها علي 17 زوتها تاني...النهاردة روحت اتأكد لقيتها 23 مليتها تاني... سؤال ما الحل هل ده يدخل في الضمان.. يعني اروح للتوكيل ولا المعرض اللي اشتريت منه من 3 اسابيع ولا اروح للشركة بتاعة الاطارات ..هو نوعه nexen.. ما الحل ارجو افادتي سريعا ﻷني لازم احل المشكلة دي بكرة...شكرا

[Ahmed.Essam]

اعتقد التوكيل مادام العربية في الضمان والمعرض مالوش دعوة
ولو فيه حاجة لا قدر الله هتبقى حاجة بسيطة في الكاوتش نفسه والحمدلله انها هتبقى على أد كده

[Mahmoud/Nabil]

التوكيل

[2CODE]

ولا هيعمل لك اي حاجة لان الكاوتش ليه ضمانه المنفصل

هتلاقي في كتاب معاك بنوع الكاوتش وفيه الضمان بتاعه - انا كان معايا كتاب للهانكوك في الريو 2013 قبل ما ابيعها وكان فيها الضمان بتاع الكاوتشات في جواب كده مقفول وفيه كتاب وورقة الضمان

[2tsh]

ولا هيعمل لك اي حاجة لان الكاوتش ليه ضمانه المنفصل

هتلاقي في كتاب معاك بنوع الكاوتش وفيه الضمان بتاعه - انا كان معايا كتاب للهانكوك في الريو 2013 قبل ما ابيعها وكان فيها الضمان بتاع الكاوتشات في جواب كده مقفول وفيه كتاب وورقة الضمان

انا معنديش فقط غير الضمان الاصلي بتاع السيارة و مفيش اي اوراق اخري تخص الاطارات...بس الكاوتش مكتوب عليه ان تاريخ تصنيعه 1/ 2014

[amgomaa]

بالفعل فى جواب منفصل لضمان الكاوتش بس اعتقد ان شاء الله المشكلة بسيطه ممكن محتاج تغيير بلف

Sent from my GT-S5282 using Forum Runner

[2tsh]

بالفعل فى جواب منفصل لضمان الكاوتش بس اعتقد ان شاء الله المشكلة بسيطه ممكن محتاج تغيير بلف

sent from my gt-s5282 using forum runner

انا الحمد لله لقيت الضمان بتاع الاطارات في طبلوه السيارة...المفروض بقي اروح لمين التوكيل ام شركة الاطارات..ولو الشركة فين مكانهم

[2tsh]

هل اروح للتوكيل ولا اشوف فرع لتوكيل nexen واروح له بضمان الكاوتش

[devil_storm]

يا عم توكيل ايه بس!!! كوتشك في خرم بسيط و يا ما الكوتش حيتخرم ... روح لواحد بتاع كوتش

[محمد درغام]

غالبا البلف... اى بتاع كاوتش يربطه او يغيره..

[2tsh]

الف الف شكر.... انا روحت التوكيل النهارده قال لي ان ده تبع توكيل الاطارات...روحتلهم لقيتهم قافلين..طلعت علي واحد بتاع كاوتش لقيت فيها مسمار عملتها لحام مكواه افضل طريقة رغم ان الكاوتش بقاله اسبوع واحد ..الحمد لله علي كل شئ....