new soul 2015

[memo823000]

طبعا زى العنوان تم دراست كيا سول 2015 ضمان الوكيل والاوبشن كالاتى

هى موتور وفتيس السيراتو والالنترا الجديده 130 حصان 1600
الصاج والخامات الداخليه ممتازه جدا والصالون نفس القديمه ولكن الشنطه بقت اوسع والسقف بقى اوطى شويه عشان الانسيابيه
تقفيل الموتور ممتاز وليه كارتيره مغطيه الموتور بالكامل من تحت وكمان الكبوت على 2 مساعد هيدروليك ودى حاجه محترمه جدا وكمان عازل حرارى

اول فئه 156000
جنط 16/60/205
مفتاح ريموت - مرايات ضم اوتو زى السيراتو الجديده باشارات ليدات - 1 ايرباج - طاره مالتى وتحكم فى تقل البور زى السيراتو الجديده اللى فى sx فيما فوق - زجاج فاميه - فوانيس شبورة

فئة الهاى لاين 176000
سقف بانوراما - سينسور خلفى - جنط 17 - 2 ايرباج و abs - مثبت سرعه

فئة توب لاين 205000
جنط 18 - سينسور امامى وخلفى - ليدات امامى وخلفى وعدسات لينسات - فرش جلد كامل - كرسى كهرباء للسائق - مفتاح بصمة - تاتش اسكرين وكاميرا خلفيه زى السيراتو الهاى لاين - بلوتوث - طاره جلد - نور بالسماعات

بصراحه العربيه عجبتنى قوى وكانت واقفه جنب الاسبورتاج برده حلوه قوى ومش صغيره

والله المستعان

[omaranes77]

205
في soul
واللة يا بلاش

[omaranes77]

اسف يا باشا
مشكور علي تعبك

[Mahmoud/Nabil]

شكرا يا باشا

[svneleven]

تسلم ايديك.
لو تعرف تجيب شوية صور يبقي عداك العيب.

[exact]

مقارنة بالاسعار الهبل اللي بقينا بنسمعها فهي كده كويسة نسبيا

[prooo]

من رائي المتواضع .... اول فئه فاضيه ومفهاش اي بي اس يبقى حرام عليك لو جبتها ..... تاني فئه هيا اللي مناسبه بس بسعرها تجيب سيراتو هايلاين ودي من وجهة نظري افضل منها ..... ولو ناوي على التوب لاين ...... يبقى السبورتاج اول فئه طبعا بدون ادنى تفكير ..... وارجو تقبل رائي ......

[Khalid.farid]

في اي اخبار عن العفشه في كيا سول الجديده ؟

[OmarEzzat93]

مبالغ فى سعرها جدا و مشكور على الموضوع الجميل ده

[Mohammmed]

المفروض abs ينزل فى كل الفئات فى كل العربيات اساسى

[Deshahcoka]

هوا مش راضين ينزلوا abs في اول فئه عشان ميبوظوش بيع بقيت الفئات الحرميه :(

بس لو التانية فيها abs يبقى مش بطال ! حضرتك متأكد من المواصفات ديه يا باشا ؟

[memo823000]

انا متاكد الحمد لله لانى ببعها ودى شغلتى
والعربيه كبرت فى المقاسات طولت 35 سم وطبعا الطول جه فى الشنطه
والعرض وقاعدة العجلات بقى اكبر حوالى 10 سم
والارتفاع من الارض لحد السقف قل حوال 7 سم عشان اختراق الهوا

طبعا العفشه بقت حاجه تانيه زى الفرق بين السيراتو 2010 و الجديده 2014

واكتر حاجه عجبانى خامات العربيه كصاج وخامات داخليه فوق فوق الممتازه

[S O P H O S]

عربية جميلة بصراحة

[Dr.Akram]

انا عايز اجيب الكيا سول ٢٠١٥ الفئه الاولي ١٥٧٠٠٠بس الabs موقفني
و لو وصلت للفئه التانيه الكارينز احسن ١٨١٠٠٠
هو العربيه من غير abs مش بتفرمل ولا ايه فهموني
و لو جبت العربيه من غيره ما ينفعش اركبه بره ولا ده هتش
ساعدوني ماعلش
ولو مش كده في البيجو ٢٠٠٨ برضه ٢٠١٥ فيها كل ده و اكتر
رأيكم إيه

[memo823000]

كل عربيه وليها شخصيتها
الكارينز عربيه عائليه من الدرجه الاولى فيها 3 كنبه يعنى اطفال وهرس وسفر ولكن تعتبر ارتفعها قليل او الارتفاع العادى ولو المطبات عاليه وطرق وحشه زى الزراعى او طرق الصعيد هتتعب من الحك
السول عربيه مخلطه يعنى عاليه زى الكروس اوفر صالون واسع زى السيدان وشنطتها كويسه وكمان عمليه جدا لمصر ولطرق مصر ولمطبات مصر وزحمت مصر هتنجزك وطبعا نفس موتور وفتيس السيراتو الشكل الجديد وسعرها يعتبر كويس بالنسبه للعربيات العاليه اللى اقل عربيه دلوقتى بقت بتتباع اوفر برايس زى ix35 ب 210000 او الاسبورتاج 216000

بالنسبه لاول فئه سول فيها
واحد ايرباج - مرايات ضم واشارات مرايات - مفتاحين ريموت اوريجنال - فوانيس شبوره - طاره مالتى فانكشن - تحكم للبور comfort/normal/sport mode
زجاج ملون - جنط اسبور 16
ومفهاش abs
والسعر 157000

الفئه الهاى لاين بتزيد
جنط 18 ودى اخر تعديل
2 ايرباج بدل واحد وفرامل abs
فرامل ديسكات خلفيه
مثبت سرعه - سقف بانوراما - مقابض نيكل- سينسور خلفى
والسعر 180000

طبعا اخترت الكارينز او اخترت السول اول فئه او الهاى لاين التلاته اختيار موفق وكل فئه بتمنها بس العربيتين كوالتى وتقفيل ممتاز
انت اختار اللى شايفه مناسب وارتياحك النفسى