تيل فرامل سبورتاج خلفى

[Trondo]

حد عنده فكره عن تيل السبورتاج الخلفى الاصلى ؟!

فيه حد غيره قبل كده بره التوكيل ؟!!!

التوكيل بيقولى ٨٥٠ و انا شايفه كتير الصراحه

سألت عليه بره فيه تاجر قالى هوا هوا السيراتو الخلفي

اصلى شركه ب ٣٥٠ جنيه

عاوز اتأكد من المعلومه دى لو حد عنده فكره يبقي كتر خيره

[محمد بدر]

حضرتك أنا كنت غيرت التيل الأمامي في التوكيل علي 15000كم وكان تقريبا ثمنه 700 جنيه شامل الضريبه وقررت من يومها مغيرش تيل في التوكيل تاني لسببين .
الأول تم تغيير التيل ومكنش عندي أي مشكلة وللأسف صدقتهم و بالفعل بعد عودتي من التوكيل وبفحصي للتيل القديم لقيته زي الفل يعني بالراحة كده كان ممكن يقعد معايا 15000 كم تاني ومحتفظ بيه وناوي أركبه تاني إن شاء الله.
السبب التاني أرتفاع سعره وأنا كنت بتعامل مع محلات نافع في شارع دمشق وكنت بركب للهونداي تيل كوري سعره رخيص و عملي جدا.

[عبدالله برعى]

التيل الخلفى (قباب) بيسموه كدا او هلال ب 450 ج لسه مشترية للسيراتو ومركبتوش من التوكيل برا التوكيل 395
التيل الخلفى (بسكوتة) بيزيد حوالى70 جنية عن الهلاال او ممكن تشترية من الجندى اللى فى التوفيقية او فرع مصر الجديدة
ولو عايز رقم التلفون ابعتهولك

[Trondo]

انا فى الاسكندرية

الف شكر لمحمد بيه بدر ... عميد السبورتاج :)))
انا فعلا اخدت نفس القرار بسبب التيل الامامى برضه
ولما سألت على الخلفي سمعت ال ٨٥٠ دى
التيل اللى بتقولى عليه دا اسمه او شكل علبته ايه و هل يمشي على حاجه تانيه ؟
ياريت لو فيه حد فى القاهره عنده قولى عليه او هاتلى رقم تليفونه و انا عندى حد ابعته يجيبه


استاذ عبدالله ... حضرتك اللى اقصده ان هل بتاع السيراتو يركب بالظبط على بتاع السبورتاج من غير مشاكل ؟!

الف شكر

[محمد بدر]

أولا
أنا أشكرك جدا علي ثنائك الرفيع لشخصي المتواضع
ثانيا
محل نافع معروف جدا في شارع دمشق.
وكمان فيه محلات الجندي بس خليك الأول مع نافع
وأنا لو نزلت قريب هسألك إن شاء الله
ثالثا
أنا مش فاكر أسم. التيل ولاكن أعتقد ان كان أسمه goold بس مش متأكد
ولاكني متأكد من أنه صناعة كوريه وعلبه لونها أزرق فاتح
ومكنش فيه منه أي مشاكل علي الإطلاق وكان بيجافظ علي الطنابير وغيرته مرتين فقط لأنه معمر كنت بغيره علي أكثر من 35 ألف كيلو ولم أخرط الطنابير وبعت العربيه عمله 95 ألف كيلو والفرامل والدنيا كانت تمام بفضل الله

[spidars]

معرفش لما ابقي راكب عربيه بربع مليون واستخسر فيها تيل 800 جنيه ولا 1000 يبقي مركبهاش احسن واجيب حاجه علي قدي احسن من الي تيل الفرامل بتعها 200 جنيه وارجو تقبل كامل احترامي لصاحب الموضوع

[Trondo]

ياستاذ spiders

وجهه نظرك و انا احترمها ... مفيش مشكله

الفكره كلها انى مش بحب الاستغلال بتاع التوكيل عمال على بطال
انت لو قريت كلامى هتلاقى انى سألت على التيل الاصلى ... يعنى مش بستخسر زى مانت قولت
التوكيل فيه حاجات كتير بيكون مفترى فيها بدون داعى

وجهه نظرى انا ... ان اللى ميعرفش يوفر بعقل من الفلوس اللى بيدفعها ... يبقي مش تعبان في الفلوس :)

بعقل هنا اقصد انى مش هاروح اجيب تيل مضروب ب ٢٠٠ جنيه و اركبه و خلاص علشان اوفر

وحضرتك من المنوفية ... يعنى أهل الكرم !!

تحياتى

[Trondo]

محمد بيه ... شاكر جدا لردك وذوقك

كنت محتاج اخد رأيك فى موضوع

صديق ليا بيستورد أنصاص عربيات كورى
عنده سبورتاج نصين .... العربيه النص الامامى فيه فانوسين جامديين

فوانيس زينون وبرمش داى لايت أصلي حالتهم ممتازه ... عرضت عليه ياخد اللى عندي و ادفع فرق

اللى عندى حالتهم ممتازه برضه و من غير رمش بتاع ال٢٠١٢

رأيك ادفع فرق كام و تكون جود ديل ؟!

أكيد انت عارف موضوع الزينون و مشاكله هنا علشان اللعب و ال bcm
دا ركب فيشه و شيل فيشه و شكرا ... و النهارده جربتهم و طالعوا تحفه :)))

أيه رأيك ؟!

[Ahmed redaa]

معرفش لما ابقي راكب عربيه بربع مليون واستخسر فيها تيل 800 جنيه ولا 1000 يبقي مركبهاش احسن واجيب حاجه علي قدي احسن من الي تيل الفرامل بتعها 200 جنيه وارجو تقبل كامل احترامي لصاحب الموضوع

مع كامل احترامى ليك بس هى مش بتتحسب كده خالص - فيه حاجات لازم التوكيل حتى لو هادفع الضعف وفيه حاجات ابقى زعلان من نفسى ان عملتها فى التوكيل

[spidars]

ياستاذ spiders

وجهه نظرك و انا احترمها ... مفيش مشكله

الفكره كلها انى مش بحب الاستغلال بتاع التوكيل عمال على بطال
انت لو قريت كلامى هتلاقى انى سألت على التيل الاصلى ... يعنى مش بستخسر زى مانت قولت
التوكيل فيه حاجات كتير بيكون مفترى فيها بدون داعى

وجهه نظرى انا ... ان اللى ميعرفش يوفر بعقل من الفلوس اللى بيدفعها ... يبقي مش تعبان في الفلوس :)

بعقل هنا اقصد انى مش هاروح اجيب تيل مضروب ب ٢٠٠ جنيه و اركبه و خلاص علشان اوفر

وحضرتك من المنوفية ... يعنى أهل الكرم !!

تحياتى

طب هو حضرتك ضامن ان التيل الي هتجيبه اصلي نفس بتاع التوكيل

[محمد بدر]

محمد بيه ... شاكر جدا لردك وذوقك

كنت محتاج اخد رأيك فى موضوع

صديق ليا بيستورد أنصاص عربيات كورى
عنده سبورتاج نصين .... العربيه النص الامامى فيه فانوسين جامديين

فوانيس زينون وبرمش داى لايت أصلي حالتهم ممتازه ... عرضت عليه ياخد اللى عندي و ادفع فرق

اللى عندى حالتهم ممتازه برضه و من غير رمش بتاع ال٢٠١٢

رأيك ادفع فرق كام و تكون جود ديل ؟!

أكيد انت عارف موضوع الزينون و مشاكله هنا علشان اللعب و ال bcm
دا ركب فيشه و شيل فيشه و شكرا ... و النهارده جربتهم و طالعوا تحفه :)))

أيه رأيك ؟!

صديقي العزيز لاشكر علي واجب.
إحنا موجدين في هذا المنتدي علشان نساعد بعض. وواضح من أسلوبك أنك راجل محترم جدا وإنسان جميل.
وقبل مندخل في موضوع الفوانيس عايز أتكلم عن موضوع التوكيل.
أنا لو لقيت تيل فرامل بـ 20 جنيه بره التوكيل وحد أثق فيه جربه وشكر فيه مش هتردد في تركيبه.
وموضوع التوكيل ده في ناس وخداه نوع من أنواع المنظره روحت التوكيل جيت من التوكيل
الناس إللي فهمه عربيتها كويس ممكن مترحش التوكيل خالص وفي ناس بره التوكيل أفضل مائة مره من إللي داخل التوكيل.
وطبعا محدش ينكر إن التوكيل ليه فوائد.
ان العربيه فيها مشكله ما ومش لاقي قطع غيار أو جهاز كشف الأعطال مش موجود بره التوكيل تطضر تروح التوكيل .
وأهم حاجه في التوكيل وأنا أعتبرها الفائده الكبري. هي فواتير التوكيل بتعلي قيمة العربية في البيع وتطمن المشتري.
غير كده كلنا عرفين مستوي التوكيلات الموجوده في مصر ومدي إستغلالها للعميل ومن الآخر مبدورش غير علي المكسب وتقليب العميل الكلام ده من واحد إتعامل مع توكيلات كثير.
علي فكره أنا كان معايا كارينز وفانوس خلفي اتكسر تمنه كان في التوكيل 1050 جنيه اشتريت نفس الفانوس أصلي من عند علي رضا 450 جنيه.

معلش نرجع لموضوع الفوانيس.
لو الفوانيس فيها زينون أصلي ورمش أنا موافق أستبدلهم بـ 1500 جنيه.
لو الفوانيس زينون وليدات أنا موافق استبدلهم بـ 2500 جنيه .
لو الصفقه تمت كده يبقي ألف مبروك عليك ربنا يبارك لحضرتك